JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

ACBN: Alkatiri uza líder rezisténsia FALINTIL hatún malu ■ Dalan seluk laiha ona hakat ba EA

ACBN: Alkatiri uza líder rezisténsia FALINTIL hatún malu  ■ Dalan seluk laiha ona hakat ba EA

Associação Combatentes das Brigada Negra (ACBN), liu husi Prezidente Nuno Manuel Corvelo, deklara ba povu tomak katak, Sekretáriu Jeral partidu FRETILIN, Marí Bin Amude Alkatiri oras ne’e dadauk uza hela líder rezisténsia FALINTIL sira ida atu hatún malu liu-liu nia komandante supremu Kay Rala Xanana Gusmão.

ACBN mos haree katak, impase polítiku ne’ebé dura to’o ohin loron tanba luta ba poder polítiku. Tanba ne’e mak Mari Alkatiri utiliza kuadru legal sira Estadu RDTL ninian hodi hatúr ninia estratejia hodi hamenus influensia maun bo’ot Kay Rala Xanana Gusmão, nia nasaun ida ne’e.

Prezidente ACBN, Nuno Manuel Corvelo, hatete, atu hakotu impase polítiku ne’e dalan ida husu prezidente republika atu konvoka hikas meza redonda atu líder istóriku sira tur diskuti problema nasaun nian. Maibe se dalan ne’e la viavel ona ka la pertinente ona mak Prezidente Repúblika hakruk ba konstituisaun atu disolve Parlamentu Nasional no konvoka eleisaun antesipada.

“Ho rezultadu meja redonda, PR tenke disolve Parlamentu Nasional tuir konstituisaun alinea F haruka no konvoka eleisoens antesipada, tansa Dotor Marí Alkatiri la barani ba Eleisoens Antesipada (EA)? Nia uza fali líder rezisténsia husi FALINTIL ida atu hatún nia komandante supremu. Doutor Alkatiri esplika, Prezidente PN, Arão Noe hili husi koligasaun ida, em quanto Dr. Aniceto hili husi partidu ne’ebé hetan votu popular barak liu. Se hakarak uza teoria ida ne’e maka tenke konsistente rezultadu meja redonda tanba VIII Governu mai husi AMP ne’ebé hili Prezidente Parlamentu Nasional, nu’udar distribuisaun proporsional de poderes entre partidu membrus AMP, Dr. Aniceto mos deputadu sira ne’ebé hamutuk forma VII Governu, la’os mai husi rezultadu votu popular. FRETILIN la manan maiori aparlamentar, nune’e mak sirkunstansia hili Prezidente PN Arão Noe, no Aniceto hanesan de’it ka iha vagas sosiais no polítika ne’ebé hanesan. Atu buka dehan ba solusaun impase polítiku se dalan seluk labele ona,  entaun Prezidente Repúblika disolve Parlamentu Nasional no konvoka eleisaun antesipada”,dehan Prezidente ACBN ne’e ba jornalista sira iha iha Kuartel Superior ACBN, Díli, Sábadu (16/5/2020).

Lee hotu :   [:pt]PM Taur: Ita sei sosa asaun ConocoPhillips-Shell[:id]PM Taur: Ita sei sosa asaun ConocoPhillips-Shell[:en]PM Taur: Ita sei sosa asaun ConocoPhillips-Shell[:tl]PM Taur : Ita sei sosa asaun ConocoPhillips-Shell[:]

Brigada Negra nu’udar forsa espesial FALINTIL nian ne’ebé maka maun bo’o Kay Rala Xanana Gusmão estabelse iha husi  Cipinang Indonézia, iha 1995 atu implementa estratejia polítika Indoneziasaun konflitu Timor-Leste nu’udar xave atu rezolve konflitu polítiku armadu Timor-Leste nian iha dever moral polítika hato’o ba povu tomak kauza impase polítiku iha Timor-Leste, ne’ebé halo ema hotu laiha kbiit, husi partidu ne’ebé deit moris susar no halerik.

