JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

KHUNTO lamenta oknum PNTL balun iha terenu implementa sala regra EE

KHUNTO lamenta oknum PNTL balun iha terenu implementa sala regra EE

Deputadu bankada Kmanek Haburas Unidade Nasionál Timor-Oan (KHUNTO), hato’o deklarasaun ne’e iha Parlamentu Nasionál (PN), iha Kinta, loron 16, fulan ne’e, relasiona ho atuasaun pesoál Polísia balun, ne’ebé halo agresaun fíziku, hasoru sidadaun balun iha munisípiu Covalima.

Deputadu António Verdiál, hateten, pesoál Polísia sira tenke hala’o servisu tuir regra Estadu Emerjénsia (EE), ne’ebé Prezidente Repúblika (PR), Francisco Guterres “Lú Olo” dekreta ona.

“Tuir observasaun balun, oknum Polísia Nasionál Timor-Leste (PNTL) sira halo fali abuzu ba podér, hodi introduz dekretu Governu kona-bá EE, será que Komisáriu Jerál PNTL introdus regra operasionál banati ba dekretu Governu ne’e ka la’e? tanba relatóriu tama mai iha uma fukun PN, PNTL iha Covalima baku ema arbiru no profesór ida obrigadu ba baixa iha ospitál, tanba hetan agresaun husi oknum PNTL, iha ne’e ha’u hateten oknum, ha’u la dignifika PNTL total la’e, regra prosesual prevalese hela, EE la’ós hanesan Estado de Sítio”, kestiona deputadu KHUNTO ne’e iha PN.

Entretantu Komandante Jerál (KomJer) PNTL, Komisáriu Faustino da Costa, konfirma, husi parte komandu jerál seidauk simu relatóriu husi komandu polísia munisípiu Covalima, relasiona ho PNTL ni’a servisu durante EE.

“Ha’u hanesan komandante seidauk simu relatóriu husi munisípiu Covalima, maibé ha’u dehan, seidauk hetan informasaun ida husi komunidade no vítima hato’o mai ami polísia”, afirma KomJer PNTL ne’e.

Maibé, Ministru Defeza no Ministru Interior interinu mós deklara ona katak, Polísia labele halo agresaun fíziku hasoru komunidade ne’ebé kontra EE, tanba regra EE obriga PNTL atu sosializa de’it regra ne’ebé iha ba komunidade. san

Lee hotu :   PD prefere lideransa nasionál halo diálogu

Add to Comments Here!!!!

error: Content is protected.
Secured By miniOrange
You might also like:
Autoridade Lokal bandu komunidade simu família husi bairu seluk

Atu evita propagasaun CoronaVirus Disease 2019...

SEFOPE: Kompañia iha TL labele termina kontratu traballadór iha periodu EE

Sekretariu Estadu Formasaun Profisional no Emprego...

Kazu COVID-19 kontinua sae, Kompañia balun iha TL hahú suspende atividade

Relasiona ho kazu Corona Virus Disease...

Close