JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

KHUNTO husu PM ezonera SEPS Alexandrino

KHUNTO husu PM ezonera SEPS Alexandrino

Bankada KHUNTO iha uma fukun Parlamentu Nasionál (PN) husu Primeiru Ministru (PM), Taur Matan Ruak atu ezonera Sekretáriu Estadu Protesaun Sivíl (SEPS), Alexandrino de Araújo, tanba la obedese (loyal-red) ba partidu KHUNTO.

“Ita hotu hatene partidu KHUNTO hola parte iha koligasaun Aliansa Mudansa kompete ho partidu sira seluk iha Eleisaun Antesipada (EA)  lideransa partidu KHUNTO hafoin halo avaliasaun ba konfigurasaun polítika atuál Governu daualu no rona mós ezijénsia no rekomendasaun husi estrutura munisipál sira deside atu halo mundansa no rotasaun atu reforsa desempeñu servisu no komentu polítiku atu apoiu Governu nia programa”, Xefe bankada KHUNTO, António Nobre Tilman, liu husi konferénsia imprensa iha salaun bankada KHUNTO, Tersa (26-05-2020).

Nia esplika, pedidu ezonerasaun ne’e KHUNTO haruka ona ba PM iha  Tersa, loron 26, fulan Maiu ne’e, ho razaun tanba partidu lakon ona konfiansa ba atuál SEPS no konsidera laiha ona loialidade ba partidu.

Ho razaun hirak ne’e, KHUNTO liu husi ninia bankada iha PN husu Xefe Governu, Taur Matan Ruak atu ezonera Alexandrinho de Araújo husi ninia kargu.

Dau-daun ne’e, Alexandrino de Araújo asume pasta SEPS iha estrutura VIII Governu, tanba nomeia husi KHUNTO, maibé ho pedidu ezonerasaun ne’e, KHUNTO prepara ona figura seluk atu substitui.

Relasiona ho asuntu ne’e GMN tenta konfirma ho atuál SEPS, Alexandrino de Araújo via telefone, maibé nia parte rejeita fó komentáriu, tanba okupadu ho servisu seluk.

Entretantu, membru Governu husi partidu KHUNTO  ne’ebé okupa kargu iha VIII Governu konstituisionál hanesan Ministra Solidaridade Sosiál no Inkluzaun, Armanda Berta dos Santos, Ministru Transporte no Komunikasaun, José Agostinho da Silva, Ministru Agrikultara no Peskas, Joaquim dos Santos, Vise Ministru Óbras Públika, Nicolau Lino Freitas Belo, Vise Ministru Edukasaun, João Jacarias, Sekretáriu Estadu ba Polítika Formasaun Profisionál no Empregu, Julião da Silva, Sekretáriu Estadu Terras no Properiedade, Mário Ximenes no Sekretáriu Estadu Protesaun Sivíl, Alexandrino de Araújo. ety

Lee hotu :   SEKoop entrega makina agríkolas 152 ba MOKATIL

 

Add to Comments Here!!!!

error: Content is protected.
Secured By miniOrange
You might also like:
CNRT-PD la konkorda estende EE, Prefere implementa de’it iha área fronteira

Reprezentante povu iha uma fukun Parlamentu...

KOIKA apoia USD 50.000 ba SEPS

Iha Tersa semana ne’e Sekretariu Estadu...

FM husu PNTL reforsa seguransa iha fronteira

Diretór Ezekutivu Fundasaun Mahein (FM), João...

Close