Nuno haktuir, povu Timor-Leste apoiantes maun bo’ot Kay Rala Xanana Gusmão, líder máximu karismátiku ne’ebé lidera funu ba ukun-an manan tiha, lidera tan luta ba soberania fronteira marítima no ra-maran, haloos tiha akordu sira ne’eb’e la loos, ne’ebé ita nian nai ulun balu sira halo iha 2002, no manan tiha iha 2018.

“Imi tomak presiza informadu, kona ba saida deit mak kauza ba impase polítiku? Hodi nune’e ida-idak bele foti pozisaun iha konjuntura atual.”dehan Nuno.

“Maluk tomak, ba Brigada Negra, impase polítiku ne’e nia hún mak luta ba poder polítiku entre forsa polítika rua, ida mak Doutor Marí Bin Amude Alkatiri ne’ebé maka lidera FRETILIN, no CNRT lidera husi líder karismátiku Kay Rala Xanana Gusmão, líder istóriku tanba vizaun ne’ebé la hanesan kona ba modelu konstrusaun estadu,   rekoñesimentu ema sira ne’ebé luta nia papél no modelu dezenvolvimentu ekonómiku povu TL nian. Maun bo’ot Kay Rala Xanana Gusmão hamosu palavra de ordem ida katak, “Liberta Ona Rai, Tenke Hakat Ba Liberta Povu”. Atu liberta povu mak maun bo’ot Xanana Gusmõ define planu estratejiku dezenvolvimentu nasional fó emfaze bo’ot ba dezenvolvimentu industria mina-rai iha Kosta Sul nu’udar prinsipal atu industrializa nasaun no impulsiona kreximentu sektores produtivu sira seluk. Atu industrializa Kosta Sul maka Kadoras tenke mai Beasu (Viqueque), tenke define Fronteira Marítima, maibe Doutor Marí Alkatiri (husi FRETILIN) la konkorda ho planu ka misaun ida ne’e.”fundamenta Nuno.

“Atu atinji planu industrializasaun nasaun nian mak maun bo’ot Xanana hamosu instituisoens relevantes hanesan ADN, CNA no Ministériu Planeamentu no Investimentu Estratéjiku, Doutor Mari Alkatiri ho nia aliadu sira la konkorda ho sistema ida ne’e no tenta atu hamenus sistema hot-hotu ne’ebé líder karismátiku maun bo’ot Kay Rala Xanana Gusmão hatúr ho misaun atu konkretiza luta ba liberta povu. Polítika fó meius ba veteranu sira, empreza kiik sira, kooperativa sira atu habelar-an no hakbiit-an Doutor Alkatiri no nia misaun sira dehan, ne’e laloos, no buat hot-hotu tenke kurizi, maibe ladauk aprezenta alternativa diskusaun alargada entre sira. ”tenik tan.

