JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Arão konsidera despaixu TR nulu

Arão konsidera despaixu TR nulu

Prezidente Parlamentu Nasionál (PN) sesante, Arão Noe, konsidera, desizaun Tribunál  Rekursu (TR) fó resposta ba ninia pedidu rekerimentu hodi husu legalidade ba destituisaun ne’e nulu, tanba desizaun ne’e la liu husi deliberasaun juíz kolektivu.

“Despaixu ne’ebé Venerendu juíz Deolindo dos Santos iha kualidade nu’udár Prezidente TR hatún ba ha’u hodi kestiona ha’u nia lejitimidade nu’udár rekerente ne’e ilegál, tanba la tuir Kódigu Prosesu Sivíl Artigu 186 rekere distribuisaun prosesu sira ne’ebé tama iha TR ba juíz kolektivu no rekere deliberasaun husi juíz kolektivu. Despaixu ne’ebé venerandu juíz Deolindo dos Santos hatún ba ha’u ne’e la liu husi deliberasaun juíz kolektivu, tanba ne’e konsidera nulu, despaixu husi desizaun singular sein liu husi deliberasaun plenária juíz kolektivu ne’e tau em kestaun venerendu juíz Deolindo dos Santos nia imparsialidade ba ha’u nia pedidu fiskalizasaun abstrata konstitusionálidade ne’ebé ha’u hatama ba TR. Despaixu ida ne’e viola Kódigu Prosesu Sivíl artigu 186 ne’ebé la foti liu husi koñesimentu juíz kolektivu, nune’e konsidera nulu ka inválidu tuir Kódigu Prosesu Sivíl Artigu 416 (d), ho violasaun ba artigu husi Kódigu Prosesu Sivíl”, Prezidente PN sesante ne’e liu husi konferénsia imprensa iha bankada CNRT-PN, Segunda (25-05-2020).

Ho nune’e, Arão, husu ba Prezidente TR atu revoga despaixu ne’ebé fó sai iha loron 22, fulan Maiu ne’e, tanba ninia pedidu ba TR ne’e ho intensaun atu hatene prosesu destituisaun ne’ebé lidera husi Vise Prezidente Parlamentu Nasionál (PN) ne’e bazeia ba lei ka la’e.

“Ha’u rekere imparsialidade husi TR venerendu juíz Deolindo dos Santos nia despaixu hodi husu ha’u nia lejitimidade nu’udár rekerente ne’e estrañu, tanba pedidu ne’ebé ha’u hatama ne’e atu husu ba tribunál sé prosesu destituisaun ba ha’u ne’e tuir konstituisaun no lei oan sira ka la’e, la’ós kestiona fali ha’u nia lejitimidade. Ha’u kontinua konsidera katak, aktu destituisaun ba ha’u ne’e viola konstituisaun RDTL artigu 99 (3) katak, Parlamentu Nasionál (PN) halo Reuniaun ordináriamente liu husi konvokasaun Prezidente PN ni’an. Reuniaun ka plenária destituisaun ba ha’u ne’e konvoka husi Vise Prezidente PN, ida ne’e inkonstitusionál”, tenik reprezentantante povu iha PN ne’e.

Lee hotu :   Horta husu Xanana-Governu diálogu ho PR ba alterasaun LAP

Enkuantu Prezidente TR, Deolindo Dos Santos, iha Sesta semana kotuk ne’e, hasa’i karta ida ba Prezidente PN sesante, Arão Noe hodi husu klarifikasaun kona-bá momentu ne’ebé bankada FRETILIN, PLP no KHUNTO aprova destituisaun. Iha karta ne’e TR husu ba eis Prezidente PN ne’e atu klarifika loloos oras deputadu sira halo votasaun ba destituisaun, iha loron 19, fulan ne’e.

Tanba TR presiza hatene informasaun  ne’e, hodi bele halo avaliasaun ba pedidu eis Prezidente PN ni’an, hodi fiskaliza konstitusionalidade artigu rejimentu parlamentár ne’ebé permite destituisaun.

Entretantu Arão Noe, entrega pedidu fiskalizasaun ba TR ne’e, iha loron 19, fulan  ne’e, iha tuku 04.00 lokraik liu minutu 35, tanba ne’e, tribunál husu klarifikasaun kona-bá lejimitidade Arão Noe ni’an bainhira hatama ninia pedidu. ety

Add to Comments Here!!!!

error: Content is protected.
Secured By miniOrange
You might also like:
Deskonfia na’ok sasán, PNTL detein ema na’in ualu

Polísia Nasionál Timor-Leste (PNTL) munisípiu Díli...

Faustinho-PM Taur diskute kontinuidade funsionamentu KFP antes madatu remata

Primeiru-Ministru (PM), Taur Matan Ruak, Segunda...

MOP identífika ona infraestrutura públika 28 iha kosta sul hetan estragus husi Inundasaun

Ministru Obras Públikas (MOP), Salvador Pires...

Close