JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ekipa advogadu entrega ona karta petisaun ba TR kontra Lú Olo

Ekipa advogadu entrega ona karta petisaun ba TR kontra Lú Olo

Ekipa Advogadu ne’ebé lídera husi Manuel Tilman, iha Tersa (5/5/2020), entrega ona karta petisaun husi deputadu 18 husi Partidu Congresso Nacional de Reconstrução Timorense (CNRT) ba Tribunal Rekursu (TR) hodi husu tribunal apresia ka halo fiskalizasaun abstrata ba aktu Prezidente Repúblika (PR), Francisco Guterres Lú Olo nian, ne’ebé partidu CNRT haree viola Konstituisaun Repúblika Demokrátika Timor-Leste (KRDTL).

“Ami-nia prezensa iha Tribunal Rekursu, tuir saida mak konstituisaun hatete, señor Prezidente Repúblika tuir nia tomada de posse nia iha juramentu ida, kumpri konstituisaun, ita hotu  hatene iha rai ida ne’e maun bo’ot Xanana Gusmão mak lori ita husi rezisténsia to’o independensia, hodi funda estabelese Repúblika Demokrátika Timor Leste. Iha demokrasia hotu-hotu tenki kumpri lei, hahú uluk husi Prezidente Repúblika”,dehan Manuel Tilman ba Jornalista sira hafoin entrega tiha petisaun ba Tribunal Rekursu, ne’ebé akompañadu husi  reprezentante partidu CNRT, UDT, PUDD no seluk tan.

Nia afirma, sira entende katak aktu barak ohin loron Prezidente Repúblika halo ne’e mak por emisaun seidauk responde ba konstituisaun.

“Ida mak konstituisaun iha aliñea F 86 dehan katak kuandu la aprova orsamentu Jeral Estadu liu loron 60 Prezidente tenke disolve Parlamentu Nasional, ida ne’e Prezidente la halo, ne’e duni la kumpri. Ida seluk tuir artigu 106 iha konstituisaun katak indijitasaun ba Primeiru Ministru tuir eleisaun se mak manan nia mak indijita, iha indijitasaun Primeiru Ministru Oitavu Governu, iha koligasaun naran AMP, manan eleisaun ho votu barak, deputadu barak no indijita Taur Matan Ruak ba Primeiru Ministru, ne’e duni tuir konstituisaun nia la iha ona maioria iha Parlamentu no nia rasik husu tiha demisaun to’o ohin loron la iha resposta husi Prezidente Repúblika, katak simu ka lasimu. Loron 30 ba Tribunal para apresia petisaun ne’e, karik Tribunal Rekursu konsidera Prezidente Repúblika viola duni normas konstitusionais sei hakat fali ba buat ida impeachment ka destituisaun ida ne’e mak sei iha dois tersu Parlamentu Nasional, agora la presiza dois tersu Parlamentu Nasional aprova, agora ami inisia prosesu liu husi tribunal um quinto deputadus, um quinto coreponde a quinze, maibe ami ohin loron iha 18”, realsa advogadu senior Manuel Tilman ne’ebé iha esperiénsia maka’as iha Portugal tinan barak nia laran kona ba judisiáriu ninian.

Lee hotu :   CNRT husu Governu labele partidariza F-FDTL ho PNTL

Advogadu ne’e subliña, Tribunal Rekursu mak sei anunsia, katak ida ne’e atu husu ba Tribunal Rekursu hodi apresia, aktu ne’e la’os ida deit, maibe rua tolu ka haat kona-ba “manobra” Prezidente nian.

“Ne’ebé  Prezidente dehan ba estuda, ba estuda hela to’o ohin loron, no povu la’os hein hamlaha mate didiak, seidauk iha orsamentu no Prezidente ba estuda hela. Iha rai ida ne’e aktu hotu-hotu, Prezidente nian ka Primeiru Ministru nian iha prazu, tanba povu iha nezesidade. Tanba ne’e deputadu sira mai husu tribunal atu apresia aktu Prezidente ne’ebé ida la nomeia oitu ou nove proposta sidadaun desta terra, ne’ebé seidauk hetan prosesu ida, sira iha direitu nomeadu ba postu públiku, no Prezidente la justifika, ida ne’e mak Tribunal Rekursu sei ba verifika se iha duni responsabilidade kriminal iha ne’e ka lae? Ami la’os dehan atu kondena fali Prezidente Repúblika, atu kondena Prezidente Repúblika tenke iha dois tersu do Parlamentu Nasional, ne’e mak ami hein katak, se Tribunal Rekursu konsidera iha duni kulpa violasaun ba konstituisaun, ami sei mai fali ho prosesu ida seluk hodi bele hahú prosesu ida impeachment ne’e mak ami presiza dois tersu deputadu”,tenik Manuel Tilman.

Manuel Tilman akresenta, Tribunal iha tempu loron tolu nulu atu halo apresiasaun ba petisaun refere.Oly

 

Add to Comments Here!!!!

error: Content is protected.
Secured By miniOrange
You might also like:
DOT ba maiu USD tokon 122.228

Konsellu Ministru (KM), aprova dotasaun orasamentu...

FONGTIL: Implementasaun EE fó impaktu ba vida traballadór doméstika

Konsellu Forum Organizasaun Naun Governamentál Timor-Leste...

Governu aprova subsídiu ba ekipa liña frente USD 25.00

Governu liu husi Konsellu Ministru (KM)...

Close