JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNRT la hakfodak ho lista membru Governu ne’ebé PM aprezenta

CNRT la hakfodak ho lista membru Governu ne’ebé PM aprezenta

Vise Prezidente  partidu CNRT,  Virgílio  Smith, deklara, CNRT la hakfodak  liu ho lista membru Governu ne’ebé Primeiru  Ministru  (PM), Taur Matan Ruak aprezenta ba Prezidente Repúblika (PR), Francisco Guterres “Lú Olo”   atu  kompleta estrutura VIII Governu Konstituisionál.

“Ba membru CNRT ne’ebé  PR lakohi nomeia no la fó pose ho razaun katak iha kazu pendentes iha tribunál no la tuir “perfile”. Iha reuniaun komisaun diretiva Aliansa Maioria Parlamentár (AMP) iha tinan 2018 ho 2019, bainhira husu kona-bá problema PR la nomeia no la fó pose, PM hatán hela de’it “ha’u baku meza, “ha’u baku meza” kala to’o liman moras  tiha hodi PM nono’ok de’it ona. Tanba ho presedente ida ne’e, lista tui-tuir malu nebé simu husi PM PR mak sei haruka ka haruka tiha ona ba Ministério Públiku no Tribunal atu konfirma sira iha kazu pendente ka la’e, sé sira halo duni ne’e violasaun boot ba konstituisaun no Kódigu Prosesu Penal”, Vise Prezidente CNRT ne’e liu husi konferénsia imprensa iha sede nasionál CNRT, Bairo dos Grilhos-Díli, Segunda (11-05-2020).

Virgílio Smith haktuir, CNRT la hakfodak bainhira pasta ka fatin sira ne’ebé dezde uluk kedas, iha fulan Juñu, tinan 2018 pertense por direitu ba membru CNRT, maibé ohin loron tenke ba fali membru Governu foun husi koligasaun foun PLP FRETILIN no KHUNTO ne’ebé hakarak nafatin iha Governu to’o mandatu  tinan 2023.

“Agora ita mós hein oinsá mak PM no PR sei haree mós ba kestaun perfile   husi ema sira iha lista, tantu FRETILIN ni’an como KHUNTO ni’an, atu halo parte iha Governu foun ne’e, hodi haree ba manobra no aranju polítiku sira ne’e hotu husi partidu tolu (3) mak hanesan partidu istóriku FRETILIN, PLP no KHUNTO. Tanba ne’e, iha loron 30, fulan Abril, komisaun polítika partidu CNRT realiza ninia reuniaun hodi buka tau hamutuk hanoin atu responde ba situasaun ne’e. Iha loron 8, fulan Maiu, Sesta kotuk, komisaun polítika nasionál partidu reúni pela segunda vez,  atu aborda asuntu ida, ne’e duni no reafirma desizaun ne’ebé hasa’i tiha ona iha loron 30, fulan Abril”, hateten Vise Prezidente CNRT ne’e.

Lee hotu :   Laiha distansiamentu sosiál, PN husu Governu halo limitasaun ba ema tama iha FT

Nia akresenta, husi faktu ne’e, PLP ho KHUNTO de’it mak mantein hela iha Governu, ​​partidu rua ne’eiha de’it deputadu 13 ne’ebé la reprezenta maioria iha Parlamentu Nasionál (PN).

“Hatene katak partidu istóriku FRETILIN sei fó apoiu, tanba haruka ona lista partidu ba membru Governu tuir plataforma intendimentu ne’ebé asina ho PLP, konstituisaun dehan iha artigu 85º katak “PR nomeia no fó pose ba PM ne’ebé indijitadu husi partidu ou husi aliansa partidu ho maioria parlamentár ne’e katak, partidu FRETILIN tenke tama iha koligasaun foun ho PLP no KHUNTO, tanba, CNRT sai tiha ona husi VIII Governu PLP ho KHUNTO ho de’it deputadu 13, la reprezenta legalmente “maioria parlamentar. “Plataforma de entendimento” bele funsiona hanesan “Governu de inkluzaun”, hanesan ida ne’ebé CNRT halo iha tinan 2015, maibé VI Governu rasik iha ninia “maioria parlamentár”, tanba bankada FRETILIN sai nafatin opozisaun iha VI Governu, tan ne’e, labele uza “plataforma entendimentu” hanesan dalan ida atu FRETILIN tama iha Governu husi odamatan kotuk, tanba Governu agora ne’e legal no konstitusionalmente, lakon tiha ona “maioria parlamentár”, tanba partidu CNRT sai tiha ona. Governu foun ne’ebé mai ne’e la’ós ona VIII Governu, no konstitusionalmente tenke iha reprezentatividade legál iha PN”.

“Ho  nune’e CNRT hein katak, iha tempu badak Partidu 3 sei hala’o ida-idak nia konferénsia nasional atu aprova tama iha Koligasaun foun ida, ho definisaun klara kona-bá koligasaun ne’e nia ámbitu (ka, iha sirkunstânisa sáida) ho ninia finalidade (ka, ho fim sáida), tuir artigu 9º, lei dos Partidos Políticos ne’ebé temi tiha ona no PR hatene hela. Ikus liu, CNRT atentu hela ba manobra polítika sira ne’e, tanba PR iha tinan 2017 la ezije ba VII Governu ne’ebé nia fó pose atu tuir rekízitu husi artigo 9º da lei partidos Políticos no bele akontese fali agora, hodi permite fila-fali atu FRETILIN tama iha Governu, sein presiza konferénsia, nune’e mós PLP ho Khunto, ho razaun katak sira iha ona Governu laran” ”, tenik Virgílio.

Lee hotu :   Posibilidade CNRT sei envolve iha Governu foun

Nia subliña, Governu ne’ebé sei mosu labele hanaran VIII Governu, tanba CNRT ho kadeira 21 iha maioria parlamentár sai tiha ona, nune’e Governu foun ne’e tenke mosu husi koligasaun foun ida atu bele sai IX Governu.

Aktu ida ne’e bele akontese, wainhira PM husu demisaun nu’udár PM VIII Governu ni’an, hodi koligasaun husi partidu 3 (PLP, KHUNTO ho FRETILIN) bele indijita fali, para nune’e, bele toma pose nu’udár PM IX Governu.

Entretantu  PM, Taur Matan Ruak aprezenta ona ba Xefe Estadu lista membru Governu foun na’in lima (5), husi partidu FRETILIN mak Ministra Saúde (MS), Odete Maria Freitas Belo, Vise Ministra Turísmo Comérsio Indústria (MTCI), Inácia Teixeira, Ministru Administrasaun Estatal (MAE), Faustino Cardoso, Ministru Turísmo Comérsio Indústria (MTCI), Manuel Vong no Ministru Finansas (MF), Fernando Hanjam no Meta Malik husi PD, ne’ebé sei asume kargu Ministru Antigu Kombatente Libertasaun Nasionál. ety

Add to Comments Here!!!!

error: Content is protected.
Secured By miniOrange
You might also like:
TDD kontinua halo julgamentu ba kazu omisídiu agravadu iha Leorema

Tribunal Distrital Díli (TTD) kontinua halo...

COVID-19 TL : 6 aktivu, 117 hein rezultadu

Sentru Integradu Jestaun Krize (SIJK) konfirma...

Durante EE aktividade SMN suspende

Durante implementasaun Estadu Emerjénsia (EE) Departamentu...

Close