JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNRT: Entrega kargu PPN tenke tuir dalan legál

CNRT: Entrega kargu PPN tenke tuir dalan legál

Xefe bankada CNRT, Duarte Nunes, hateten, bankada CNRT prontu entrega kargu ou pasta Prezidente Parlamentu Nasionál (PPN) ba bankada tolu (3) hanesan FRETILIN, PLP no  KHUNTO, maibé tenke liu husi dalan legál.

“Hanesan ita-boot sira konferénsia PPN ni’an, klaru sé bainhira koligasaun sei fó apoiu ba Governu foun mosu, ida ne’e ema formal no legál ona, laiha problema ona tenke ita aserta data hodi halo eleisaun, sé mak manan kaer liman entrega fali buat hotu di’ak, problema saída ita mai ameasa tun-sa’e, agora ita hasoru malu iha dalan ita la’o ba troka meja, oinsa hasoru malu kalan ida bainhira fahe malu tenke sobu meja ida ne’e la lojika“, Xefe bankada CNRT ne’e ba jornalista sira iha PN, Kuarta (13-05-2020).

Duarte akresenta, maske deputadu husi bankada 3 hatama ona karta destituisaun atu halo mudansa ba meja Parlamentu Nasionál (PN), maibé PPN rasik rejeita karta refere, tanba laiha baze fundamentu.

“Maske bankada 3 hatama ona karta destituisaun no PPN halo ona rejeisaun, tanba laiha baze fundamentu, maibé seidauk realiza konferénsia ruma. Bankada 3 tenke formaliza, hatudu ba ema hotu ami hamutuk ona, ami-nia komprimísu ba ida ne’e hodi hato’o ba Prezidente Repúblika (PR) simu ona indijita Primeiru Ministru (PM) ita hatene prontu forma Governu. Tanba bainhira atu forma Governu presiza bloku ida fó apoiu husi bloku ka koligasaun ida tenke fó apoiu, kuandu mai hanesan ne’e ona PPN sei la ulun fatuk moras, tanba legal ona tenke marka loron ba eleisaun, sé mak manan hamri’ik fo parabens hotu ona”, tenik Xefe bankada CNRT ne’e.

Nia subliña mós katak, sé Vise PPN na’in rua (2) obrigatóriu diriji meja, ne’e signifika obriga-an de’it, tanba la tuir dalan.

Lee hotu :   PN husu Governu partisipa iha diskusaun proposta OJE 2020

Entretantu kona-bá mudansa ba meja PN tenke liu husi dalan legál, la’ós foin hasoru malu, kaer liman ezije halo mudansa ba meja PN, ne’e labele.

Antes ne’e, iha loron 5, fulan ne’e, deputadu sira husi bankada 3 (FRETILIN, PLP no KHUNTO) haruka ona karta destituisaun ba PPN atu halo mundansa ba meja PN, maibé iha loron 11, fulan ne’e, PPN, Arão Noe rejeita karta destituisaun no husi bankada 3 mós aprezenta kedas karta insiste.ety

 

Add to Comments Here!!!!

error: Content is protected.
Secured By miniOrange
You might also like:
Dadus COVID-19 iha Timor Leste, 13 Maiu 2020

AETL husu Governu valoriza enfermeiru sira

Associação dos Enfermeiros de Timor-Leste (AETL)...

MP prontu elabora projetu lei sibernétiku

Prokuradór Jerál Repúblika (PJR), José da...

Close