JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNRT: FRETILIN “kán” ukun forma de’it IX Governu ■ Meza kinta lejislatura mudansa bainhira iha Governu foun

CNRT: FRETILIN “kán” ukun forma de’it IX Governu  ■ Meza kinta lejislatura mudansa bainhira iha Governu foun

Vise xefe bankada CNRT, deputadu Patrocinio Fernandes, deklara, partidu FRETILIN laiha dalan atu envolve iha VIII Governu ne’ebé hahoris hosi CNRT, PLP no KHUNTO rasik nu’udar maioria liu hosi koligasaun pre-eleitoral Aliansa Mudansa ba Progresu (AMP) iha Eleisaun Antesipada (EA) 2018, iha ne’ebé FRETILIN rasik sai opozisaun iha PN.

Tuir deputadu CNRT ne’e, FRETILIN bele iha dalan, bainhira forma koligasaun foun no hahoris IX governu, maibe la’os oitavu governu.

“ FRETILIN kuandu hakarak atu ba ukun, ne’e tenke ba halo koligasaun foun ida, para depois forma Nono Governu, FRETILIN laiha dalan atu tama ba VIII Governu, ne’e hanensan ema haksoit hosi lutu kotuk ba tama ema nia dapur laran, atu buka ema nia etu siin, ne’e laiha dalan. Ba ha’u haree katak destituisaun ne’e baze fundamental laiha, ha’u mós lee hotu sira (FRETILIN, PLP ho KHUNTO) nia rekerimentu ne’e, halo de’it observasaun, ne’e laiha baze fundamental ida, nem legal, maibe ida ne’e hanesan ambisaun ida para halo asaltu de poder. Rejimentu PN mos la fó dalan ba vise atu ajenda, bainhira laiha autorizasaun, karik bainhira akontese, ida ne’e mak dehan asaltu de poder.”hateten deputadu Patrocinio Fernandes ba jornalista sira iha PN, Sesta(08/05/2020).

Kona-bá destituisaun ne’ebé aprezenta hosi bankada FRETILIN, PLP ho KHUNTO, deputadu CNRT ne’e prefere rejeita destituisaun ne’e, tanba konsidera, laiha razaun fundamental ruma atu bele ajenda ba plenária.

Nia mós kompara katak, situasaun iha kuarta lejislatura 2017 grave liu duke agora, tanba FRETILIN hamoris governu ne’ebé ho minoritáriu.

“ Agora funsionamentu PN la’o hela, prosesu administrasaun mós la’o normal hela, maibe atu EA ka lae ne’e kompetensia PR nian, se mak iha kompetensia ne’e PR mak iha kompetensia bele dekreta ba EA ka lae?, tanba ami deputadu sira mós lor-loron mai iha ne’e hala’o hela nia funsaun. Kona-bá destituisaun, iha sira nia rekerimentu hateten loron lima, maibe PPN iha direitu tomak atu estuda hodi haree katak rekerimentu  ne’e iha ninia baze fundamental ruma ka la’e? se iha baze fundamental ruma, PPN sei estuda, depois mak sei haree, depois fó resposta. Se laiha baze fundamental ruma, ne’e di’ak liu Prezidente PN rejeita tiha, indefere tiha de’it rekerimentu ida ne’e. Tanba referensia iha 2017, iha fulan Janeiru, iha mós deputadu sira husi opozisaun nian, CNRT, PLP ho KHUNTO rasik hatama mós rekerimentu destituisaun ida, ba iha Prezidente Aniceto Guterres, eis Prezidente ne’ebé mak agora sai mós proponente ne’e, maibe to’o tiha mandatu termina mós la ajenda ida, la’os de’it loron lima, ita kompara fulan hira kedas ne’e, la ajenda laiha problema ida.”dehan Patrocino Fernandes.

Lee hotu :   Alkatiri konsidera mosaun sensura “kadaluwrsa” Governu fó apoiu tomak Xanana lidera FM

“Situasaun ne’e lahanesan duni, tanba AMP ida uluk kuandu hatama rekerimentu atu destitui PPN, tanba iha baze fundamental ne’e mak nia iha governu ida minoritáriu, ne’ebé mak la priense konstitusional, maibe Prezidente Repúblika obriga, tenke forma governu ida, lori programa mai, ne’ebé la hetan viabilizasaun hosi PN, nia faktus mak nia programa rejeitadu, tuir fali aprezenta tan proposta orsamentu retifikativu, maibe orsamentu ne’e mós rejeitadu tan, governu ne’e monu tiha, maibe nia lakohi simu realidade ida ne’e katak monu, entaun deputadu sira hatama proposta mosaun sensura, maibe Prezidente PN la ajenda ida ne’e, ho razaun fundamental ida ne’e mak uluk deputadu opozisaun sira hatama destituisaun ba PPN. Situasaun ne’e lahanesan, uluk razaun tanba  governu minoritáriu ne’e ita nia KRDTL la fó dalan. Maibe ohin loron governu ida VIII Governu ne’e, priense rekezitus konstitusional, ne’ebé mak CNRT mós mak hahoris, tanba meja PN ne’e refleta ba governu ida AMP ne’ebé forma husi Aliansa Mudansa ba Progresu ninian, maibe kuandu to’o mai iha 2020 orsamentu 2020 nian xumba tiha, ne’e hatudu katak PN ne’e lakon ona nia konfiansa ba governu, no governu ne’e lahetan ona nia lejitimidade polítika, lakon ona konfiansa governu ne’e monu, loloos ne’e kompetensia Prezidente PN ninian atu demite governu, ne’eduni laiha fatin atu halo destituisaun ba meja.”tenik Patrocino Fernandes.

