JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Tanba lakon konfiansa, PM Taur demite Élia Amaral

Tanba lakon konfiansa, PM Taur demite Élia Amaral

Primeiru Ministru (PM), Taur Matan Ruak, afirma, razaun demite eis Vise Ministra Saúde (VMS), Élia dos Reis Amaral ne’ebé kaer pasta nudar Vise Ministra Saúde Kuidadu Saúde Primária, husi nia kargu, tanba lakon konfiansa.

“Ha’u iha razaun ida deit, ha’u lakon konfiansa ba membru governu ne’e, tamba ha’u lakohi servisu hamutuk ona ho nia,” dehan, Primeiru Ministru (PM), Taur Matan Ruak, iha Centro Convenções de Díli (CCD), Segunda (06/04/2020).

Xefe Governu Taur Matan Ruak subliña liu tan, dadaun ne’e seidauk  iha ema ida troka eis VMS Élia dos Reis Amaral nia fatin, maibé Vise Ministru Saúde ba Dezenvolvimentu Estratéjiku Saúde, Bonifacio Muacoli  dos Reis, mak sei tau matan, maibé governu bele haree iha futuru.

“Dekretu demisaun ne’e, Prezidente Repúblika nian sai ona, hanesan mós ha’u nian sai ona,” haktuir, PM Taur Matan Ruak.

Alende ne’e, karta demisaun ne’ebé Primeiru Ministru Taur Matan Ruak, haruka pedidu ezonerasaun ba kargu Vise Ministra Kuidadu Saúde Primária, Élia dos Reis Amaral, ba Xefi Estadu Francisco Guterres Lú Olo, iha loron Sesta (03/04/2020).

Hafoin simu tiha pedidu ne’e, Xefi Estadu dekreta karta ezonerasaun tuir dekretu Prezidenti Repúblika númeru 30/2020 loron 3 fulan Abril, hodi responde ba pedidu ne’ebé hato’o husi Xefi Governu.

PD lamenta PM demite eis Vise MS, Elia

Xefe bankada PD, António da Conceição “Kalohan”, lamenta, pedidu Primeiru  Ministru (PM), Taur Matan Ruak ne’ebé haruka ba Prezidente  Repúblika (PR), Francisco Guterres “Lú Olo”, hodi demite eis Vise   Ministra Saúde (MS), Élia dos Reis Amaral.

PM, Taur Matan Ruak demite ona Vise MS, Élia dos Reis Amaral, ha’u  hanoin ida ne’e kompeténsia PM ni’an atu hola medidas ligadu ba  membru Governu sira, maibé iha situasaun ida hanesan ne’e ita preokupa, tanba estrutura ida ne’ebé formal iha responsabilidade ba vida nasaun ni’an. Ita hein katak aktu sira ne’e laiha implikasaun negativu, hodi bele fó nafatin servisu fó atendimentu ba ita-nia populasaun sira”, Xefe bankada PD ne’e liu husi ninia intervensaun polítika iha plenária, Segunda (06-04- 2020).

Lee hotu :   Hametin relasaun bilateral ho TL, Nasaun tolu hato’o kredensial ba PR

Kalohan akresenta, PD hanesan  bankada ne’ebé vota nafatin ba Orsamentu Jerál Estadu (OJE), hakarak deklara fó soliedaridade ba eis Vise MS refere, ne’ebé sai tiha ona no atu parte hotu pasiensia.

Husi sorin seluk, Vise Xefe bankada CNRT, Patrocinio Fernandes, konsidera, desizaun demite eis Vise MS Kuidadu Saúde Primária, Élia dos Reis  Amaral husi ninia kargu ne’e, tanba órgaun ida-idak hala’o ninia funsaun tuir kompeténsia ne’ebé konstituisaun RDTL fó.

“PM, Taur Matan Ruak hakarak dehan solidariza situasaun eis Vise MS, maibé ko’alia kona-bá konsiderasaun CNRT, PR emite dekretu ba ezonerasaun, ha’u órgaun hotu, ida-idak hala’o ninia funsaun no kompeténsia tuir konstituisaun atribui, tanba ne’e, PR halo ninia servisu no funsaun, agradese ba kontribuisaun tomak eis Vise MS ne’e halo no partidu CNRT indijita hodi kontribui sevisu ruma ne’ebé lori di’ak ba povu  ba nasaun, prosesu ne’e la’o órgaun ida-idak ho ninia kompeténsia, hodi hola desizaun, halo avaliasaun ba servisu hotu tuir kompetensia ne’ebé kontituisaun atribui”.

“Ita hotu hein órgaun hotu iha nasaun Timor-Leste, ida-idak kumpre ninia funsaun no halo nia exersísiu sira ne’e tuir kompeténsia, sira ne’e lei mak atribui, ha’u hanoin ita sei bele nasaun ne’ebé di’ak. Ha’u hanoin merese ka la merese PM hanesan líder ezekutivu, nia rasik iha ninia métodu. Razaun  saída atu halo ezonerasaun ida ne’e, Xefe Governu mak hatene, tanba ministra nia líder PM mak hatene katak erru ne’e saída depois mak halo ezonerasaun”, subliña Patrocinio.

Entretantu PR Lú Olo dekreta pedidu ne’ebé haruka husi PM hodi demite eis Vise MS Kuidadu Saúde Primária, Élia dos Reis Amaral husi ninia kargu atual iha loron 3, fulan ne’e.

Lee hotu :   Estadu tenke kuidadu iha desizaun polítika hodi defende rikusoin TL

Xefe Estadu dekreta karta ezonerasaun tuir dekretu PR númeru 30/2020, loron 3, fulan Abril, hodi responde ba pedidu ne’ebé hato’o husi Xefe Governu.cin/ety

 

Add to Comments Here!!!!

error: Content is protected.
Secured By miniOrange
You might also like:
OJD husu Asanami-Kalohan “tebe sai” Adriano husi PD

Reprezentante no atual Sekretáriu Jeral  Organizasaun...

Xanana: Komunidade tenke simu Timor-oan husi kuarentena bainhira fila ba uma

Líder Karismátiku Kay Rala Xanana Gusmão,...

Kombate COVID-19, Vendedores manleuana husu Governu taka pontu entrada

Atu kombate Corona Virus Disease 2019(COVID-19)...

Close