JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Jurista Júlio Crispim: Maioria deputadu labele hadau poder PPN, ne’e koasaun

Jurista Júlio Crispim: Maioria deputadu labele hadau poder PPN, ne’e koasaun

Jurista Timor-Oan Padre Júlio Crispim hateten, deputadu sira husi bankada maioria iha Parlamentu Nasional hanesan FRETILIN, PLP ho KHUNTO laiha direitu hodi hadau poder Prezidente Parlamentu Nasional nian, tanbá ida ne’e konsidera halo koasaun hasoru orgaun soberania ida hanesan Parlamentu Nasional.

 “Obriga ne’e bolu naran koasaun moral ho koasaun fízika ida ne’e lei proibidu, polítika ne’e labele uza koasaun uza razaun, vise labele ba kuandu prezidente iha hela Parlamentu Nasional ne’eba so nia falta ou impedimentu maka foin vise sira bele troka, ida ne’e koasaun ne’ebé Prezidente Parlamentu Nasionál bele husu klarifikasaun husi prezidente ate halo kondenasaun ne’e krime bele husu kondenasaun sira ne’ebé halo koasaun fízika no moral ba prezidente parlamentu,” dehan Padre Júlio Crispim iha GMN Bebora, Kinta (07/05/2020).

Nia esplika, membru parlamentu no líder bankada sira iha devér hodi kumpri regra interna iha Parlamentu Nasional no wainhira foti asaun ruma hasoru Prezidente Parlamentu Nasional tenke iha razaun fundamental no lori evidensia ruma no prova para lori ba debate hodi halo destituisaun.

 “Ne’e órgaun soberania la’os ba haliamar fali dehan  o deputadu sim senhor mais prezidente parlamentu ne’e órgaun soberania la’os ba hadau de’it líder ne’ebé mak haruka o ba tenke tuir regra tau regra iha ne’eba para ita hotu kumpri, tenke fundamenta nia razaun, razaun ne’e tenke ser devidamente no fundamentada mak foin bele halo destituisaun labale halo destituisaun arbiru , rejimentu parlamentu nasional harukla katak halo razaun devidamente fundamental, prezidente halo krime ka kontra konstituisaun nia tenke haree ninia imputabilidade ho objetiva subjetiva tenke haree ninia kulpa sujesetiva I tenke lori prova para lori ba debate hodi halo destituisaun,” dehan nia.

Jurista Julio Crispim mos dehan, VIII Governu nee iha inkapasidade polítika no jurídika, tanba neé tenke halo demisaun ba Governu nee atu bele iha Governu foun nunee bele iha orsamentu jeral estadu.

“VIII Governu ne’e nia legalidade sei iha tanba seidauk iha demisaun do Governu, prosesu ba demisaun neé too agora seidauk remata. Agora ita haree ba ninia kapasidade mak fraku liu ona. Husi 2017 mai neé membru governu mak falta, mai tan agora orsamentu jeral estadu laiha, inkapasidade ida tan, mai tan agora maioria parlamentar neébé uluk apoia VIII Governu ne’e la apoiu ona. Ita haree katak ida neé inkapasidade polítika no inkapasidade jurídika kompletu. Ne’eduni VIII Governu neé hein deit ona bainhira mak nia atu hetan demisaun do Governu. Se laiha demisaun do Governu, VIII Governu ninia membru Governu sei rezolve ho maioria parlamentar foun neébe mak mai husi FRETILIN, PLP, KHUNTO. Maibe keta haluha VIII Governu ne’e nia legalidade no lejitimidade ne’e AMP nian, maske agora laiha ona entaun mak tenke ba demisaun ba Governu atu AMP foun bele sustenta fali Governu hodi hetan fila fali membru kompletu Governu foun ne’e, governu foun bele hatama fali nia orsamentu jeral estadu, iha maioria parlamentar neébé apoiu, ida ne’e mak ita husu prosesu polítiku ne’e lao too iha demisaun do governu hodi hetan governu foun, e ita nia prezidente republika fasilita hela prosesu ne’e too iha demisaun do governu.”dehan Júlio Crispim.

