JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu sei garante subsídiu ho porsentu 60 ba média

Governu sei garante subsídiu ho porsentu 60 ba média

Governu sei garante subsídiu ho porsentu neen nulu (60), ba média sira durante iha situasaun Estadu Emerjénsia.

Surtu global ne’ebé sai ona preokupasaun mundiál, inklui mós Timor-Leste, rejista ona kazu ho pozitivu Corona Vírus Disease 2019 (COVID-19), tanba ne’e, governu sei garante subsídiu ba média privadu hirak ne’ebé mak hala’o sira nia atividade iha Timor-Leste

Orsamentu ba rekooperasaun ekonomia liu-liu fundu ba surtu Coronavírus, haruka ona direta ba iha Centro Integrado Gestão de Crize (CIGC,) ho nune’e SEKOMS propoin orsamentu refere sei fó apoiu mós ba jornalista sira.

“Orsamentu COVID-19 jere direta iha sentru integradu entaun SEKOMS mós propoin média mós hetan asesu ida ne’e prosesu sei la’o hanesan ita asesu ba bens no serbisu ne’ebé mak hatama proposta, asesu liu husi pakote ekonómiku, pakote ekonómiku ne’e ita tau planu ida, ita sei apoia média na’in sira ne’ebé ita boot sira serbisu ba ita fó subsídiu ba sira ,ita apoia para sira bele kontinua selu salariu 60% ne’ebé governu sei subsídiu 60% salariu ita boot sira ni’an no husi 40% husi kompañia mak bele haree, ne’e duni ami hanoin laiha razaun hasai ita boot sira husi serbisu tanba Governu sei bele garantia liu husi subsídiu ba média na’in sira”, deklara, Sekretáriu Estadu Komunikasaun Sosial, Mericio Juvinal dos Reis Akara, ba Jornalista sira liu husi Komunikadu Imprensa iha Palacio Governu, Tersa (21/04/2020).

Tuir, Mericio apoiu refere, la’os ba de’it média sira, maibé ba mós setór privadu hotu iha Timor-Leste, tanba ne’e kompañia laiha razaun atu hasai sira nia funsionariu sira, tanba Governu sei garante subsídiu ba sira durante iha situasaun Estadu Emerjénsia.

Lee hotu :   PN simu karta lamentasaun husi Lú Olo kona ba Guntur

Iha opurtunidade ne’e mos, Sekretáriu Estadu Komunikasaun Sosiál (SEKOMS), Mericio Juvinal dos Reis “Akara” husu ba sidadaun sira, atu labele fiar notísia falsu, maibé asesu informasaun liu husi média konvensional.

Maibé, husu ba sidadaun hotu, atu asesu informasaun kona-ba situasaun atuál liu husi média konvensionál, hanesan Rádio, Televizaun, Jornal no médía online iha rai laran.

“Informasaun falsu laiha identifikasaun identidade ne’ebé klaru ka anónimu, ne’e ema latau sé mak hakerek semak lansa ne’e anónimu evita lahatene fontes husi ne’ebé ita tenke hatene mós informasaun ne’ebé la kompletu ezemplu fatin akontesementu la tau, autor latau data mós laiha no seluk tan entaun ita hahú deskonfia informasaun ne’e lalo sita presiza konfirma entaun labele fiar lalais, normalmente utiliza id ka identidade falsu hodi públika informasaun lalos no dala barak linguajen nakonu ho insulta no seluk tan, ne’e evita asesu informasaun husi fontes ne’ebé la klaru”, dehan, SEKOMS ba jornalista sira liu husi komferensia ba  imprensa iha Palaciu Governu, Tersa (21/04/2020).

Tuir Mericio, meius ne’ebé mak governu liu husi sekoms sei serbisu hamutuk ho parte relevante sira, bainhira identifika id falsu, ne’ebé lansa informasaun lalos sei foti medida no blokeia ba kartaun ka identidade ne’ebé halo tauk ema iha sosiedade nia leet.

Tanba ne’e, governu liu husi SEKOMS sei koopera ho parte relevante sira, hanesan Autoridade Nasional Comunicaçaun (ANC), Ajensia Teknolojia Informasaun Komunikasaun (TIC), PSIK no seluk tan, sei diskuti baze legál kona-ba oinsa kombate informasaun falsu li-liu iha situasaun Estadu Emerjénsia.

Relasiona ho situasaun atual ne’e mós parte SEKOMS, husu ba jornalista sira atu mantein, fó informasaun ho lolos no kredivel ba públiku li-liu iha situasaun atuál.Ina

Lee hotu :   XANANA LIDERA NAFATIN CNRT Aprova rezolusaun la partisipa iha VII Governu

 

Add to Comments Here!!!!

error: Content is protected.
Secured By miniOrange
You might also like:
Sergio Lobo: SIJK la politiza dadus COVID-19 iha TL ■ COVID-19 iha TL sa’e ona ba 23

Porta Voz Sentru  Integradu  Jestaun  Krize...

PN ezije Governu apoia asisténsia sosiál ba povu

Parlamentu Nasionál (PN) liu hosi Prezidente...

Konfirmadu Negativu, okupante 9 iha Hotel Sakura Tower fila ba uma

Okupante na’in 9 iha kuarentena Hotel...

Close