JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PD propoin líder nasionál sira hamutuk proteje povu husi COVID-19

PD propoin líder nasionál sira hamutuk proteje povu husi COVID-19

Xefe bankada Partidu Demokrátiku (PD) António da Conceição Kalohan, propoin ba líder nasionál, hanesan Kay Rala Xanana Gusmão, José Ramos Horta, Marí Alkatiri, atu hamutuk ho governu halo prevensaun no proteje povu husi COVID-19 ne’ebé sai preokupasaun mundial.

Aleinde ne’e, PD mós propoin, atu governu liu hosi konsellu ministru atu estabelese konsellu nasionál kombate surtu COVID-19 hodi halo planu salvasaun nasionál ne’ebé envolve diretamente husi líder nasionál sira no lidera husi líder Karismátiku Kay Rala Xanana Gusmão no líder sira seluk.

“ Asaun konkreta sira hanesan ne merese hetan nia kontinuidade. Tanba nee Bankada Demokratiku iha okaziaun ida nee, iha biban ne’ebé konsellu de ministrus tetu hela atu aprezenta ba Presidente Repúblika ho PN planu atu estende Estadu Emerjénsia, Bankada Demokratiku hanoin katak indispensável no inevitavel tebes agora Governu Involve lideransa sira Nasaun nian hodi hahú halo servisu hamutuk fo hikas garantia ba ita nia populasaun.”dehan nia.

Bankada PD hakarak fo proposta konkreta hanesan tuir mai ne’e :Primeiro Ministru nudar xefe ezekutivu, Lidera Governu nia asaun tomak ba planu de Emerjénsia, planu ne’ebé atu lori nafatin normal funsionamentu Governu nian.

Primeiru Ministru liu hosi konsellu Ministru hasai rezolusaun Governu nian ida atu estabelece Conselho Nacional para o Combate do Corona Virus e estabelecimento plano de Salvação Nacional. konsellu Nasional ida ne’e involve lideres nasionais sira hanesan Maun Boot Kay Rala Xanana Gusmão, José Ramos Horta, no Mari Alkatiri.

Hosi kriasaun konsellu Nasional ida ne’e, Primeiru Ministru tau fi’ar ba Maun Boot Kay Rala Xanana Gusmão Koordena atividade kombate Surtu Corona Virus e servisus de assistênsia sosial no mós atividades defeza no seguransa ligadu ba kombate Surtu Corona virus no nia impaktu sosial ekonómiku.

Lee hotu :   Relatóriu duo désimu ba VIII Governu preparadu ■Ezekuta deit 65%

Primeiru Ministru liu hosi Konsellu Ministru nomeia DR José Ramos Horta hodi halo kampaña Internasional Mobiliza apoiu internasional nian hodi tulun TL halo asaun ba Kombate Corona Virus no mós medida seluk hodi tulun rekupera atividade ekonomika pais nian ne’ebé hatodan ona setór privadu iha tinan tolu nia laran.

Primeiru Ministru liu hosi Konsellu  Ministrus define knar espesífiku ba Dr. Mari Alkatiri atu hola parte hamutuk halo Planu mediu prazu ho prioridade espesífiku ba dezenvolvimentu país nian ba tinan rua ne’ebé sei resta nu’udar planu konjuntu konsellu Nasional para o kombate do Surtu Corona Virus e de salvasaun nasional.

Proposta ida ne’e Bankada Partidu Demokrátiku aprezenta hodi tulun governu hala’o nia responsabilidade Servi Nasaun no servi povu.

Assim diz o ditado Romano : Sivis pacem para bellum, Se quer a paz prepare a Guerra. Nasaun presiza moris hakmatek, moris saudável, moris diak no moris dignu. Hasés interese grupu, tane ás interese nasional. Lasama hanorin: Hau nia dignidade la As liu dignidade Nasaun nian. Ho hanoin ida nee ami hakarak haklaken lia ida ne ba ita hotu.

Agora tempo atu Timor Leste hamorin nia naran ho nia hahalok virtuosos sira liu hosi nia lider sira no nia historia passado nian. Perdoar o inimigo podemos, porque não podemos perdoar o nosso irmão?

