JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FRETILIN lamenta sidadaun balun kuarantena iha lona okos

FRETILIN lamenta sidadaun balun kuarantena iha lona okos

Foto:Google

Reprezentante povu iha uma fukun Parlamentu Nasionál (PN), liu-liu bankada FRETILIN lamenta ho sistema kuarantena ba Timor-Oan sira ne’ebé foin fila husi rai-liur, tanba balun hela iha lona okos.

“Uluk FRETILIN hakilar atu investe infra-estratura no profesionál saúde hodi atende povu sira, maibé FRETILIN nia lian monu leet ba rai. Agora ita haree situasaun ne’ebé ita enfrenta ita-nia ema sira ne’ebé iha kuarantena tau iha lona okos, tau iha situasaun la dignu, ita ema sira hetan kalamidade, agora dau-daun sira toba iha aí-hun, maibé ita sei hakilar malu iha ne’e”, deputada bankada FRETILIN, Maria Angelica Rangel liu husi ninia intervensaun iha PN, Kinta (02-04-2020).

Iha fatin hanesan, deputadu bankada CNRT, Patrocínio Fernandes, hateten, pandémia coronavirus (COVID-19) ne’e, la’ós Timor-Leste mesak de’it mak enfrenta, tanba ne’e, presiza prepara kondisaun saúde.

“Ita hanoin Timor-Leste mesak mak hasoru buat ida ne’e, ne’ebé ita-nia preparasaun mak laiha, nasaun Italia mate rihun ba rihun ne’e, tanba durante sira nia ukun la prepara kondisaun saúde ni’an, nasaun boot mate rihun ba rihun ne’e, tanba la prepara. Ha’u hanoin dalaruma ita iha Timor mehi hanesan atu sai kedas nasaun América, Alemã, Xina, ha’u hanoin difísil uitoan atu halo ida ne’e”, subliña Patrocínio.

Entretantu, to’o agora Timor-Leste mantein kazu pozitivu ba COVID-19 na’in ida (1) no dau-daun ne’e ema hamutuk 900 resin sei kumpri kuarantena, maibé 200 resin konsege pasa ona husi prosesu kuarantena durante loron 14.

Tuir dadus ne’ebé atualiza husi nivel mundiál ba loron 3, fulan Abril ne’e, COVID-19 hamate ona ema 53,280 ema ne’ebé rekopera hamutuk 213,499 no rejistu kazu hamutuk 1,018,536. ety

Lee hotu :   KM aprova projetu rezolusaun nomea membru Konsellu Administrasaun ANATL

 

Add to Comments Here!!!!

error: Content is protected.
Secured By miniOrange
You might also like:
AJAR: Dekretu Governu ba EE iha lakunas barak

Diretór Ezekutivu Asia Justice and Rigths...

Klínika Bairro-Pité sei produs Hand Sanitizer ho tua sabu-ulun

Jestór Klínika Bairro-Pité, Inácio dos Santos,...

Fronteira terrestre sei loke ba Timor-oan kada semana dala ida

Governu liu husi Ministériu Defeza no...

Close