JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Proposta adisional FRETILIN nian la liu, PN autoriza Governu foti osan millaun USD 250

Proposta adisional FRETILIN nian la liu, PN autoriza Governu foti osan millaun USD 250

Proposta adisionál ne’ebé aprezenta husi bankada FRETILIN ho montante millaun USD150 la pasa iha Parlamentu Nasionál (PN), maibé PN autoriza de’it pedidu levantamentu husi Governu, liu husi Ministériu Finansas (MF) foti millaun USD250.

“Montante ne’ebé Governu aprezenta mai millaun USD250 tuir proposta lei, depois deputadu balun hatama proposta atu amenta tan millaun USD150 sa’e ba millaun USD400 no proposta adisionál ne’e iha votasaun la pasa (atu amenta millaun USD150), maibé mantein ho proposta orijinál millaun USD250”, Prezidente PN, Arão Noe ba jornalista sira iha PN, Kinta (02-04-2020).

Maibe proposta adisionál tokon USD150 la passa iha plenária ho votus a favor 31, kontra 33, abstensaun 1, maibé proposta levantamentu Fundu Petrolíferu (FP) aprova ho unanimidade.

Xefe Órgaun Lejislativu ne’e, subliña, proposta husi deputadu na’in tolu (3)  mak husu amenta tan tokon USD150, hodi sai tokon 400 ba Governu atu hasoru situasaun emerjénsia, relasiona ho pandémia coronavirus (COVID-19), maibé proposta adisionál refere la liu iha votasaun.

Antes tama votasaun, Vise Xefe bankada FRETILIN, Francisco Miranda Branco, konsidera proposta adisionál husi Governu ho montante millaun USD150 ne’e pertinente hodi antesipa COVID-19, apoia vítima dezastre naturál no rekuperasaun ekonómiku.

“Verba ida adisionál ne’e importante atu rezerva, nune’e, Gabinete Krize presiza jere hodi antesipa COVID-19, atu responde ba situasaun ne’e, ami propoin aprova tan millaun USD150”, subliña Branco liu husi plenária.

Purtantu deputadu FRETILIN, Antoninho Bianco, hateten, proposta ne’ebé FRETILIN hato’o atu apoia de’it buat ne’ebé Governu aprezenta, tanba millaun USD250 ne’e só tau ba kaixa tezouru.

“Tanba ne’e mak millaun 250 ne’e la sufisiente, aumenta tan millaun USD150, husi proposta millaun USD150 ne’e koloka ba kategória tolu, millaun USD63-resin ba sanitária hodi kombate COVID-19, millaun USD36-resin ba protesaun sosiál apoia vítima dezastre naturál, millaun USD50 ba rekuperasaun ekonómika konsekuénsia husi pandémia COVID-19. Nune’e hamutuk millaun USD400 ne’e bele halo prosesu tomak”, tenik deputadu FRETILIN ne’e.

Lee hotu :   La selu taxa ba Estadu TL, PJR lamenta TR a favor ba kompañia Timor Sea Resources

Deputadu PD, Adriano do Nascimento, hateten, proposta husi FRETILIN tau osan boot ne’e di’ak liu tan, tanba atu uza ba antesipa COVID-19.

“Karik situasaun ne’e mosu, deputadu sira la presiza mai debate tan iha PN, razaun segundu presiza osan boot hodi sosa medikamentu saúde”, subliña Adriano.

Tuir deputadu PLP, Noé da Silva, apoia proposta husi bankada FRETILIN, tanba ema hotu preokupa situasaun tolu (3), hanesan situasaun polítika, inundasaun no COVID-19.

“Ita boot hanoin to’ok, semana kotuk ita boot sira dehan osan atu hira ita boot sira apoia kombate COVID-19, maibé ohin ita boot deside pozisaun oin seluk”, dehan nia.

Enkuantu, Xefe bankada CNRT, Duarte Nunes, hateten, PN mak halo desizaun polítika tuir lei, nune’e CNRT mantein ho millaun USD250.

“Kona-bá proposta ne’e ami iha hanoin seluk, situasaun ne’e ami mantein proposta millaun USD250, sei la amenta tan, ne’e mak ami-nia pozisaun”, afirma Duarte.

Tuir Xefe bankada PD, António da Conceição, hateten, planu no kálkulu tenke mai hosi Governu.

“Proposta ida-ne’ebé mai husi Governu, ne’e mak realísitiku liu, tanba ne’e mak ha’u hanoin ita mantein ho proposta millaun USD250 ne’e”, dehan nia.

Tuir Ministra Finansas (MF) em ezersísiu, atuál Vise MF, Sara Lobo Brites, informa, millaun USD250 ne’e, seidauk inklui despeza ba COVID-19.

“Governu iha responsabilidade atu gasta de’it ba COVID-19. Millaun USD250 nia objetivu atu reforsa ita-nia saldu tezoúru, la’ós ba despeza COVID-19 no nesesidade emerjénsia sira seluk”, tenik Sara.

Entretantu Oitavu Governu Konstitusionál husu millaun USD400, inklui proposta adisionál, maibé PPN autoriza de’it millaun USD250 (proposta orijinál husi MF-red), husi millaun USD250 ne’e koloka millaun USD100 reforsa kofre Estadu, hodi finánsia serbisu administrasaun públika to’o fulan Outubru, millaun USD150 antesipa despeza hasoru coronavirus (COVID-19), inklui rekuperasaun aktividade ekonómika.

Lee hotu :   Solusiona polítika atual, BOAMP hakarak liu mak ajenda mosaun sensura

Pedidu levantamentu extraordinária husi FP ba Orsamentu Jerál Estadu (OJE) abrigu iha númeru 1, artigu 7, lei númeru 9/2005, 3 Agostu, alterada husi lei númeru 12/2011, 28 Setembru, ho valór millaun USD250, hodi finánsia orsamentu duodesimál ba serbisu adminstrasaun públika to’o fulan Outubru, tinan ne’e.

Proposta lei iha hat (4), artigu 1 ko’alia kona-bá objetu, artigu 2 ko’alia kona-bá autorizasaun ba realizasaun hodi halo transferénsia extraordinária husi FP, artigu 3 deskreve integrasaun iha OJE 2020 no artigu 4 (entrada em vigór), husi artigu 4 ne’e, artigu 2 aprovadu ona.

Fó hanoin fali katak, pedidu levantamentu extraordinária husi Governu refere pasa iha PN, iha finál globál ho votus unaminidade. ety

Add to Comments Here!!!!

error: Content is protected.
Secured By miniOrange
You might also like:
Hafoin atende pasiente COVID-19, pesoal saúde 6 tama kuarentena

Diretora Jerál Prestasaun Saúde, Odete Viegas,...

Dosente kontratadu transversal UNTL 34 seidauk simu saláriu

Universidade Nasional Timor Lorosa’e (UNTL) halo...

Durante EE kada uma kain Governu sei fó subsídiu pulsa eletrisidade USD 15.00

Minimiza movimentasaun komunidade nian, Governu liu...

Close