JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Bankada 3 hili Aniceto ba PPN ho ilegál, CNRT sei keixa ba TR ■ Publika ona iha Jornal da República

Bankada 3 hili Aniceto ba PPN ho ilegál, CNRT sei keixa ba TR  ■ Publika ona iha Jornal da República

Deputadu sira bankada FRETILIN, PLP ho KHUNTO, liu hosi plenária Tersa (19/5/2020), husi dalan ilegal tanba maske la hetan autorizasaun hosi Prezidente Parlamentu Nasionál (PPN) Arão Noe Amaral, maibe konsege aprova ona rekerimentu destituisaun no eleitu deputadu FRETILIN, Aniceto Guterres Lopes hodi subtitui Arão Noe Amaral.

Hafoin termina sesaun votasaun ne’e, Prezidente eleitu, Aniceto Guterres relata, nia parte eleitu iha lejitimidade, tanba hetan apoiu hosi votu maioria Parlamentár hamutuk 40, ne’ebé mai hosi bankada PLP 8, KHUNTO 5 ho FRETILIN 23  inklui apoiu PD votus 4.

Alende ne’e pedidu destituisaun ne’ebé aprezenta hosi FRETILIN, PLP ho KHUNTO, hetan aprovasaun ho votus a favor 36.

Vise prezidente bankada CNRT, deputadu Patocino Fernandes deklara, CNRT nafatin hein desizaun hosi Prezidente Repúblika, kona-bá koligasuan foun ne’ebé forma hosi CNRT rasik hamutuk ho PD, UDT/FM no PUDD, tanba tuir CNRT dalan úniku mak forma nono governu, la’os viabiliza 2018 ne’ebé nia Orsamentu Jerál Estadu la passa iha PN.

“ Konserteza aktu ne’ebé akontese iha ema balun tenke responsabiliza, maibe la’os kulpa CNRT nian de’it. Bankada CNRT nia pozisaun sempre fó alerta, di’ak liu hotu-hotu la’o tuir lei ka dalan ne’eb’e iha, lei KRDTL no rejimentu PN, nune’e mós lei LOFAP ne’ebé iha, hodi regula prosedimentu hotu ne’ebé mak iha ne’e, maibe tanba laiha ona intendimentu ba ida ne’e, obriga asaltu poder, entaun akontese tiha buat sira ne’e. Dalan legal laiha ne’e mak sira (bankada FRETILIN, PLP ho Khunto) liuhosi dalan Cowboy ne’e, ida ne’e ema ruma tenke responsabiliza hodi rezolve para estadu ne’e bele la’o ba oin. Agora husu PR hanesan aman ba nasaun nian,  nu’udar mós órgaun ida ne’ebé atu assegura funsionamentu estadu nian, no assegura estabilidade estadu nian hotu, ne’e tenke kompetensia PR nian para bele hola asaun, situasaun ne’e ejize tebes PR nia pozisaun.”tenik Patrocino ba jornalista sira iha PN, hafoin deputadu sira husi bankada tolu halo plenária obrigatóriu sem koñesimentu husi Prezidente PN, Arão Noe Amaral.

Lee hotu :   Arão Noe: Timor-Leste la infrenta impase polítiku

Alende ne’e, vise xefe bankada PLP, Francisco de Vasconçelhos afirma, pozisaun Fretilin, PLP ho Khunto legal, tanba iha ona intendimentu entre Fretili ho PLP inklui priense maioria Parlamentár, tanba laiha dalan ba Eleisaun Antesipada, tanba partidu tolu prontu assegura VIII Governu to’o termina mandatu.

“ Loron rua tutuir malu ne’e, sira (CNRT) la fó fatin, PPN Arõ Noe rasik iha ne’e hela(Gabinete PPN), maibe nia la tama sala plenária, ne’e hatudu katak nia la assume nia responsabilidade nu’udar Prezidente PN. Depois rekerimentu destituisaun ne’ebé tama ba iha nia ne’e mós la ajenda, tanba ne’e mak deputadu sira hatama fali rekerimentu husu vise nain rua para hodi lidera sesaun plenária ne’e, hodi debate kona-bá destituisaun, sira (CNRT) dehan destituisaun ne’e la tuir regras, maibe sira laiha argumentu, maibe sira nia argumentu mak sa’e ba maku rahun meza de’it.”informa deputadu PLP ne’e.

