JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

SIJK prevé populasaun TL 30% sei infetadu COVID-19

SIJK prevé populasaun TL 30% sei infetadu COVID-19

Primeiru Ministru (PM), Taur Matan Ruak, informa, Timor-Leste (TL) sei la sees husi senáriu pesimista husi propagasaun Coronavirus Disease 2019 (COVID-19) tuir previzaun husi Sentru Integradu Jestaun Krize (SIJK) sei iha ema rihun 300 resin mak sei infeta ou pursentu 30 husi populasaun sei infeta virus refere.

“SIJK análiza katak TL sei la’o liu senáriu posivel lima ba propogasaun covid-19, primeiru senáriu maka otimista katak TL prevé sei la rejista kazu pozitivu ruma ba COVID-19, maibé tuir senáriu otimista ita-nia esforsu tomak hakarak zero, mas baixas óbitos, maibé ita iha 18 infetadu no husi númeru ne’e ida rekopera ona estranjeiru ida, mas na’in hitu (7) agora iha izolamentu. Senáriu daruak mak moderadam entre otimista, SIJK halo previsaun katak, COVID-19 sei infeta ema 13.000 ou pursentu 1 husi populasaun TL, rejista kazu kma’an hamutuk 5,200 no kazu grave hamutuk 1,950 no ema ne’ebé sei mate hamutuk 390. Alende ne’e iha senáriu datoluk menus otimista, SIJK prevé katak COVID-19 sei infeta ema hamutuk 65,000 ou pursentu 5 husi populasaun rai laran, sei rejista kazu kma’an hamutuk 26,000 no kazu grave hamutuk 9.750, ema ne’ebé sei mate hamutuk 1.950”.

“Senáriu dahaat mak pesimista, gabinete ne’e análiza katak ema hamutuk 130,000 ou pursentu 10 husi populasaun sei kona coronavirus foun, rejista kazu kma’an hamutuk 52,000 no kazu grave hamutuk 19,500  no ema ne’ebe sei mate hamutuk 3,900. Senáriu dalima Super Pesimista ema 390.000 ou pursentu 30 husi populasaun sei infetadu COVID-19, husi númeru ne’e, sei rejista kazu kma’an hamutuk 156.000  no kazu grave hamutuk 58.500 no sei hamate ema hamutuk 11,700. Iha TL sei la sees husi ida ne’e. Ha’u hanesan líder ba sentru ida ne’e, ha’u orienta sira hare liu ba senáriu pior no senáriu ultra pesimista mak ida ne’e. Sa tan ita-nia sistema saúde iha difikuladade boot. Sé nasaun sira ne’ebé mais desenvolvido dos melhores laiha kapasidade. La’ós TL mak iha kondisaun para atu sustenta, ita laiha. Maibé ita kombina buat rua vontade no kapasidade, ita uluk halo funu kapasidade laiha, mas vontade maka’as liu kapasidade lakon 200 mil mak ita manan”, Xefe Governu ne’e deklara durante halo aprezentasaun ba medida prevensaun no kombate COVID-19 husi Governu ba Parlamentu Nasionál (PN), Kinta (16-04-2020).

Lee hotu :   PN kestiona kordenasaun Ministériu Edukasaun-UNTL

Entretantu durante plenária estraordináriu ne’e, SIJK halo mós aprezantasaun ba fatin sira ne’ebé durante ne’e uza ba kuarentena no izolamentu iha Timor.

Tuir dadus ne’ebé iha total fatin ne’ebé uza ba kuarentena hamutuk 29 no fatin hirak ne’e maioria otel. Enkuantu fatin izolamentu ne’ebé dau-daun ne’e uza mak Sentru Saúde Vera Cruz.

 “Tanba ita-ni’an ohin sei importadu de’it(…) no tanba ita la halo teste masal, iha nasaun sira ne’ebé iha kapasidade teste masal iha sira mak ba buka no ha’u nia orientasaun ba SIJK bele ka la’e halo teste masal ? Bele, mas ita-nia ekipamentu mak laiha, signifika teste masal ne’e ita mak ba buka moras, la’ós ita hein moras mak mai no ita agora halo ida ne’e ema mai tiru ita mak ita tiru, laiha ita tur nono’ok, tanba ita laiha meius. Ha’u espera ho rekursu ne’ebé dau-daun ne’e ita iha no mekanizmu hotu-hotu administrativu jestaun regulamentasaun ni’an mak hadi’a, ha’u hanoin hakbi’it ita-nia-an tuir ita-nia posibilidade halo buta ne’ebé ita bele, sé ita labele halo buat ne’ebé ita hakarak”, salienta PM Taur.

Dadus husi SIJK to’o Kinta (16/4) ne’e, TL rejista kazu pozitivu COVID-19 hamutuk 18, ida rekopera no na’in 17 halo hela tratamentu iha fatin izolamentu Sentru Saúde Vera Kruz. oct

Add to Comments Here!!!!

error: Content is protected.
Secured By miniOrange
You might also like:
Durante implementasaun EE, Ema na’in 39 tama illegal mai Timor-Leste

Diretór Jerál Servisu Migrasaun, Superintendente Agustinho Gomes, informa,...

Kuarentena iha Tasi-Tolu bele akumula ema 200

Prezidente komisaun E ne’ebé trata asuntu...

Pertamina Internasional Timor apoia tanke be’e rua ba SIJK

Pertamina Internasional Timor apoia tenke be’e...

Close