JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Advogadu sira lori hikas petisaun CNRT ba TR

Advogadu sira lori hikas petisaun CNRT ba TR

Advogadu Manuel Tilman ho Miguel Fária iha Sesta, loron 15, fulan ne’e, lori hikas petisaun ne’ebé antes ne’e Tribunál Rekursu (TR) rejeita (indefere-red) iha loron 11, fulan ne’e, tanba la priense rekezitu balun.

Manuel Tilman, hateten, rekezitu ba petisaun da-ruak ne’e, parte mandatáriu uza fali artigu 150 konstituisaun RDTL, hodi husu TR atu halo fiskalizasaun abstrata ba aktu konstitusionál Xefe Estadu ni’an.

“Ami uluk hatama prosesu ida, tribunál indefere, tanba dehan katak laiha dois tersus dos deputadus aprovadu iha plenáriu da asembleia repúblika ou Parlamentu Nasionál, ami ohin loron mai de’it ho um kintu de deputadu 1/5  husu fiskalizasaun konstitusionalidade no fiskalizasaun ba dekretu prezidensiál ne’ebé nomeia membru atu fó pose ba membru VIII Governu ne’ebé Primeiru Ministru (PM), Taur Matan Ruak mak aprezenta no nomeia de’it ba na’in sia (9) seluk no na’in sia (9) seluk la nomeia, laiha fundamentasaun iha dekretu prezidensiál ne’e no dekretu prezidensiál ne’e mak ami husu fiskalizasaun konstitusionalidade, tanba ne’e, ami verifika duni, husu tribunál haruka karta ida dehan katak sira ne’e laiha prosesu pendente iha tribunál, dokumentu sira ne’e mós ami junta hotu”, Manuel Tilman iha TR, Caicoli-Díli, hafoin lori hikas petisaun da-ruak ne’e ba TR.

Mandatáriu ne’e afirma, petisaun ba da-ruak ne’e la presiza dois tersus ka 2/3 husi deputadu sira iha PN, tanba prosesu refere la’ós prosesu krime, maibé prosesu sivíl.

Antes ne’e, advogadu Manuel Tilman, deklara, petisaun CNRT hasoru PR ne’e, la’ós atu kondena Xefe Estadu, maibé husu TR atu apresia no halo fiskalizasaun abstrata, tanba konsidera PR viola ona konstituisaun RDTL.

Lee hotu :   PPN konsidera laiha ajenda, laiha plenaria ''BOAMP nota PPN la kumpri knaar''

Juíz koletivu ne’ebé indefere prosesu ne’e, iha loron 11, fulan Maiu foin la-lais ne’e mak hanesan, atuál Prezidente TR, Deolindo dos Santos, juíza Maria Natércia no juíza Jacinta Correia da Costa. san

Add to Comments Here!!!!

error: Content is protected.
Secured By miniOrange
You might also like:
Munisípiu 3, 100% negativu COVID-19

Porta-Voz Sentru Integradu Jestaun Krize (SIJK),...

Eis membru Governu ida tama lista indultu

Kada tinan Prezidente Repúblika (PR) sempre...

Konsidera asaltu poder, PPN sei keixa VPPN Angelina ba Tribunal

Prezidente Parlamentu Nasionál (PPN), Arão Noe...

Close