Lee hotu :   Defini estatutu veteranu, Governu presiza estabelese KKLN

“Rezumidamente diferensa amk ami temi iha leten ne’e husi luta polítika ba defende konstrusaun dezenvolvimentu ho modelu sosiedade maka doutor Mari Alkatiri utiliza kuadru legal sira Estadu RDTL ninian hodi hatúr ninia estratejia hodi hamenus influensia maun bo’ot Kay Rala Xanana Gusmão, hanesan tuir mai ne’e; iha 2002 halo konstituisaun RDTL hodi introdus sistema polítiku liberal ne’ebé hatúr ba iha implikasaun prinsípiu separasaun depoderes hodi nune’e limita poder Prezidente Repúblika nian; iha 2007 bainhira FRETILIN manan eleisaun, sai deit mais votadu maibe Prezidente Repúblika bolu CNRT ho nia aliadu sira hodi forma IV Governu konstitusional, FRETILIN durante tinan lima nia laran para alende nia membru balu sira hetan benefísiu husi Governasaun hanaran IV Governu nu’udar Governu Defaktu hodi hamosu interpretasaun seluk nona ba redasaun artigu 106 konstituisaun RDTL; iha tinan 2013, FRETILIN hakbesik ba maun bo’ot Kay Rala Xanana Gusmão, hodi hamosu intendimentu ida de kooperasaun sente halo konfrontasaun hasoru Kay Rala Xanana Gusmão sei la manan, husi aproximasaun ne’e mak hamosu intendimentu kona ba estabelesimentu Oecusi nu’udar Rejiaun Administrativa Espesial RAEOA no kriasaun zona ekonómika espesial merkadu hodi indijita Marí Alkatiri ba Prezidente RAEOA. Iha eleisaun 2017 ba prezidensiais, Marí Alkatiri (Sekretáriu Jeral FRETILIN) hakbesik ba maun bo’ot Kay Rala Xanana Gusmão, hodi bele hetan apoiu ba kandidatu Francisco Guterres Lú Olo para konkore eleisaun prezidensial ne’e maunbo’ot Xanana deklara fó apoiu tomak no husu ba militante kuadru CNRT tomak atu fó apoiu ba kandidatu Francisco Guterres Lú Olo iha eleisoens prezidensiais maun Lú Olo manan tiha simu pose nu’udar Prezidente da RDTL hahú foti asoens iha kontekstu luta pelo poder político hodi redus CNRT ho nia aliadu sira- nia influensia depois de formasaun VIII Governu konstitusional; iha tinan 2017, eleisaun parlamentares FRETILIN sai mais votadu maibe la konsege hetan maioria parlamentar atu ukun ho estabilidade CNRT PLP, KHUNTO estabelese aliansa maioria parlamentar hodi sai opozisaun no alternativa Governu minoritáriu ne’ebé maka Doutor Marí Alkatiri lidera. Iha aprezentasaun programa Governu tuir dispozisaun artigu 108 konstituisaun RDTL nian programa la liu, nein atu halo rezervasaun pela segunda vez, Primeiru Ministru Mari Alkatiri interpreta konstituisaun tuir nia teoria tanba ladauk iha lejislasaun komplementar la lori fali programa de Governu ba fali Parlamentu Nasional, tanba Doutor Alkatiri hatene sei la liu e nia Governu bele monu tuir konstituisaun ne’ebé mak FRETILIN rasik aprova, viola dispozisaun konstitusionais artigu 112, iha Dezembru 2017 Orsamentu Jeral Estadu VII Governu konstitusional la liu no tuir artigu 86 alinea F no artigu 100, Prezidente Repúblika (Lú Olo) atu defende Mari Alkatiri disolve Parlamentu Nasional no konvoka eleisoens antesipada,”subliña Nuno.

Lee hotu :   Horta husu Xanana-Governu diálogu ho PR ba alterasaun LAP

ACBN mos haree katak, Prezidente Repúblika, Francisco Guterres Lú Olo mak tau tiha Aliansa foun husi partidu neen ne’ebé lidera husi Kay Rala Xanana Gusmão, ba gaveta hodi la preokupa tan, tanba rona hela Mari Alkatiri nia politika atu FRETILIN mos envolve iha Governu.

Tanba ne’e ACBN fó orden ba membru birgada negra atu mantein disiplina, estuda nafatin polítika, halo diskusaun no análiza hodi bele hodi bele kontribui ba konstrusaun Estadu, se karik Vise Prezidente PN mak viola rejimentu PN mak povu tomak iha ona direitu atu intende prosesu konstrusaun Estadu no koalia ba orgaun soberanu sira atu kumpri konstituisaun no lei.Nes

Add to Comments Here!!!!

error: Content is protected.
Secured By miniOrange
You might also like:
Dom Virgílio: Deputadu PN labele hala’o polítika ho tensaun

Arcebispu  Metropolitanu Díli, Dom Virgílio do...

Tesi destinu destituisaun, Jurista: Vise PPN obriga-an diriji meja krime

Jurista senior Timor-oan, Avelino Coelho, informa...

Dadus COVId-19 iha Timor Leste, 15 maiu 2020

Close