JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Luis Roberto: Laiha orientasaun husi líder AMP vota kontra ka a favór ba estensaun EE

Luis Roberto: Laiha orientasaun husi líder AMP vota kontra ka a favór ba estensaun EE

Deputadu bankada KHUNTO, Luis Roberto da Silva, klarifka, bankada KHUNTO nia pozisaun liu hosi votu a favór ba estansaun Estadu Emerjénsia (EE) ne’e konsiénsia rasik husi deputadu sira no laiha intensaun polítika ruma, tanba líder Aliansa Maioria Parlamentar husi partidu neen la fó orientasaun katak tenke vota kontra ka a favór ka abstensaun.

Tuir membru konsellu nasionál polítika KHUNTO ne’e katak, antes iha  deside estensaun EE ne’e laiha orientasaun ruma husi líder koligasaun AMP, maibe tanba sentimentu umanu no haree envolvimentu estrutura Khunto iha Oitavu governu, deputadu nain 5 husi bankada Khunto deside fó votus afavór ba governu hodi salva povu husi pandemia ne’e.

“ Orientasaun atu vota kontra ne’e laloos, tanba atu debate moras COVID-19 ne’e, fila fali ba konsiensia kada polítiku hotu nian, kuandu ita iha sentimentu haree ba nasaun seluk ninian, ne’ebé balun mate hanesan animal ne’e, ita nia sentimentu umanu sempre iha,

Liga ba polítika, ita bele iha orientasaun polítika, maibe kuandu fila fali ba sentimentu umanu ne’e, ita mós tenke fó solidariedade, tanba ne’e mak ami bankada Khunto ne’e fó apoiu nafatin ne’e atu estende tan estadu emerjensia ne’e.  Karik bankada CNRT mak interpreta fali votus KHUNTO nian ba COVID-19 ne’e ba polítika karik loos, tanba sira iha esperiensia, sira mak organiza koligasaun foun, maibe ami KHUNTO sempre fó apoiu ba kualker saida de’it, ami nia intensaun ne’e atu suporta governu ne’e hodi kombate COVID-19 ne’e, karik bankada CNRT mak interpreta dehan ne’e atu sobu malu ona, karik loos ba sira. Realidade ne’ebé mak horiseik (Horbainhirua Segunda-feira) hatudu iha plenária, hanesan apoiu ida ba governu ne’e para kombate virus ne’e. Parte ida pozisaun KHUNTO nian mak oitavu governu ne’e envolve mós ami Partidu KHUNTO nia prezidente rasik, inklui membru sira seluk, ami tenke apoiu, ami iha PN ami tenke apoiu, tanba ami nia ema rasik mak tur iha governu laran, se ami la apoiu signifika ami bulak fali ona, kuandu ami la apoiu ami nia estrutura KHUNTO ne’ebé iha hela governu ne’e. Maibe tuir loloos ne’e partidu CNRT mós tenke fó apoiu mós, tanba governu ne’e CNRT nia ema mós iha laran hotu, iha oitavu governu nia laran ne’e, la’os fó todan ba KHUNTO de’it la’e, ami tenke fó apoiu duni tanba ami nia ema iha laran, sa tán ami nia prezidente partidu mós iha hotu laran, Ami tenke fó apoiu duni para ita nia povu ne’e moris ho saudavel.”tenik vise PPN ne’e.

Lee hotu :   MEJD ezekuta ona OJE 2019 porsentu 98.4

Deputadu bankada KHUNTO, Luis Roberto da Silva, dehan tan, tanba interese povu no hakarak apoiu governu hodi halo prevensaun ba COVID-19, nune’e povu kontinua moris saudavel.

“Bankada KHUNTO nia haree katak ita nia númeru moras COVID-19 ne’e mós aumenta, tanba KHUNTO fó apoiu atu bele aumenta tan estadu emerjensia ba fulan ida, hodi responde tiha lai COVID-19 ne’e. Tanba ita kompara ho nasaun seluk ne’e to’o fulan 6, balun fulan 3 tiha ona, maibe Timor foin mak fulan ida atu ba rua ne’e. Tanba ne’e ita labele interpreta fila fali ba polítika nian, agora ne’e partidu polítiku hotu tenke foku lai ba prevensaun moras COVID-19, ida ne’e mak KHUNTO hatudu iha plenária Segunda-feira ne’e. Koligasaun ne’ebé asina iha sede CNRT ne’e formal no hanesan dalan ida, maibe ida ne’e nia desizaun ita sei hein hela, ita hotu sei hein hela husi ita nia PR, maibe agora dadaun ne’e, bankada KHUNTO hakarak tau sees tiha lai polítika ne’e, hotu-hotu ne’e tenke foku ba COVID-19 ne’e. Ne’eduni laiha impaktu ba koligasaun ne’e ida, kuandu iha akordu formal, ita hotu hein desizaun tuir ne’e oinsa, agora dadaun ne’e tenke foku ba prevensaun COVID-19 nian. Ema bele interpreta oi-oin, maibe tuir KHUNTO ne’e atu halo prevensaun ba COVID-19 nian de’it, tanba kazu ne’e númeru sa’e, uluk ida de’it, agora to’o 20 resin,”hateten Luir Roberto ba jornalista sira iha PN, Tersa(28/04/2020) ne’e.

Iha sorin seluk, Sekretáriu Jerál Partidu CNRT em exercício, Jacinto Rigoberto, hateten, koligasaun foun ne’ebé envolve mós partidu 5 seluk, sei nafatin sólidu hodi hein desizaun husi xefe Estadu.

Lee hotu :   Rezultadu ezekusaun exselente, maibé povu kontinua halerik

“CNRT sei mantein no fiar katak koligasaun ida ne’e mantein metin, tanba to’o agora laiha mudansa ka komunikasaun formal ka desizaun formal ida ba iha ne’ebá. Tanba ne’e ami sei iha ámbitu AMP, tanba atu iha ona ninia akordu, asinatura no nia submisaun ba hotu ona iha PR. AMP ne’e sei nafatin, tanba antes partidu sira halo konferensia hodi deside AMP, KHUNTO tan halo nia kongresu hodi atu hamutuk ho partidu lima sira seluk. Ne’eduni atu dehan sees aan karik, tenke halo fali asaun ne’ebé mak hanesan, konferensia ka kongresu,”dehan Rigoberto.

Iha diskusaun pedidu estensaun estadu emerjénsia, ne’ebé hala’o iha plenária Segunda-feira semana ne’e, partidu demokrátiku vota afavór ida no abstensaun 3 no deputadu ida falta, inklui Khunto m’os fó votus afavór hamutuk ho bankada PLP ho Fretilin, maibé CNRT vota kontra.Say

Add to Comments Here!!!!

error: Content is protected.
Secured By miniOrange
You might also like:
Dom Virgílio solisita Governu presiza aselera subsídiu USD 100.00 ba povu

Arsebispu Metropolitanu Díli, Dom Virgílio do...

SIJK husu Governu kontinua taka pontu entrada

Porta Voz Sentru Integrado Jestaun Krize...

Sidadaun 17 husi Liquiça rezultadu teste negativu

Porta Voz Sentru Integradu Jestaun Krize...

Close