JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Jurista Júlio Crispim: Laiha dalan legál mantein VIII Governu

Jurista Júlio Crispim: Laiha dalan legál mantein VIII Governu

Jurista Julio Crispim, deklara, laiha dalan legál tuir konstituisaun RDTL atu mantein VIII Governu ne’ebé lídera husi Primeiru Ministru, Taur Matan Ruak, tanba laiha dalan atu lori Orsamentu Jeral Estadu ba Parlamentu Nasional iha tinan 2020 ne’e  no mos tinan 2021 oin mai.

“Ita-nia problema la’os atu sai Primeiru Ministru ka sai ministru iha governu, ita nia problema ne’e atu rezolve orsamentu jeral estadu, ba povu nia interese no ba estadu nia vida, ida ne’e mak estadu tenki iha tinan tinan tenki iha orsamentu jeral Estadu bazeia  ba prinsipiu anualidade orsamentu jeral estadu”,dehan Jurista Julio Crispim ba Jornalista GMN Kinta (30/04/2020), iha Bebora Díli.

Nia afirma, “Tanbasa  agora ne’e iha tinan 2020 seidauk iha orsamentu jeral estadu, ita uza ona osan, osan ida uza ne’e atu tama ba iha lei ida ne’ebé? Lei 2019 ? ne’e la bele,  uza deit osan ida ne’e, maibe nia enkuadramentu legal la bele tama ba iha orsamentu jeral estadu 2019, ba orsamentu jeral 2021 mos la bele, viola nafatin prinsipiu anualidade, entaun 2020 tenke  iha orsamentu jeral estadu atu bele sustensa vida estadu no iha enkuadramentu jeral iha ninia lei rasik. Ida ne’e atu iha oitavu governu nia la bele hatama propostalei orsamentu do estadu ba Parlamentu Nasional iha sesaun lejislativa ida ne’e no mos sesaun lejislativa ida tuir mai bazea ba artigu 97 numeru 4, tanba orsamentu ne’e la votada iha Parlamentu Nasional, tanba ne’e Oitavu Governu la bele hatam fila fali, atu iha orsamentu jeral estadu artigu 97 numeru 5 tenki halo kaduka uluk lai proposta lei ne’ebé mak la votada ne’e, atu halo kaduka orsamentu ne’ebé la votada ne’e iha artigu 97 numeru 5 tenki haruka iha demisaun do governu” esplika Júlio Crispim.

Lee hotu :   Ramos Horta: Laiha pena de morte, droga kontinua tama TL

Nia fundamenta,  VIII Governu mos laiha fatin para halo remodelasaun.

“Governu ida ne’e atu iha remodelasaun mos labele, remodelasaun ne’e governu mantein, membru governu sira mak troka ne’e mak remodelasaun. Maibe ida ne’e la’os problema remodelasaun, ida ne’e problema governu ne’e rasik, la’os membru governu ou titular sira ne’e lae, oitavu governu  ne’e mak iha problema.

“Problema ne’e la’o Primeiru Ministru mak hatama orsamentu Estadu, problema mak oitavu governu la bele hatama Orsamentu  Jeral Estadu, dalan mak ne’e agora tanba iha ona maioria Parlamentar sira hahú ona altera meza Parlamentu hodi justifika ba Prezidente katak maioria Parlamentar, presiza ona halo demisaun governu da-ualu, la presiza mosaun sensura, Primeiru Ministru Taur Matan Ruak bele hatama fali nia rezignasaun foun husi ida ne’e Prezidente aseita no iha ona demisaun governu, mak permite FRETILIN, KHUNTO, PLP bele forma fali ona governu, mak dalan ida konstitusionál no legál”,hakotu Jurista Júlio Crispim.Oly

 

Add to Comments Here!!!!

error: Content is protected.
Secured By miniOrange
You might also like:
PNTL seidauk simu regras Estadu Emerjénsia segunda faze

Polísia Nasionál Timor-Leste (PNTL) seidauk ezekuta...

Asosiasaun Motorista Transporte Publiku halo protesta hasoru MSSI

Asosiasaun Motorista Transporte Publiku halo protesta...

Kazu oknum Polísia ameasa Naimori iha prosesu investigasaun

Kazu ne’ebé mak deskonfia  oknum  Polísia...

Close