JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNRT konsidera PD–KHUNTO trai koligasaun foun

CNRT konsidera PD–KHUNTO trai koligasaun foun

Bankada CNRT iha uma fukun Parlamentu Nasionál (PN) konsidera Partido Democrático (PD) ho partidu KHUNTO trai koligasaun foun   ne’ebé forma husi partidu nen (6) hanesan CNRT, PD, KHUNTO, PUDD, UDT/Frente Mudansa (FM).

Vise Xefe bankada CNRT, Patrocínio Fernandes, hateten, razaun CNRT konsidera partidu rua ne’e halo traisaun, tanba hafoin KHUNTO retira, kontinua kedas ho PD mós retira husi koligasaun.

“Sé mak halo traisaun ba koligasaun própriu partidu rua ne’e rasik mak halo traisaun ba koligasaun foun, hodi labele priense rekezitu maioria parlamentár, ita atu ko’alia saída, maibé ida ne’e mak polítika, ita haree tuir lei no orientasaun husi Xefe Estadu ni’an, ha’u dehan emtermus jurídiku sei vinkula, tanba konjuntura polítika foun ema hotu haree laiha problema”, Vise Xefe bankada CNRT ne’e ba jornalista sira iha PN, Kinta  (28-05-2020).

Ho desizaun PD ni’an ne’e, Patrocínio subliña katak, PD la valoriza ona valor demokrátiku ne’ebé iha ninia partidu laran, dezisaun ne’ebé mai husi konferénsia, maibé partidu rasik invalida desizaun husi konferénsia.

Nia parte mós husu ba PD tenke defende prinsípiu demokrátiku, tanba teoria ne’e tenke tau iha prátika, ho nune’e, bele eduka jerasaun foun sira.

Hatán ba kestaun ne’e, Prezidente PD, Mariano Assanami Sabino, hateten, PD la’ós kontribui trai koligasaun foun, maibé koligasaun foun ne’e mak la priense ona rekezitu maioria parlamentár.

“Hanoin liafuan ne’e la merese, ha’u atu dehan de’it ba inan-aman no povu tomak komprende, PD sempre firme iha koligasaun hahú kedas iha tinan 2001 to’o 2007, ami hamutuk hodi ko’alia saída mak importante, hafoin partidu KHUNTO sees husi koligasaun la priense ona rekezitu hanesan maioria parlamentár, tanba ne’e mak tribunál rekoñese la priense ona rekezitu, PD ba ho prinsípiu atu hakotu impase, normaliza ekonómia komunikasaun polítika relasaun instituisaun demokrátiku sira, asegura nafatin paz no estabilidade, garante povu nia hakmatek, ida ne’e mak razaun ami buka, nune’e koligasaun la priense ona, ami fó apoiu governasaun maioria ne’ebé mak sei mai, hodi kaer nafatin prinsípiu ”, tenik Assanami.

Lee hotu :   Estende ka termina mandatu iha RAEOA, Alkatiri: Governu seidauk kontaktu ha’u

Vise Prezidente PN, Luis Roberto, dezkonkorda ho deklarasaun bankada CNRT dehan KHUNTO kontribui trai koligasaun foun, tanba KHUNTO sai husi koligasaun atu viabiliza VIII Governu, hodi hakotu impase polítiku no kumpre nia mandatu ukun to’o tinan lima (5).

“Kuandu partidu ki’ik hakmatek iha koligasaun tenke kria kondisaun mak saída, partidu ki’ik labele hanorin partidu boot sira, sé partidu boot la kria kondisaun di’ak, partidu buka dalan hala’i sai, labele fó todan ba partidu ki’ik sira. Tanba ne’e, husu partidu boot sira atu halo reflesaun ba sira-nia-an, labele fó todan ba partidu ki’ik sira”, subliña Luis.

Koligasaun foun ne’ebé kompostu husi partidu 6, forma iha loron 22, fulan Fevereiru, tinan ne’e no lidera husi partidu CNRT. Maibé koligasaun ne’e naksobu tiha iha tempu ne’ebé KHUNTO ho PD ba fó apoiu fali bankada maioria parlamentár iha loron 19, fulan Maiu, iha PN, hodi hili Prezidente  PN foun, Aniceto Guterres Lopes, ne’ebé mai husi bankada FRETILIN. ety

Add to Comments Here!!!!

error: Content is protected.
Secured By miniOrange
You might also like:
Rui rejeita fó komentáriu konfrontu ho SekJer FRETILIN

Eis Primeiru Ministru (PM), Rui Maria...

CNRT : PR atinji ona objetivu envolve FRETILIN iha VIII Governu

Partidu CNRT deklara, Prezidente Repúblika (PR),...

CNRT lamenta PM Taur deklara “povu hamlaha, Governu mak sala”

Vise Xefe Bankada CNRT, Patrocinio Fernandes,...

Close