PM Taur: Governu konsiente estensaun EE afeta ba ekonomia povu nian

Primeiro Ministru (PM), Taur Matan Ruak, hateten, Governu konsiente estensaun estadu emerjénsia afeta ba ekonomia povu nian. Maibé medidas ida ne’e bele ajuda estadu atu responde ba surtu covid-19 iha Timor-Leste. Tuir Xefe Governu estadu emerjénsia permite manutensaun ba medidas lubuk ida ne’ebé limita  ba ema nia direitu liberdade no garantias fundamentais sira hodi evita ba propagasaun covid-19 iha Timor-Leste. Nune’e mós Taur Matan Ruak konsidera pozisaun jeográfika Timor-Leste nian presiza tau atensaun liu atu nune’e medidas sira ne’ebé toma to’o agora hodi labele fó dalan ba kontájiu coronavirus foun iha Timor-Leste. Tamba oras ne’e dadaun kazu pozitivu iha nasaun viziñu sira kontinua aumenta.

“Medidas ne’ebe ita toma ne’e  hanesan dalan ida atu minimiza dimunui no atenua  nivel kontajiu iha ita nia sosidade hahu husi higene publiku, pessoal, konfinamentu, distansiamento social. Governo konsiente katak bainhira ita halo estensaun ba Estadu emerjensia nia afeta mos ba Estadu emerjensia nia afeta mos ba komunidade sira nia moris liu-liu sira nia atividade ekonómika. Tuir hau nia hanoin atividade ekonómika ita bele rekupera iha tempu oin mai, mas kuandu mate ita la rekoopera ona tamba ne’e opsaun ami nian que ami husu apoio PN nian para que autoriza sua exelensia Xefi Estadu estende estadu emerjensia” Primeiro-Ministru Taur Matan Ruak hato’o lia hirak ne’e durante debate estensaun estadu emerjensia segunda-feira(27-06) iha Parlamento Nasional.

Tuir dadus husi Sentru Integradu Jestatun Krize,to’o segunda ne’e kazu pozitivu covid-19,iha Timor-Lesta nafatin ruanulu resin haat rekuperadu nain neen. Ema rekuperadu sira ne’emai husi kazu provável na’in haat no na’in rua mai husi konfirmadu. Entretantu kazu suspeitu sa’e ba atus haat ualu nulu husi númeru ne’e ema na’in ualu nulu resin sia mak sei hein rezultadu teste laboratóriu.oct