KM aprova dekretu-lei hodi regula fundu COVID-19

Dekretu-lei ne’e rasik apresenta husi Ministra Finanças iha Exercicio, Sara Lobo Brites, no hetan aprovasaun iha Konselho Ministro quarta ne’e. Ho dekretu Governo ne’e,estabelece fundo Covid-19 hanesan, fundo autónomo ida ne’ebé integra iha administração direta estado nian.

“Parlamentu autoriza atu foti osan husi fundo mina rai hodi finansia fundo ne’e. Agora ita foin kria fundo ne’e rasik, ne’ebé tenki tenki liu husi dekretu lei. Depois de Presidente Promulga tia ida ne’e(dekreto governo) mak ita foin bele estabelese nia mekanismu esekusaun nian hanesan dekretu esekusaun ba DOT nian. Bainhira dekretu ida ohin seidauk promulga ita sei dauk bele exekuta fundo ne’e”, hatete Ministra Finansa, Kuarta (08-04) iha Sentru Konvensaun Díli.

Administrasaun ba orsamento ne’e  kabe ba Konsellu Jestaun, ne’ebé  lidera husi Ministériu Finansa, Ministériu Saúde no Ministériu Negósiu Estranjeiru no Kooperasaun. Orsamento Covid-19 ne’e rasik  atu finansia despeza relasionado ho prevensaun no kombate coronavírus iha Timor-Leste.

Despesa seluk ne’ebé inklui iha Fundo ida ne’e maka, aquisisaun medikamentu, material protesaun sira, equipamentus medicos no bens essenciais sira.Integra mos iha fundo ne’e despesa sira seluk hanesan instalasaun no manutensaun ba fatin kuarentena, isolamento no fo formasaun professional saúde sira ne’ebé envolve iha prenvensaun no Kombate Covid-19.oct