Lee hotu :   STAE Oecusse simu ona material sensitivu no non sensitivu Total Eleitor hamutuk 47,240

“Ita hakarak atu priense deit membru Governu ne’ebé falta iha VIII Governu ne’’e e polítiku sira hakarak atu lori VIII Governu nee too iha too 2023, osan iha ne’ebé? Agora dadauk nee ita uza osan 2020 nian, maibe laiha kobertura legal, iha deit remisaun jurídika lei jestaun finanseira ba lei OJE 2019, katak ita aplika lei OJE 2019 ba uza osan 2020 nian, e rejime duodesimu mos haruka katak, bainhira orsamentu jeral estadu  ba ano finanseiru ida ne’e ninian iha rasik ona, osan sira ne’ebe mak ita uza iha 2020 ne’e hatama hotu ba lei orsamentu jeral 2020. Entaun se orsamentu 2020 laiha osan ida nee atu uza kobertura legal saida? Tanba orsamentu jeral estadu ne’e tenke koresponde ho prinsipiu da anualidade finanseira katak tinan-tinan tenke iha orsamentu jeral estadu ne’e iha artigu 3 lei orsamentu jestaun finanseira prevé anualidade orsamental, ne’e tenke iha. Se laiha ita viola prinsipiu anualidade orsamental ao mesmo tempo prinsipiu legalidade neébe haruka katak estadu neé subordina ba konstituisaun no lei sira, e agora orsamentu jeral estadu laiha, osan nee ita uza mos aplika fali lei 2019 oinsa mak bele halo kobertura legal ba orsamentu jeral estadu 2020? Ida nee mak problema.”dehan jurista Julio Crispim.]

“Hatama pedidu destituisaun ne’e, Prezidente Parlamentu Nasional iha kompetensia atu aseita no rejeita artigu 17 alinea D. Kuandu prezidente parlamentu nasional rejeita ona, sira labele hatam fali pedidu destituisaun iha sesaun lejislatura ida ne’e, no iha sesaun lejislatura tuir mai mak sira foin hatama.”,hatutan jurista Julio.

Jurista Julio Crispim, dehan, Prezidente Parlamentu Nsional so bele fo kompetensia ba vise PPN sira, bainhira prezidente falta ka iha impedimentu ruma.

“Wainhira prezidente parlamentu nasional la falta no laiha impedimentu ruma, marka prezensa hela deit iha parlamentu nasional, vise prezidente parlamentu nasional sira labele hola fatin prezidente ninian”,tenik tan jurista amu Julio Crispim.

Lee hotu :   PR Lú Olo: Ema interpreta konstituisaun tuir interese ParPol

Pedidu destituisaun ne’e aprezenta husi deputadu sira bankada PLP, FRETILIN ho KHUNTO, iha loron 5, fulan Maiu, tinan 2020 ne’e.

Antes nee mos bankada tolu ne’e deklara ho “ameasa” katak prezidente parlamentu nasional, Arão Noe, mak la ajenda liu loron bankada tolu nee “sei hadau deit poder” no ejize vise prezidente PN nain rua ne’ebé reprezenta husi bankada PLP ho KHUNTO hodi ajenda pedidu destituisaun ne’e.

Tuir rejimentu Parlamentu Nasionál artigu 23 alinea tolu hateten,  Vise Prezidente sira kompete dezempeña funsaun sira, reprezenta husi Parlamentu, iha ne’ebé atribui husi Prezidente ka sira ne’ebe  delega husi Prezidente.

Eis PPN Aniceto: Labele halo presaun polítika

Entretantu iha IV lejislatura ne’ebé momentu ne’eba lidera husi Prezidente Parlamentu Nasional (PPN), Aniceto Guterres (husi FRETILIN), deklara ho lian maka’as hodi husu ba bankada CNRT, PLP, no mos KHUNTO, atu labele uza presaun polítika hodi halo ajendamentu kona-ba proposta destituisaun ne’ebé hatama ona ba nia meja gabinete.

Nune’e karta destituisaun ne’ebé refere Aniceto Guterres (eis PPN/ atual deputadu FRETILIN) manda fali-fali ba Tribunal Rekursu iha dia 1 fulan dezembru tinan 2017 hodi haree nia legalidade.