Líder bankada CNRT ne’e mós afirma, lista kandidatu membru governu na’in 6 hosi FRETILIN ne’ebé  Primeiru Ministru aprezenta ba PR, hanesan aktu inkonstitusional, tanba governu da-ualu ne’e forma hosi partidu CNRT, PLP ho KHUNTO de’it.

“Ida ne’e aktu de inkonstitusional, tanba hafoin eleisaun ne’e, FRETILIN nia pozisaun ne’e opozisaun iha PN, agora dalan husi ne’ebé mak nia atu ba hola parte iha governu da-ualu ne’e? Tanba VIII governu ne’e hanesan sasán ida Aliansa Mudansa ba Progresu nian, iha ne’ebé CNRT rasik mak maioria iha ne’ebá, FRETILIN tama hosi ne’ebé mak atu ba iha ne’ebá? Problema ketak ida, bainhira halo koligasaun foun ida mak hodi forma governu foun, maibe atu tama mai iha VIII Governu, FRETILIN laiha dalan. Depois ita sei haree, tanba ami deputadu CNRT na’in 10 foin lori prosesu ida ba Tribunal, órgaun kompetente mak sei haree ida-ida nia servisu, buat sira lei nian husik Tribunal mak sei deside, ami obrigasaun atu husu ba Tribunal kona-bá aktus sira ne’e, ”tenik polítiku ne’e.

Lee hotu :   Taka fronteira terrestre, Sahat Sitorus: Sei fó impaktu ba ekonomia Timor-Leste

Iha sorin seluk,  xefe bankada PD, deputadu António da Conceição Kalohan, reforsa katak, Meza Parlamentu Nasionál kinta lejislatura mak hahoris VIII Governu, tanba ne’e labele halo mudansa ba meza, bainhira governu sei mantein ho VIII Governu la’os nono governu.

“Ha’u mai fó hanoin mós ba PPN katak meja ida ne’e mak hahoris governu, no Governu ida ne’e sei VIII Governu, signifika legalidade ba meja nian ne’e tenke iha lai, ha’u mós mai fó hanoin hanesan deputadu, bankada ida ne’ebé mak durante ne’e fó a favór ba VIII Governu. Agora dadaun ne’e meja kompostu husi Prezidente husi CNRT, vise rua, ida hosi PLP no ida hosi KHUNTO, ho nia sekretária ida hosi CNRT no vise nain rua ida FM no ida PLP, se hanoin atu sobu, signifika iha ona hanoin ida iha governu foun karik, maibe ne’e mós presiza pronunsiamentu ida mai hosi Preizdente Repúblika, ne’e para ami bele hatene katak planu ba nono governu ninian, ida ne’e sei fó dalan fasilmente atu ko’alia kona-bá meza, la’os destituisaun de’it ona, maibe mós pasajen husi VIII Governu ba nono governu.”subliña Kalohan.

Relasiona ho asuntu ne’e, GMN tenta konfirma ho xefe bankada ho vise bankada FRETILIN, maibé, polítiku ne’e la marka prezensa iha parlamentu nasionál, tanba ne’e, GMN mós tenta konfirma ho deputadu FRETILIN balun, maibé responde katak, xefe bankada mak iha kompeténsia atu koalia.

Entretantu pedidu destituisaun ne’e, aprezenta hosi bankada FRETILIN, PLP ho KHUNTO, iha loron 05, fulan Maiu ne’e, ho determinasaun tempu loron lima ba Prezidente atu ajenda, maibé atual Prezidente Parlamentu Nasionál, Arão Noe Amaral, hateten, nia parte sei estuda antes foti desizaun atu ajenda ka la’e.Say

Add to Comments Here!!!!

error: Content is protected.
Secured By miniOrange
You might also like:
Situasaun Nasional Kazu COVID-19, dia 8 de Maiu 2020

Paixão aseita subsídiu ba seguransa USD15 kada loron

Ministru Defesa no Interior (MDI) interinu,...

DNTT-PNTL reativa fali sirkulasaun transporte públiku

Atu reativa movimentasaun transporte públiku iha...

Close