Francisco relata, aktu deputadu CNRT, hanesan krime organizadu ne[‘eb’e tenta estraga património estadu nian, tanba ne’e, bankada tolu sei keixa CNRT ba Tribunal.

“ Ami sei lori aktu ne’e ba Tribunal, tanba ne’e krime públik, krime organizadu, hodi estraga património estadu nian. Tanba eskada ka meza estrutura PN ne’e deputadu seluk labele sa’e, ne’e so Prezidente ho vise nain rua inklui sekretaria ho nia vise de’it, Prezidente la mai ne’e signfika nia iha impedimentu, Prezidente falta iha plenária loron rua, maibe nia halo despaixu tama mai sala plenária, signifika nia iha impedimentu, automaticamente vise sira tenke assume responsabilidade ne’e, Maibe deputadu sira CNRT halo krime organiza malu hodi halo krime iha ne’e, hodi hatun dignidade estadu nian. Tanba suspensaun ba plenária ne’e tenke iha deliverasaun iha plenária, la’os PPN mak deside rasik de’it.”tenik polítiku ne’e.

Lee hotu :   OJE 2019, Governu fo prioridade ba setór 6

Entretantu, Prezidente PN, Arão Noe Amaral, neébé konsidera plenaria obrigatóriu neébé halo husi Vise PPN nain rua ne’e ho intensaun atu hatun nia neé ilegal, tanba laiha despaixu ruma husi nia, laiha delegasaun kompetensia ba Vise PPN, tanba neé kontra konstituisaun no rejimentu. Nuneé iha tempu badak sira sei lori ba Tribunbal.

“Ami sei lori ba Tribunal atu haree nia legalidade. votasaun ne’e laiha despaixu ruma husi hau ba Vise sira”,dehan Arão Noe iha PN.

Tuir observasaun, deputadu sira husi bankada tolu insiste hodi halo votasaun, maske funsionáriu parlamentu taka tiha sound sistym no micro sira, tanba konsidera eleisaun ba destituisaun PPN Arão ne’e iregular no ilegal. Maibe deputadu hosi bankada tolu ne’e “moe laiha” tiha hodi ba haree fali sound sistym ida hodi husi liur mai tama ba sala PN hodi realiza plenária obrigatoriu to’o halo kontahen de votus. Maske nunee iha prosesu votasaun nia laran ne’e, infeita ho atitude deputadu nian halo meja Prezidente PN nian rahun tanba deputadu sira raut malu hodi hiit sae tiha meja refere, no deputadu sira husi bankada CNRT hakilar dehan, eleisaun ba destituisaun no hili Aniceto ba PPN ne’e ilegal, kontra KRDTL, kanten poder.

Maske nune’e, pedidu destituisaun ne’e konsege passa ho votus afavor 36 no deputadu Fretilin, Aniceto Guterres eleitu ba Prezidente Parlamentu Nasionál ho votus afavor 40 ne’ebé aumenta votus 4 hosi PD, hodi subtitui Arão Noe Amaral.

Publika ona iha Jornal da República

Maske seidauk hetan rezultadu husi Tribunal Rekursu ligadu ho CNRT nia rekursu ne’ebé atu hatama hodi kontesta ka la konkorda ho desizaun parsial, iregular no ilegal ne’ebé Vise Prezidente PN na’in rua halo liu husi plenária obrigatóriu hodi destitui PPN Arão Noe no hili Aniceto Guterres, atual deputadu FRETILIN ba PPN hodi troka Arão, derepente fo sai tiha ona sai tiha ona iha Jornal da República kona ba eleisaun ne’ebé hili Aniceto ba PPN ho dalan ilegal tuir deputadu sira hatete tanba kontra konstituisaun no rejimentu PN.Say

Add to Comments Here!!!!

error: Content is protected.
Secured By miniOrange
You might also like:
Dadus COVID-19 iha TL, 20 Maiu 2020

18.° ANIVERSÁRIO DO DIA DA DECLARAÇÃO DA INDEPENDÊNCIA 20 DE MAIO DE 2020

Dadus Kazu COVID-19 iha TL, 19 Maiu 2020

Close