JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu aprova pakote ekonómiku sira relasionadu ho COVID-19 ■AJAR: Tenke fó asisténsia sosiál ba povu durante EE

Governu aprova pakote ekonómiku sira relasionadu ho COVID-19 ■AJAR: Tenke fó asisténsia sosiál ba povu durante EE

Governu liu husi reuniaun interministerial iha Sesta (17/04/2020), aprova ona pakote ekonómiku hodi responde ba povu nia moris durante Estadu Emerjénsia tanba COVID-19.

“Reuniaun rona preimeiru aprezentasaun husi Ministru Estadu Koordenadór Assuntu Ekonómiku konaba medida integrada Governu nian  iha setor ekonómiku. Ne’ebe ohin membru husi komissaun interminiterial aprova medidas hirak ne’ebe maka ohin MEKAE apresenta. Proposta ne’e mai husi liña ministerial sira no depois nia fase implementasaun liña ministerial sira mak sei implementa no naturalmente halo disponiblidade finanseira. Medidas ne’e hare pontos hanesan tuir mai: Pontos dahuluk hare ba konetividade ba transporte nian, ponto segundo hare distribuisaun bens essensiais, ponto datoluk hare ba telekomunikasoens, dahaat servisu basikus, lima kreditu, neen apoio direto ba sidadaun sria”, hateten Fidelis Magalhães,hafoin reuniaun interministerial iha Salaun Ministeriu Finansa Aitarak Laran Díli.

Tuir governante ne’e,  medida detallada Ministériu Ida-idak sei fo sai, entretantu pakote apoio direto ba sidadaun sira iha komponente tolu, komponente dahuluk maka pakote ne’e pursento 78  mai husi Governu, komponente daruak husi pakote ne’e maka isensaun sira pursentu 8 no pakote ikus mak kreditu, tuir membro Governu ne’e  kreditu  tama kategoria ketak,  tamba apoio ne’ebe maka sei mai husi kredito sei rekoopera fila fali no pakote ikus liu maka kreditu konstitui pursentu 14 husi ninia montate global.

“Esforsu prinsipal husi Governu nia medidas atu kontribui ba distancia social ne’e esforsu xavi iha setor saude nian agora buat ne’ebe maka ita lakoi atu adianta buat ruma no depois kria fali konfusaun hodi estraga tia fali ita nia esforsu atu kontribui distanciamentu sosial. Objetivo prinsipal maka ita nia bem estar ita nia populasaun nian no ekonomia uma laran”, hateten.

Lee hotu :   Total numeru eleitor sei fo sai hafoin resensiamentu

Tuir Fidelis Leite Magalhães, intervensaun hotu Governu nian iha objetivu rua atu kontribui ba distansia sosial no fisiku além de ne’e atu assegura família sira la sai mukit liu tan, tamba restringimentu ne’ebe maka Governu impoim tamba covid-19.

“Hakarak garante katak Ministériu relevante sira maka sei tun to’o komunidade nia leet uainhira implementa medida hirak ne’e. Ne’ebe hakarak husu ba komunidade sira atu kalma, hela iha uma no assegura katak ita la hetan moras ne’ebe maka espalha no ita mos la sai hanesan makina ne’ebe hadaet tutan fali moras ida ne’e”, esplika.

AJAR: Governu tenke fó asisténsia sosiál ba povu durante EE

Diretór Asia Justice and Rigths (AJAR), José Luis Oliveira, husu Governu bainhira estende Estadu Emerjénsia (EE), tenke tau prioridade hodi fó asisténsia sosiál  ba povu sira, liu-liu ba ema kbiit laek la bele mate tanba hamlaha.

“Ita mos presiza halo revizaun, revizaun polítika lalais atu antesipa mos problema seluk ne’ebé mosu husi ne’e, buat ida pakote ekonomia, pakote sosiál ne’ebé agora governu halo ne’e tenke implementa lalais, tanba ita nia kabun la hanesan ho ida, ema sira simu saláriu kabun bosu hela, ema sira ne’ebé mak buka vida halo atividade ekonomia iha dalan, ho regra sira bandu, transporte públiku la la’o maka afetadu tebes ba ema sira ne’ebé buka moris iha dalan ninin. Agora ita tenke iha pakote sosiál tun lalais hodi ajuda sira, sé ita  la ajuda mak ita kauza problema foun fali”,dehan José Luis Oliveira ba Jornalista GMN iha nia knaar fatin farol Sábadu (19/04/2020).

Nia afirma, se la iha pakote sosiál ema barak sei enfrenta problema bo’ot, iha sira nia vida moris babain, tanba sira la iha rendimentu, sira bele hamlaha sira bele saude la diak kuandu hamlaha no saude ladiak ne’e mos halo sai vulnuravel, no virus ne’e bele halo ema moras lalais, tanba virus ne’e, maneira enfrenta ne’e iha rua, ida prevene husi liur ida seluk fali hasai imunidade husi laran enfrenta virus ne’e.

Lee hotu :   Prezidente PN Aniceto: “Ha’u la Preokupa ho mosaun sensura”

“Atu hasai imunidade husi laran povu tenke saude diak,  povu tenke iha alimentu ne’ebé ké diak, povu la bele estres, ida  ne’e importante mos, estres halo ita nia rezistensia tun liu, dala ruma governu mai impoen, regra ho presaun deit halo povu estres, kuandu estres ema sai vulnuravel tebes hodi hetan moras ne’e” subliña Luis.

Díretor ne’e esplika,  governu tenke tau prioridade mak hanesan, tenke fo informasaun ne’ebé ho transparansia, segungu programa asisténsia sosiál, la hanesan ho asisténsia ekonomia, kuandu pakote asisténsia ekonomia ne’e ba instituisaun ka atividade ekonomia balun hetan impaktu husi Estadu Emerjénsia ne’e, ezemplu hanesan sira-nia rendimentu tun, sira tenke hapara sira-nia traballadór, ida ne’e pakote ekonomia.

“Mas ida pakote sosiál ne’e, ba ita-nia povu sira ne’ebé mak moris iha nível  kiak ida ne’ebé buka moris lor-loron um dolar iha atividade iha dalan sira ne’e, tenke sai prioriedade para depois laos sira fali mak mate, agora dadaun ita konsetradu iha Covid-19, mais ita la hatene realidade ita iha pesti seluk  ne’ebé ameasa dadauk ita ema mate barak liu ona,  ema mate nain lima tanba moras dengue, hanesna pesti ida ne’ebé ké daet, husi ema ida ba ema seluk, se ita la fo atensaun ba ema sira ne’ebé moris iha nível kiak, hanean defisiénsia, faluk no seluk tan, tenke halo loron ida atu hetan dollar ida, se sira la han sira sai vulneravel tebes moras ne’e”,tenik Luis Oliveira. Oct/Oly

 

Add to Comments Here!!!!

error: Content is protected.
Secured By miniOrange
You might also like:
Kazu pozitivu COVID-19 iha Timor-Leste aumenta ba 19 ■ Komisaun Interministerial aprova estensaun EE ba fulan ida tan

Porta voz Centro Intregrado Gestão de...

Estadu kondekora doutór Daniel Murphy ho medalla Orden Timor – Leste

Estadu Timor-Leste, kondekora doutór Daniel John...

KHUNTO lamenta oknum PNTL balun iha terenu implementa sala regra EE

Deputadu bankada Kmanek Haburas Unidade Nasionál...

Close