JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

KHUNTO rezigna-an tanba koligasaun foun laiha serteza

KHUNTO rezigna-an tanba koligasaun foun laiha serteza

Partidu Kmanek Haburas Unidade Nasionál  Timor Oan (KHUNTO) deklara oficialmente rezigna aa nona husi koligasaun foun, Aliansa Maioria Parlamentár (AMP) ne’ebé lidera husi partidu CNRT no envolve partidu PD, PUDD, UDT/FM inklui KHUNTO rasik, tanba konsidera koligasaun refere laiha serteza, nune’e hola pozisaun hodi kontinua fó apoiu de’it ba VIII Governu.

“ KHUNTO iha nia prinsipiu katak, atu assegura governu ida, kualker se de’it, maibe mós ita hotu tenke haree, VIII Governu sei eziste nafatin, ne’ebé parte mós husi partidu Khunto rasik, inklui prezidente Partidu Khunto rasik mós sei assume kargu hanesan membru governu, nu’udar ministra sosial,

Aleinde ne’e, desizaun mai husi Prezidente Repúblika rasik, ne’ebé mak fó fi’ar nafatin ba PM Taur Matan Ruak, hodi lidera VIII Governu to’o 2023,

Tanba iha OJE 2020, Khunto fó afavór, tanba ne’e mak hola desizaun katak, Khunto sai hosi aliadu ida ne’ebé mak forma husi maun boot Xanana,

Maun Xanana ita hotu respeita no ita hotu-hotu nia maun, no ita nia líder ne’ebé mak koñesidu teb-tebes iha mundu, no espesialmente iha TL,

Maibe ita hotu-hotu tenke haree mós ba povu ida ne’e, tanba impasse polítiku ida fó terus bebeik ba povu rasik, ita halo polítika ne’e atu assegura ita nia povu no nasaun, ita hakarak lori povu ne’e sai husi nakukun ba naroman,

Tanba ho situasaun ida ne’e mak Khunto hola pozisaun katak sai husi koligasaun, nune’e mós  seila ba partidu seluk,

Ezemplu de’it : se VIII Governu mak monu mós, hau ho hau nia kadeira lima, prontu sai opozisaun iha PN, hein de’it to’o 2023 eleisaun mai, hau seila bah o Fretilin ka PLP.

Lee hotu :   Politiku Sira Laiha Vontade Luta Ba Intrese Povu

Hau mós lakoi soran líder partidu boot sira, hanesan maun Xanana no maun Taur Matan Ruak, maun Lú Olo no Alkatiri, hau lakoi sira atu sei kotuk ba malu, hau pessoal dehan labele, hau sei assegura sira, tanba sira nia mehi mak ohin partidu hotu-hotu bele mosu iha rai ida ne’e,   no ita hot unia mehi mak atu luta ba povu ida ne’e, ho ida mak deside sai husi ne’ebá, maibe hau mo seila ba partidu seluk,

Maibe karik Fretilin mak hakarak fó apoiu ba VIII Governu, hau nia parabéns, tanba Fretilin hakarak assegura VIII Governu ne’ebé lidera husi maun Taur Matan Ruak, atu bele to’o iha 2023.

Tanba ne’e lori hau nia partidu tomak agradese wain tebes ba Fretilin, Marí Alkatiri ne’ebé mak ho nia deputadu 20 resin fó apoiu ba VIII Governu ne’e,

Maibe lasignifika hau sai husi Fretilin ba fali Fretilin, maibe tanba sira hau nia maun, líder nasaun ida ne’e, ita hotu-hotu ita tenke promove no koidadu, haree sira hanesan ita nia líder.”deklara konselleru másimu partidu Khunto ba jornalista sira, iha rezidensia konselleru másimu Khunto/ Manleuana, liuhosi konferensia da imprensa Kinta(30/04/2020).

Tuir Khunto, oitavu governu sei kontinua eziste, tanba xefe estadu seidauk fó kompetensia ba nono governu nia ezistensia.

Tanba ne’e Khunto deside kontinua apoia governu ne’ebé envolve mós membru husi Khunto, inklui prezidente partidu rasik.

