JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN husu ko’a saláriu Deputadu ho membru Governu apoia pasiente iha óspital

PN husu ko’a saláriu Deputadu ho membru Governu apoia pasiente iha óspital

Bankada PD no KHUNTO iha uma fukun Parlamentu Nasionál (PN), rekomenda ba PN no Governu atu ko’a saláriu pursentu 50 husi deputadu iha PN no membru Governu sira, hodi fó apoiu ba pasiente sira iha ospitál, pesoál saúde no Polísia Nasionál Timor-Leste (PNTL).

“Ha’u hanoin ita sira reprezenta povu no membru Governu ida ne’e, ha’u  koloka de’it ba Ministra Finansas Interina (Sara Lobo Brites) ita hotu nia konsiensia karik bele iha situasaun difísil hanesan ne’e, ita mós servisu la full ona, tanba ita agora atu aprova. Ita ida-idak labele diretamente fó apoiu, tanba dehan ita labele ba hasoru malu. Sé bele ita-nia saláriu 50% ko’a, liu-liu atu haree la-lais sira ne’ebé moras iha ospitál, dotor, enfermeiru, médiku no ba PNTL sira, maske la boot liu, maibé hanoin nato’on 50%, ita PN de’it bele besik 90 mill, amenta ho Governu ni’an, ha’u hanoin osan ne’e bele fó tulun ba parte balun”, Deputadu bankada PD, Mariano Assanami Sabino liu husi ninia intervensaun polítika iha PN, Kuarta (01-04-2020), bainhira PN halo diskusaun ba proposta lei númeru 13/V/2 autorizasaun no transferénsia extra-ordináriu Fundu Petrolíferu (FP).

Husi sorin seluk, deputada bankada KHUNTO,  Olinda Guterres, apoiu atu fó kontribuisaun liu husi ko’a sira-nia saláriu pursentu 50, hodi responde situasaun emerjénsia, liu-liu ba pasiente iha ospitál, pesoál saúde  no PNTL.

“Atu koa osan membru deputadu sira-nia osan 50%, atu halo atendimentu ba ita-nia funsionáriu no bainhira osan la sufisiente ho urjente foti deputadu sira-nia osan, hodi apoiu sira ne’ebé agora dau-daun servisu iha risku nia laran, hanesan PNTL, tanba sira servisu iha loro-manas laran“, informa Olinda.

Lee hotu :   SRJE fó omenajen ba saudozu Sebastião Gomes "Jorge Serrano : Tenke konta istória ho loloos"

Hatán ba kestaun ne’e, MF interina, Sara Lobo Brites, hateten, bainhira atu ko’a saláriu husi membru PN no membru Governu kada fulan ho porsentu 50%, tenke bazeia ba lei ruma.

Entretantu, membru PN V lejislatura hamutuk 65, nune’e bainhira kontribui saláriu porsentu 50, hamutuk rihun USD90 resin. ety

Add to Comments Here!!!!

error: Content is protected.
Secured By miniOrange
You might also like:
Pesoal saneamentu 100 resin kontinua servisu iha Estadu Emerjénsia

Adjuntu Autoriedade Munisípiu Díli, Jeca Smith,...

PNTL detein joven ida tenta oho nia aman no inan

Polísia Nasionál Timor-Leste (PNTL) deteín  joven...

Prevene COVID 19, PNTL limita movimentu iha Díli

Membru Polísia Nasionál Timor-Leste (PNTL), hala’o...

Close