20 Jullu, Governu aprezenta OJE 2020 ba PN

Governu liu husi Konsellu Ministru (KM) aprova kalendariu preparasaun Orsamentu Jeral Estadu ba tinan fiskal 2020, no sei submete ba Parlamentu Nasionál (PN) iha loron 20 fulan Jullu.

Ministru Reforma Lejislativa Asuntu Parlamentares, Fidelis Magalhães hateten,kalendariu hirak ne’e presiza konsentra ho Parlamentu Nasionál, atu nune’e bele haree didiak aktividade husi Parlamentu Nasionál.

“Tuir kalendariu ne’e aprova proposta lei sei analiza iha KM, kalendariu hirak ne’e ami presiza sei konserta ho PN, tamba proposta lei orsamentu foun, ne’e presiza konsentrasaun husi PN, tamba presiza haree mos ho ajendamentu PN nian hotu, no komisaun sira nian, no bainhira mak bele halo plenaria,” dehan, Ministru Reforma Lejislativa Asuntu Parlamentares, Fidelis Magalhães iha Ministeriu Finansas Aitarak-Laran Díli, Kinta (21/05/2020).

Govenante ne’e subliña liutan, KM mós aprova projetu deliberasaun, ne’ebé aprezenta husi Ministru Justisa, Manuel Cárceres da Costa, kona-ba autorizasaun exsesional utolizasaun verba, kapital menor iha rejime duodesimal.

Fidelis hatutan, deliberasaun ne’e atu fó dalan ba pagamentu servsiu Estadu, fornesimentu ekipamentus informátiku no mobiliáriu ba Ministériu Justisa.Cin