MTCI iha tokon USD6 antende sidadaun iha Kuarentena

Governu aloka orsamentu ho montante tokon 6 ba Ministériu Turismo Comercio Industria (MTCI) hodi apoiu sidadaun sira ne’ebé mak oras ne’e dadaun hela iha fatin kuarentena.

Surtu Corona Vírus Disease 2019 (COVID-19) ne’ebé mak sai preokupasaun mundiál inklui mós Timor-Leste (TL), Governu aloka orsamentu ba MTCI ho valor USD tokon 6, hodi fasilita sidadaun sira ne’ebé mak fila husi nasaun afetadu sira, nebe dadaun ne’e iha kuarentina nebe Governu prepara ona.

Orsamentu hirak ne’e mós la’os ba de’it, Hotel 28 inklui mós Hotel ida iha Manatuto, maibé ba mós  kompañia 19 ne’ebé mak hetan kontratu hodi prepara ka fornese ai-han ba sidadaun sira iha kuarentena, inklui mós ba konstrusaun kuarentena iha Tasitolu.

“Orsamentu ne’ebé ami halo jestaun ba ne’e iha proposta ida orsamentu parlamentu aprova ba COVID-19 ne’e, tokon USD150  ba ministériu atu halo jestaun ne’e mak ho totál orsamentu tokon 6.000.000  ba fulan Marsu no Abril, orsamentu ne’e inkuli bens no servisu tokon USD 5.345 kapitál menor no kapital dezenvolvimentu”, dehan, Diretór Jeral Administrasaun Finansas MTCI, Luis Fernandes, ba GMN iha nia knar fatin Fomentu, Kinta (16/04/2020).

Tuir dadus atualizadus iha nível mundiál hamutuk ema liu tokon rua maka infetadu no ema 134,669 maka mate, no ema 515,090 maka rekopera ona.

Iha  Timor-Leste mós konsege rejista ona kazu konfirmadu hamutuk 18 ho pozitivu COVID-19, maibé ida konsege rekopera ona.Ina