PM Taur konsidera subsídiu ba populasaun sira importante

Primeiru Ministru (PM), Taur Matan Ruak, deklara, Governu hahú halo dikusaun ikus kona-ba pakote tomak kona-ba ekonomia liu-liu subsídiu ba populasaun sira atu bele diminui impaktu husi ekonomia ba moris lor-loron nian. Tanba neé importante tebes.

“Durante ne’e governu halo hela esforsu orsida lorokraik (horiseik) mak ami halo diskusaun ikus liu kona-ba pakote tomak, entaun kuandu aprova ona, naturalmente ministriu sira sei desamina informasaun ba populasaun sira hatene, intervensaun governu nian sei iha area saida saida. Ita tenke halo, agora nia evargadura to’o iha ne’ebé, orsida  to’o momentu konkretu,  sira sei informa mas halo ne’e tenke halo para ajuda diminui redus impaktu ba ekonomia.”dehan Taur Matan Ruak,  hafoin infroma  situasaun surtu COVID-19 iha Timor Leste, ba Prezidente Repúblika, Francisco Guterres Lú Olo.

 “Ita haree buat rua dala ida. Ida ita-nia moris, ita bo’ot sira hatene moras ida ne’e ataka ema kuaze ema  1.6 milloens iha mundu, 150 ital mill mak mate ona, ita seidauk mate maibe númeru sae, entaun atensaun ita nian, ita fo prioriedade ba ita nia moris, tuir mai ita fo prioriedade ba ita nia kabun” hatutan Xefe Governu ne’e.

Nia subliña, apezar Estadu Emerjénsia iha, maibe governu fleksibiliza populasaun sira sei nakloke. “Haree iha fatin-fatin, nasaun sira seluk, lockdown ne’e lockdown tebes, transporte de’it la la’o iha estrada, no animal mak nakonu, maibe Timor- Leste laiha,  tanba uza medida proporsional no progresivu ne’e hanesan sa’e eskada.”

“Agora ha’u nia pedidu ba populasaun sira maka sira tenki kontinua tuir nafatin País ba instusoens Ministeriu Saude nian, kona-ba hijiene, distansiamentu sosial, moras ida ne’e laos moras babain, maibe moras ida ké ita preokupa” tenik Taur.Oly