Hanesan iha tempu funu Komandante sira husu atu povu rona lideransa sira, hau hanoin agora povu husu atu lideransa sira rona povu nia halerik.”propoin Kalohan iha nia deklarasaun polítika, liuhosi plenária Segunda(21/04/2020).

Aleinde ne’e, xefe bankada PD ne’e mós sujere no bolu atensaun atu insiste ho urjensia ba Ministru Estadu Koordenadór Asuntu Ekonómiku  atu koordena ho CLN no MSS halo ona programas humanitarias hodi distribui fos ba familias vulneraveis sira ho urjente.

Lee hotu :   TL-RI konkorda finaliza liña fronteira terrestre

“ Ministru em ezersissiu ba MTCI tenki hahú halo medidas atu CLN hahu halo actividades humanitarias hodi tulun povu kbit laek sira ho ai-han hodi hamenus povu nia halerik

Excia Sr. Primeiru Ministru revê Konselho Integradu Jestaun Krize hodi involve lideres nadionais sira hola knár ativu iha situasaun de emerjênsia nee hodi hamutuk rekupera no repõe konfiansa povu nian ba instituisoens do estadu tuir hanoin balun ne’ebé hau temi ona iha leten.

Partidu Demokrátiku hanoin planu sira hanesan ne sei garante hikas konfiansa povu nian ba nia lider sira hotu no Ita hotu sei manan hasoru Surtu Corna Virus e Timor-Leste hamutuk ho nia lider sira TRIUNFARÁ katak Manan.

Diak liu hamutuk Salva povu ne’ebé Salva ona Nasaun hosi Liman Ran okupante sira iha Referendum 1999 do que haketak malu hodi fo fatin ba hahalok DIVIDE ET IMPERA. Dividir para reinar. Hafahe atu manan.

Bankada PD nia deklarasaun sei haruka ba Primeiru Ministru nudar proposta konkreta ida ba hanoin hamutuk hodi ultrapasa sitasaun krize politika ne’ebé naruk liu ona no hatodan tan ho krize Surtu Corona virus eh Covid-19 ne’ebé afeta Timor-Leste no mos afeta mundu.”afirma sekretáriu jerál PD ne’e.

Aleinde ne’e, vise xefe bankada PLP deputadu Francisco de Vasconçelhos mós realsa, bankada parlamentar sira labele halo deklarasaun de’it, maibe prática iha asuan hodi apoia governu kombate surtu COVID-19 ne’e, tanba situasaun atual presiza duni ema hot unia hamutuk.

“ Loos duni ita tenke hamutuk, para hanoin oinsa ita halo medidas sira ne’ebé tuir ita nia kbi’it no kapasidade medidas prevensaun. Dalaruma ita dehan balun dehan COVID-19 nia ai-moruk ne’e fasil no barratu, mundu tomak ohin buka ai-moruk ne’e laiha, sientista sira buka ai-moruk tes ba tes mai deit mós laiha, sira seidauk hetan,”hateten deputadu PLP ne’e.

Lee hotu :   Manuel Tilman: Fundu minarai iha Banku Federal EUA sei seguru

Maske nune’e. oitavu governu liuhosi konsellu ministru estraordinariu. Segunda-feira ne’e deside atu halo estensaun estadu Emerjénsia. tanba evolusaun epidemiolójika no proliferasaun husi kaju COVID-19 ne’ebé rejistadu iha Timor-Leste.

Nune’e evita kontájiu husi Coronavírus iha território nasionál ho eskala global. Entertantu, pedidu estadu Emerjénsia ne’ebé,  xefe estadu Francisco Guterres Lú Olo dekreta ho númeru 29/2020 ne’e,  hahu husi loron 28 fulan Marsu no sei termina iha loron 26 fulan Abril ne’e.say

Add to Comments Here!!!!

error: Content is protected.
Secured By miniOrange
You might also like:
CCI-TL fiar kréditu Governu nian sei hakmaan empreza sira durante EE

Presidente Kámara Komersiu Industria Timor-Leste (CCITL-sigla...

MDI la autoriza seguransa uza forsa atua sidadaun iha periódu EE

Ministériu Defeza no Interior Interinu(MDI), seida’uk...

Governu sei garante subsídiu ho porsentu 60 ba média

Governu sei garante subsídiu ho porsentu...

Close