Governu la valoriza servisu ekipa liña frente

Kordenadór Kuarentena Hotel Novo Horezonte, Evaristo Soares, deklara, desizaun Konsellu Ministru, ne’ebé fó sai montante fíksu, apoiu  Subsídiu ba Frontline sira, halo sira la konkorda, tanba konsidera governu la valóriza tuir sira nia servisu durante ne’e.

“Hau hakarak hato’o deit, lori médiku sira nia naran ka profisionais saúde, seguransa, PNTL,F-FDTL, instituisaun relevante, ami ladun satisfaz ba desizaun ne’ebé hasai husi Konsellu Ministru,liu-liu dadus ne’ebé ministru saúde ne’eba ami bele dehan ida ne’e la valoriza, ema nia servisu hanesan dereitus umanus la valorize ida, tanba ita haree ba realiadade katak, servisu ida agora ne’e, ema mai atu fó an ba mate, servisu tanba dever,forsa dadaun dever profesionais, i kumpri vokasaun ne’ebe ami hili ona maibé ikus mai valorize ami nia servisu la tuir ida ne’ebé ami servisu,” afirma, Evaristo Soares ba Jornalista, Kinta(6/05/2020),iha Hotel Horezonte Metiaut-Dili.

Evaristo hatutan nudar Ofisiál Gabinete Garante Kualidade Saúde hato’o mos preokupasaun hanesan hodi dehan, subsídiu ne’ebé sira hetan, kompara ho situasaun normal, kuandu halo viajen dala ida ba munisípiu, hetan dolar amerika hatnulu ba leten, maibé iha situasaun COVID-19, subsídiu ne’ebé sira hetan ne’e ki’ik liu fali.

“Ami lamenta teb-tebes ho situasaun  ida ne’e, tanba-sa, sé situasaun normal deit ema ida viajen ba distritu loron ida 40 ate 60 dolar, iha situasaun ida defisil wainhira pandemia mosu iha Timor mosu iha mundu tomak,ne’ebé ema Rihun ba Rihun tenki sai vítima, hasai sira nia vida, ita iha ne’e mós ema barak tauk, maibé ami prontu nafatin, hamri’ik iha liña oin,”dehan, Evaristo Soares.

Evaristo mos deklara, oras ne’e dadaun ema balun ne’ebé servisu iha Frontline, haruka ona karta ba iha Ministériu Saúde no la kleur tan, ba iha Konsellu Ministru, bele mós to’o iha Parlamentu Nasionál.Jen

Leave a Reply

Your email address will not be published. Required fields are marked *