PN garante Governu sei aprova subsídiu ba povu durante EE

Parlamentu Nasionál (PN), garante Governu sei aprova subsídiu hodi sustenta povu nia moris durante Estadu Emerjénsia (EE).

Relasiona ho Corona Vírus Disease 2019 (COVID-19), ne’ebé mak sai preokupasaun mundiál, inklui Timor-Leste mós rejista ona kazu rua ho pozitivu COVID-19, órgaun lejislativu garante governu sei aprova subsídiu hodi sustenta povu nia moris, durante iha situasaun atuál liu-liu iha implementasaun Estadu Emerjénsia.

“Ami espera katak ne’e labele akontese, tanba ita haree katak iha mós subsidiu balun ba sira ke osan foin dadauk preve ba iha corona ne’e kuaze 1.50 milloes para hodi haree kona-ba situasaun ida ne’e, ita hatene katak Estadu sei la taka matan ba sira, tanba agora dadauk konforme sira hatete katak pelumenus uma kain ida hetan netik 100 dólares hodi halo netik foos ruma, mina ruma tau netik iha uma, ida ne’e presiza duni maibé ami deputadu sira labele dehan tenke, maibé iha ona sira governu nia liman governu mak tenke toma medidas para hodi haree kona-ba sidadaun sira”, dehan, Deputadu Bankada CNRT, Domingos Carvalho, ba jornalista sira iha PN Segunda (13/04/2020).

Pedidu levantamentu ne’ebé PN aprova ho votus unanimidade no Xefe Estadu promulga no haruka ba Parlamentu Nasionál, iha Segunda,(06/04/2020) no publika ona iha Jornal da Republika.

Antes ne’e, Ministru Kordenador Asuntu Ekonómiku (MKAE), Fidelis Leite Magalhães, aprezenta proposta ba governu, atu fó subsídiu ba kada uma kain ho montante dolar USD 100, maske nune’e proposta refere seida’uk diskuti iha nível konsellu ministru (KM).

Enkuantu, tuir dadus atualizadus iha nível mundiál ema liu tokon 1,853,183 mak infetadu, husi númeru ne’e ema 114,248 mak mate ona, no ema 423,625 mak rekoopera ona husi COVID-19.

Enkuantu iha Timor-Leste mós konsege rejista ona kazu tolu ho pozitivu COVID-19, maibé ida konsege rekoopera hikas.Ina