JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN husu Governu proteze Médiku, Seguransa no Media

PN husu Governu proteze Médiku, Seguransa no Media

Deputadu sira iha Parlamentu Nasionál (PN) husu Governu atu tau atensaun sériu hodi proteje ekipa sira ne’ebé iha liña oin, hanesan seguransa PNTL, F-FDTL, média no médiku sira ne’ebé risku tebes atu hetan transmisaun CoronaVirus Disease 2019 (COVID-19) ne’e.

Deputadu CNRT, Gabriel Soares, sujere, atu Governu implementa lockdown total ba fronteira sira, nune’e konsentra de’it prevene pandémia COVID-19 ne’ebé tama ona rai laran.

 “Ita tenke lockdown total, para ita haree de’it moras ne’ebé mak iha ita-nia rai laran. Iha dadus ka la’e kona-bá ita-nia oan sira ne’ebé mak agora sei iha rai liur, iha komunikasaun ho embaixada hodi kontrola ka la’e. Tenke komunika ho adidu sira para oinsa fó atendimentu ba ita nia oan sira, katak moras ne’e sei importa mai, di’ak liu imi hela de’it iha ne’ebá, liu-liu liga ba ministériu ensinu superiór, tanba maioria ita nia estudante sira ”, deputadu ne’e durante diskusaun ho Governu, liu husi plenária estraordináriu, Kinta (16-04-2020).

Tuir membru PN ne’e, obsserva katak, kondisaun ba seguransa no pesoál saúde seidauk asegura, tanba ne’e, Governu presiza tau atensaun sériu liu tan.

“Ami husu ba Governu, favór tau atensaun másimu ba ekipa hanesan saúde, no seguransa PNTL ho FFDTL ne’ebé iha liña oin, front line, ami observa rasik ho matan katak, hanesan Manatutu Obrato nian ne’e, ne’e atende ba munisipiu 4 kedas, ne’e risku teb-tebes, tanba ekipamentu atu proteze ba sira nia aan laiha, depois alimentasaun sira nian, hahán no bee, tanba sira fó atendimentu 24 oras, tantu loron no kalan, bele-bele ida ne’eb’e afeita bele da’et fali ba sira iha liña oin, tanba sira iha liña oin ita haree ladun protezidu, lubas de’it laiha, balun máskra laiha, ida ne’e mak ita preokupa, tanba ne’e husu ba governu tenke tau atensaun didi’ak, tanba ita asegura sira ne’ebé iha kuarentena, maibe sira iha liña oin ita ladun tau prioridade fali, tanba ne’e mak ami husu PM ho ekipa ne’ebé mak toma konta ba asuntu ne’e, atu tau atensaun ho didi’ak”, afirma deputadu komisaun G ne’e.

Lee hotu :   PR sei dekreta Estadu Emerjénsia bainhira PN aprova

Membru PN ne’e mós husu, ekipa Sentru Integradu Jestaun Krize (SIJK) atu fó sai dadus ne’ebé klaru no kompletu, nune’e públiku bele akompaña no komprende liu tan kona-bá situasaun atual.

“ Ami haree iha televizaun ita boot sira fó sai mak dadus iha Díli de’it, ba munisípiu ne’e temi em jerál de’it, padahal munisípiu mós iha kuarentena barak, Manatutu rasik iha ema na’in 14 mak tau iha kuarentena ne’ebá, tanba ne’e ita boot sira komisaun tenke fó sai dadus ne’e ho klaru, ho kompletu, Díli, Manatutu, Baucau, Viqueque, karik Maliana no selu-seluk tan, fó sai para povu ne’e lori tuir, ka hatene di-di’ak informasaun ne’ebé iha”, subliña deputadu CNRT ne’e.

Alende ne’e, deputadu FRETILIN, Dário Madeira mós, preokupa, tanba iha munisípiu balun laduun implementa ho sériu regra Estadu Emerjénsia (EE).

“Iha munisípiu balun ladun tau atensaun másimu hodi halo prevensaun ba moras ida ne’e, ezemplu iha sira nia edifisiu balun hand sanitizer de’it la prepara iha oin, signifika autoridade sira ne’e laduun akompaña informasaun no situasaun atual ne’ebé mak povu tomak preokupa hela. Ita nia estudante sira ne’ebé husi estranjeiru mai, balun ba liu munisípiu sira, la liu husi kuarentena, maibé hakfodak uitoan iha munisípiu balun kuaze sira laiha kondisaun para bele tau estudante sira iha kuarentena no haruka fila ba sira nia uma, ita nia PNTL mak ba halo fali seguransa iha sira nia uma, situasaun ida ne’e akontese iha munisipiu, sera que Governu prepara kondisaun ruma, liu-liu alimentár, para estudante sira ne’ebé fila mai tama kuarentena iha munisipiu ne’e, pelumenus sira tenke iha kondisaun ruma. Karik bele ita nia pasiente ida ne’ebé rekopera ona husi moras ne’e, bele publika ninia istória oituan hanesan esperiensia, para bele fó korajen ba pasiente foun ne’ebé iha hela izolamentu, bele fó mós korajen ba ita nia públiku tomak, ne’ebé dadaun ne’e trauma hela ho moras COVID-19 ne’e, tanba ema ne’e iha ona esperiensia oinsa mak bele rekoopera nia saúde, ida ne’e importante tebe”, subliña Dário.

Lee hotu :   SEJT halo Inspeksaun Sentru Formasaun Tibar

Nune’e mós, deputadu husi bankada FRETILIN, Francisco Miranda Branco mós, sujere ba Governu, atu proteze média sira, ne’ebé rekolla informasaun no transmite ba públiku loro-loron ne’ebé hasoru risku boot, tanba iha liña oin.

“Ita nia média sira ne’ebé mós mak sempre iha liña oin, hanoin sira média ne’e governu nia obrigasaun no responsabilidade moral atu proteze sira (média) iha sira nia knár ida ne’e, ida ne’e hua presiza rekomenda ba governu para atu hanoin took, iha situasaun ida agora hanesan ne’e”, sujere deputadu Fretilin ne’e.

Iha Kinta (16/4) semana ne’e, PN konvida Governu halo diskusaun kona-bá progresu ezekusaun EE no progresu servisu durante ne’e, inklui planu ba oin no Primeiru Ministru, Taur Matan Ruak, deklara, iha Sesta (17/4) semana ne’e, sei iha reuniaun inter-ministerial, hodi diskute oinsa atu estende deklarasaun EE, tanba númeru infetadu ba COVID-19, husi ida (1) aumenta ba 18 ona no ida mak konsege rekopera. say

 

Add to Comments Here!!!!

error: Content is protected.
Secured By miniOrange
You might also like:
Ohin, Governu diskute prolongamentu EE

Primeiro Ministru (PM), Taur Matan Ruak,...

Pasiente pozitivu COVID-19 aumenta tan 10  La hatudu sintómas

Sentru Integradu Jestaun Krize (SIJK), informa...

SIJK prevé populasaun TL 30% sei infetadu COVID-19

Primeiru Ministru (PM), Taur Matan Ruak,...

Close