“Agora ita durante ne’e ita ida-idak hasai nia interpretasaun, ita bele husu hela ba Tribunal atu deklara mos ita la husu, entaun ita lori ita nia interpretasaun halo polítika ba-mai, ba-mai de’it hanesan ne’e? Hanesan mos proposta destituisaun. Ha’u hanesan Prezidente Parlamentu hetan destituisaun hanesan ne’e, ha’u rekore ba Tribunal husu dehan ida ne’e los ka lae? Agora sira seluk dehan hakarak hatún ha’u dehan halo sala mas sira lakohi hein rajaun ida ne’e, agora ezije nafatin dehan, tenke, tenke tau! Ha’u mos sidadaun, konstituisaun fó direitu ba ha’u atu defende ha’u nia direitu. Mas kuandu iha presaun maka’as ha’u sei nafatin reziste nafatin. Ha’u dehan tiha ona ba sira ne’eb’e halo proposta destituisaun ne’e, imi bele ezije mas labele halo presaun! Tempu ba presaun ne’e hotu tiha ona. Se ezije beibeik, ha’u mos tenke reforsa, aumenta tan ha’u nia forsa para atu reziste. Iha hela Tribunal be seidauk ne’e (fó sai), ezije beibeik dehan, tenke ajenda, tenke ajenda. Tanba sira iha maioria be sira hakarak vota de’it, vota de’it ka? Ba buat seluk kala bele vota mas ba ida (destituisaun meja PN), ha’u sei la fó fatin”,dehan Aniceto Guterres.

Lee hotu :   FRETILIN LAKOHI FO BA CNRT FORMA GOVERNU

 

Rejimentu Parlamentu Nasional

Tuir rejimentu Parlamentu Nasional kona-ba kompetensia Prezidente Parlamentu Nasional nian ne’ebé fó sai ona iha Jornal da República haktuir iha Artigo 18.º (Competências do Presidente do Parlamento Nacional)

  1. 1. Compete ao Presidente quanto aos trabalhos do Parlamento: a) a) Presidir à Mesa; b) b) Marcar as sessões plenárias e fixar a ordem do dia de acordo com o disposto no Regimento, ouvida a Conferência dos Representantes das Bancadas parlamentares; c) c) Organizar as sessões plenárias; d) d) Admitir ou rejeitar os projectos e as propostas de lei ou de resolução, os projectos de deliberação e os requerimentos, uma vez verificada a sua regularidade regimental, sem prejuízo do direito de recurso para o Plenário;. e) e) Receber e encaminhar para as comissões competentes os textos dos projectos ou propostas de lei e dos tratados, assim como das petições dirigidas ao Parlamento; f) f) Manter a ordem, a disciplina e a segurança do Parlamento; REPÚBLICA DEMOCRÁTICA DE TIMOR-LESTE PARLAMENTO NACIONAL 7 g) g) Assinar as actas das sessões e os documentos expedidos em nome do Parlamento; h) h) Dar conhecimento ao Parlamento Nacional das mensagens, informações e explicações que lhe forem dirigidas; i) i) Promover a publicação dos debates e de todos os trabalhos e actos do Parlamento; j) j) Convocar e presidir à Conferência dos Representantes das Bancadas parlamentares; k) k) Exercer as demais competências que a Constituição, o Regimento e a Lei Orgânica lhe atribuem.
  2. 2. Quanto às reuniões plenárias: a) a) Presidir as reuniões plenárias, declarar a sua abertura, suspensão e encerramento e dirigir os respectivos trabalhos; b) b) Conceder a palavra aos Deputados do Parlamento e aos membros do Governo e assegurar a ordem dos debates; c) c) Conceder permissões aos Deputados para não assistir às sessões; d) d) Em geral, assegurar o cumprimento do Regimento e das deliberações do Parlamento.
  3. 3. Das decisões do Presidente cabe sempre recurso para o Plenário.
  4. 4. Quanto aos Deputados: a)Deferir os pedidos de substituição temporária; b)Receber as declarações de renúncia ao mandato de Deputado; c)Julgar as justificações de faltas apresentadas pelos Deputados.
  5. 5. Representar o Parlamento Nacional e chefiar as representações e deputações de que faça parte.

Artigo 23.º (Competência dos Vice-Presidentes)

  1. 1. Os Vice-Presidentes, rotativamente, substituirão o Presidente nas suas faltas ou impedimentos; nas faltas ou impedimentos destes, a Presidência será assumida pelo Deputado mais idoso.
  2. 2. Aos Vice-Presidentes compete fazer as leituras indispensáveis solicitadas pelo Presidente.
  3. 3. Aos Vice-Presidentes compete desempenhar as funções de representação do Parlamento em que sejam incumbidos pelo Presidente ou outras que o Presidente neles delegar.Ida/Ina

Add to Comments Here!!!!

error: Content is protected.
Secured By miniOrange
You might also like:
Dioseze tolu seidauk deside selebrasaun misa normal iha EE

Arse Bispu Metropolitanu, Dom Virgílio do...

Governu la valoriza servisu ekipa liña frente

Kordenadór Kuarentena Hotel Novo Horezonte, Evaristo...

Ema nain 80 fila ba ida-idak nia munisípiu

Okupante nain 80 ne’e fila-fali ba...

Close