Motorista transporte públiku sei hetan benefísiu dala 3 husi Governu

Motorista transporte públiku hanesan, taxista, bus no microlete sei hetan benefisiu dala tolu husi Governu, liu husi asesu ba kréditu, subsídiu dollar atus ida, no subsídiu husi Governu ba traballadór no empreza.

“Iha dekretu implementasaun ne’ebé aprova ona, apoiu empreza no traballador, inklui mos sira ne’ebé servisu iha transporte públiku sira, ne’e lori transporte hanesan taxista, bus no mikrolete, elezivel hodi bele hetan ida ne’e maibé sira tenbki ba iha MSSI hodi rejistu seguransa sosial,” afirma, Ministru Kordenador Asuntu Ekonómiku, Fidelis Leite Magalhães, iha Ministeriu Finansas, Kuarta (29/04/2020).

Fidelis esplika, ba motorista taxista sei hetan benefisiu dala tolu husi Governu, ida hetan benefisiu husi apoiu ba traballador no empreza, sira bele asesu ba eskema kreditu, no sei hetan apoiu subisidiu dollar atus ida husi Governu, tamba maioria nia vensimentu kada fulan dollar atus lima, tamba ne’e sira mós sei hetan kualifikadu.

Governantene ne’e hatutan, subisídiu ne’ebé mak Governu apoiu, empreza tenki fó ba traballadór sira empreza ne’ebé mak aproveita atu na’ok sistema sei hetan polisaun.

“Bainhira ita implementa apela ba empreza hotu ne’e vontade politíka Governu nian, atu apoiu ita hotu, setór privadu no traballadór sira, tamba ne’e tenki implementa ho diak labele atu tahan fali ema nia direitu,”dehan, MKAE Fidelis.Cin