JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

OJD husu Asanami-Kalohan “tebe sai” Adriano husi PD

OJD husu Asanami-Kalohan “tebe sai” Adriano husi PD

Reprezentante no atual Sekretáriu Jeral  Organizasaun Juventude Demokrátiku Munisípiu Díli, Cesar Mau Loi Amaral, husu ba Prezidente Partidu Demokrátiku (PD), Mariano Asanami Sabino ho Sekretáriu Jeral António da Conceição Kalohan, atu “Tebe sai” deputadu Adriano do Nascimento ne’ebé hili dalan tuir nia hakarak hodi la obedese ba partidu hodi kontra ona desizaun koletiva ne’ebé hatu’ur iha Konferénsia Nasional, PD ninian foin lalais hodi apoia líder karismátiku Kay Rala Xanana Gusmão.

“Ohin dia 6 abril tinan 2020, ami organizasaun juventude Demokrátiku munisipiu díli, liu husi konferensia imprensa hakarak hato’o, lamenta tebes  pozisaun Deputadu Adriano do Nascimento ne’ebé hatudu momos la tuir desizaun koletiva  PD nian, ne’ebé hatu’ur iha konferensia nasional loron 20 fulan fevereiru tinan 2020, ezije ba Prezidente partidu demoratiku no sekretariu jeral atu foti asaun ba hahalok deputadu Adriano do Nascimento nian,  tuir estatutu Partidu Demokrátiku  no lei eleitoral kona-ba recall, recall ne’e hanesan mos sansaun. Bele sansaun ou hasai,”dehan reprezentante Organizasaun Juventude Demokrátiku Cesar Mau-Loi Amaral ba  Jornalista sira, Segunda (06/04/2020) iha Sede PD Kolmera, Díli.

Nia afirma, deputadu  Adriano do Nascimento hatudu inkonsisténsia, tanba antes ne’e vota kontra hela ba programa no orsamentu VIII Governu ne’ebé demisionáriu ona, tanba ne’e sira ezije ba Prezidente Bankada Partidu Demokrariku Parlamentu Nasional atu kontrola no fo samada atensaun ba deputadu PD nian ne’ebé indisiplinadu.

Nune’e atual deputadu Antonio da Conceição hanesan Sekretairu Jeral Partidu Demokrátiku, subliña, deputadu Adriano la kandidata-an hanesan independente, nia tama iha lista númeru kuatru Partidu Demokrariku nian,  portantu nia tenki tuir saida mak partidu hola.

“Hanesan partidu sira seluk, imposivel nia tur husi eleitoradu PD nian, atu ba halo fali polítika FRETILIN nian ne’e  mos  la los, deputadu ne’e tenke hatene se nia halo asaun ruma la los presiza partidu koalia nia mak tenke-ser hili rasik ninia dalan, ami hein atu nia rasik hola nia dalan”,fundamenta Antonio.

Lee hotu :   Lú Olo : OJE 2019 mai ho materia foun presiza loron 30 atu estuda

Hatán ba lamentasaun ne’e, Deputadu Adriano do Nascimento klafrika, nia fo votu a favor foin dadauk ne’e, nia koalia ona ho Prezidente Partidu katak, nia sei a favor, Prezidente Partidu rasik hatene buat ida ne’e, tanba atu halo lei ne’e ho debate urjénsia ,  maka nia a favor, tanba haree lei ne’e, liu liu  artigu 31, iha pontu rua para husu esesaun ka aplikasan resumu duadesimu, pontu rua ne’e na parte apoiu atu tau despeza ka osan ba moras korona nian, ho mos dezastre naturais.

“Durante ne’e Prezidente ho Sekretáriu Jeral vota a favor apoiu oitavu governu nia programa ho orsamentu ne’e sala saida?  governu ne’e  oitavu governu, ha’u  seidauk kontra nono  governu foun , seidauk iha to’o nono governu,  se nono governu ha’u nia  partidu ne’ebé envolve iha nono governu  ne’e buat seluk ida, ami agora opozisaun ne’e,  maibe ami nia Prezidente ho Sekretáriu Jeral sempre a favor, tanba PD ba Estadu, PD pro dezenvolvimentu”,akresenta Adriano.

Nia realsa katak, Partidu ida buka ema, se partidu  ida mak hanoin hasai ema, ne’e  hanoin sala, partidu ne’e  buka ema para vota ba partidu, la’os hasai lider sira husi sira, ne’e mos se desizaun PD nian mak atu hasai, nia  prontu deit.

“Ha’u Prezidente Konselhu Polítiku Nasional, eis Prezidente La Sama mate, primeriu vise Prezidente tinan 10,  Sekretariu Jeral Munisipiu Covalima nian, no fundador ida mos, mas ha’u hanoin lolos buat hirak ne’e ami internal  deit, lalika lori malu ba media, se lori malu ba media Prezidente ho Sekretariu Jeral sira mak iha hanoin seluk, se hasai husi partidu la iha problema, tanba buat  ne’e regra la iha, Partidu Demokrariku la hanorin ema tama no la obriga ema sai, se ohin obriga ha’u  atu sai, ha’u simu, agora mai deputadu ne’e kan iha lei, mai halo votasaun iha ne’e, (Parlamentu Nasional) ha’u sai, tuir lei sei iha direitu sei lori ba Tribunal,  Tribunal  sei husu  ha’u sala saida? Ha’u halo korupsaun ka? Estraga Parlamentu ka? se ha’u nia sala?,hatutan Adriano.

Lee hotu :   Deputadu opozisaun tolu vota a favor OJE 2019

Alende ne’e, Adriano apela, Organizasaun Juventude Demokrariku, ne’ebé halo ona konferensia imprensa hasoru, karik bele tur hamutuk hadia, tanba sira koalia ba malu hela, diak liu husik sira iha leten mak  koalia ba malu, agora atu koalia ne’e la bele liu husi media, sira liu husi media mos ne’e direitu nia parte apresia, maibe diak liu iha situasaun ida hanesan  ne’e, la bele hanoin katak atu hasai malu.Oly

Add to Comments Here!!!!

error: Content is protected.
Secured By miniOrange
You might also like:
Xanana: Komunidade tenke simu Timor-oan husi kuarentena bainhira fila ba uma

Líder Karismátiku Kay Rala Xanana Gusmão,...

Kombate COVID-19, Vendedores manleuana husu Governu taka pontu entrada

Atu kombate Corona Virus Disease 2019(COVID-19)...

PR dekreta pedidu PM, Ezonera kargu vise Elia dos Reis husi Ministeriu Saúde

Prezidenti Repúblika Francisco Guterres Lú Olo...

Close