JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PPN Arão: USD 500 mil la’os ba de’it fiskalizasaun

PPN Arão: USD 500 mil la’os ba de’it fiskalizasaun

Prezidente Parlamentu Nasionál (PPN), Arão Noe de Jesus da Costa Amaral, rejeita ho kritíka públiku sira iha media sosial ne’ebé hateten alokasaun USD 500 mil husi fundu COVID-19 millaun USD 150 ne’e, ba de’it fiskalizasaun.

Arão esklarese, osan $500 mil ne’ebé PN hetan, inklui mós atividade prioridade seluk ne’ebé PN presiza halo hodi implementa iha situasaun atuál.

“ Kona-bá orsamentu $500 mil, la’os hanesan públiku nia hanoin ne’ebé dehan katak osan ne’e atu fahe ba deputadu sira, ba perdiam ka buat sira ne’e,

Maibe iha programa lubuk ida ne’ebé PN tenke hala’o duni, to’o fim do ano, inklui rekooperasaun ekonomika.

Tanba PN nia knár ne’e la’os atu aprova de’it, nia atu aprova mós nia tenke hatene, hodi análiza no estuda, entaun ita tenke iha faze sira ne’e para atu halo.

Osan ne’ebé aprova ba fundu COVID-19 $150 milloens, ba PN $500 mil, para hodi hala’o atividades PN nian, hodi akompaña ezekusaun orsamentu ne’ebé $140.500 ne’e, governu ezekuta oinsa.

Ami hatene katak orsamentu $150 ne’e seidauk ezekuta, PN rasik oras ne’e dadauk seidauk ezekuta osan ne’e, tanba kuandu aprova tiha, PN tenke husu komisoens ida-idak hala’o nia programa no prepara pedidu submete mai meja PN nian,

Programa ne’e tama tiha depois haruka ba sekretariadu hodi junta ho programa sira ne’e, depois husi programa sira ne’e mak foin halo ezekusaun, la’os foti mai fahe de’it la’e, hanesan públiku sira interpreta  ne’e,”esplika Prezidente PN ba jornalista sira iha PN, Segunda(20/04/2020).

Líder segundu órgaun lejisladór ne’e mós rekoñese, osan refere parte ba fiskalizasaun, maibe la 100% ba fiskalizasaun, tanba fiskalizasaun hanesan knár PN nian ne’ebé hatúr ona konstituisaun RDTL.

Lee hotu :   Xanana la partisipa diálogu, CNRT hato’o opiniaun rezolve impasse polítiku ba PR liu husi karta

Hodi nune’e bele akompaña prosesu ezekusaun orsamentu husi governu, liu-liu ba prevensaun COVID-19 ne’e.

“ Sim iha parte para halo fiskalizasaun, tanba PN nia knár mak atu halo fiskalizasaun, para halo akompañamentu, se iha Díli laran la presiza uza osan, maibe ba munisipiu mak presiza, tanba ne’e lalika preokupa,

Se osan ne’e la gasta hotu, fila fali ba kofre estadu, osan ne’e tama de’it mai iha PN, para tau iha bolsu hodi fahe ba malu, ne’e laiha, jestaun orsamentu ne’e úniku, osan hotu-hotu tama tau hotu iha banku sentrál,

Pedidu tama depois finansa jere nia despaisa, depois bele foti, la’os ida-idak mai tau osan iha ninia kofre, ne’e laloos.

To’o agora osan ne’e PN seidauk ezekuta nem sentavos ida, depois pedidu programa ruma tama tenke tuir dekretu governu nian, depois Sentru Integradu Jestaun Krize mak sei aprova,prosesu sei la’o hela, la’os atu fahe de’it.

No fiskalizasaun PN nian ne’e la’o ba atividades hotu-hotu, ne’e mandatu konstitusional, artigu 92 K-RDTL hateten PN nia knár mak fiskalizasaun, hola desizaun polítika no halo lei,

Maibe osan ne’e la’os atu halo de’it fiskalizasaun, parte ida mós husi programa atu akompaña,

Tanba iha lejislasaun barak ita presiza haree nu’udar prioridade ba hodi hala’o atividades sira ne’e,

Iha lei rua mak importante tebes, ita tenke halo, lei protesaun sivíl, tanba ita seidauk iha lei ida ne’e, tanba ida ne’e mak prioridade iha faze sira hanesan ne’e, se ita iha ona lei protesaun sivíl, lei ida ke bele garante direitu, oinsa bele garante ema sivíl sira, hanesan agora dadauk dezastre naturais, COVID-19 ne’ebá la’o depois halo estadu emerjensia, povu barak sofre konsekuensia no oinsa mak atu fó asistensia, ida ne’e mak komplikadu loos,

Lee hotu :   PN kontinua halo fiskalizasaun ba projetu sira

Tanba ne;e mak governu mós iha hela polemika oinsa mak atu implementa kona-bá protesaun sivíl ne’e rasik, tanba ita seidauk iha lei protesaun sivíl ne’e, nune’e ita presiza regras ida oinsa implementa protesaun sivíl ne’e.

Atu halo ida ne’e, PN mós tenke meius hodi prepara aan, hodi haree ba lei ida ne’e.

No oda seluk mak lei saúde públik, ita agora laiha, COVID-19 akontese ita hotu-hotu preokupadu, tenke kria estadu emerjensia, para bele oinsa nune’e bele limite movimentasaun ema nian, kria sentru ba moras ne’e bele hela,

Maibe se ita iha ona saúde públika, sasán sira ne’e hotu regula ona iha ne’ebá, hosi situasaun sira ne’e mak ita detekta katak iha lei balun mak ita tenkie fó prioridade iha faze ida ne’e, tanba ne’e knár PN nian, governu prepara, PN mak aprova, ne’e kompetensia PN nian, tanba ne’e mak presiza haree luan, labele haree de’it ba kontestu osan de’it.”afirma Noe.

Antes ne’e, liuhosi pedidu levantamentu estraordinária ne’ebé aprezenta husi governu, konsege aprova ho unanimidade ba montante orsamentu dolar amerikanu tokon 250, husi pedidu millaun $400 ne’ebé governu aprezenta.

Husi millaun $250 ne’ebé aprova, dollar amerikanu millaun 150 ba prevensaun COVID-19 inklui rekooperasaun ekonomia no rihun atus-lima ba Parlamentu Nasionál. Aleinde ne’e, dollar amerikanu millaun $100 ba kofre estadu.Say

 

Add to Comments Here!!!!

error: Content is protected.
Secured By miniOrange
You might also like:
Konfirmadu COVID-19 iha Timor-Leste sa’e ba 22 ■Governu husu PR atu estende tan EE ba loron 30

Sentru Integradu Jestaun Krize (SIJK) konfirma...

DOT fulan Abril ba PN hetan kortes porsentu 17

Sekretária Jerál (SekJer) Parlamentu Nasionál (PN),...

Deskonfia iha sintoma COVID-19, sidadaun 84 labele fila ba uma

Diretur Nasionál Polítika Koperasaun Ministériu Saúde,...

Close