“ Impasse polítiku ne’e la’os maun boot sira nia problema de’it, ita hotu-hotu nian, tanba ne’e ita hotu-hotu tenke buka solusaun, para nasaun ne’e hakamatek, povu ne’e bele livre, no povu ne’e bele buka sira nia moris lor-loron nian, para sira nia oan sira bele ba eskola no buat seluk tan.

Lee hotu :   José Luís Oliveira critica ex-ministros com funções de assessores

Iha momentu ne’ebá ita hatene VIII Governu ne’e monu ona, entaun iha aliadu foun ida lidera husi CNRT maun Xanana, para atu la’o no labele husik impasse ida ne’e, entaun buat hotu mós ita hein de’it husi PR, se PR seidauk fó ba iha Nono Governu, entaun signifika VIII Governu ne’e sei nafatin,

Ho ida ne’e, momentu ne’ebá fó afavór ba OJE, tanba ne’e Khunto tenke fó apoiu ba VIII Governu, tanba VIII Governu husi partidu tolu, CNRT, PLP no Khunto rasik, momentu ne’ebá Khunto afavór, tanba Khunto hanesan aliadu ida husi CNRT no PLP iha VIII Governu,

Entaun ami nia prinsipíu mak ida ne’e, ami seila husik VIII Governu, tanba ami nia ema iha laran, inklui ami nia prezidente partidu rasik,”dehan

Aleinde ne’e, Khunto mós apresia no kongratula Fretilin ne’ebé deklara fó apoiu ba VIII Governu ne’ebé hahoris husi CNRT, PLP no Khunto.

“ Fretilin mós halo ona sira nia deklarasaun ida katak sei fó apoiu ba VIII Governu ida ne’e, hodi assegura VIII governu ne’e to’o iha 2023, sira mós lakoi halai ba EA, no lakoi atu estraga ita nia povu, hodi ita nia povu ne’e so’e hela sira nia servisu, ne’e signfika katak ita lakon konfiansa ida husi ita nia povu rasik, ita labele fó terus ba ita nia povu, tanba ne’e mak ita hakarak eleisaun ne’e dala ida de’it, labele dala rua tolu,

Tanba ne’e mak sira (Freitlin) mós atu fó apoiu ba VIII Governu to’o mandatu ne’e remata, no PM rasik mós fó parabéns, hanesan prezidente PLP, no hau rasik mós Khunto nia fó parabéns ba iha Fretilin,

Lee hotu :   PM Alkatiri atribui deviza kapitaun ba Cristiana ho Emilia •Lori aviaun Cessna T207A ba Oecusse, Suai ho Lospalos

Maibe kualker se de’it mak hakarak fó apoiu ba VIII Governu, ne’e ami simu ho liman rua, tanba ida ne’e mak ita hotu-hotu nia hanoin, tanba di’ak ba povu no nasaun.”tenik líder Khunto ne’e.

Nune’e Khunto rasik sei halo karta ba Tribunal kona-bá pozisaun Khunto ne’ebé retira husi koligasaun foun.

“ Khunto rasik sei halo karta ruma ba Tribunal, nune’e tribunal mós bele hatene katak ami sai ona hosi koligasaun ne’e.

Tanba aliansa ida lídera husi maun Xanana ne’e seidauk hetan anunsiu desizaun husi Prezidente Repúblika , para fó ba nono governu, tanba ne’e sei fó fi’ar hela ba VIII Governu, atu rezolve COVID-19 ida ne’e, ho situasaun corona ne’e mak Khunto sei fó apoiu hela ba governu,

Maibe situasaun sira ne’e atu hakmatek, la’os ba lideransa sira mesak, maibe ita hotu-hotu tenke kontribui paz ho dame, dezenvolvimentu atu la’o di’ak ne’e presiza ema hotu-hotu ni akontribuisaun hakmatek mak estadu ne’e bele la’o di’ak, hodi haree povu nia moris, ”subliña Bucar.

Entertantu koligasaun entre partidu aliansa maioria parlamentar ne’e, ofisiliaza iha loron 22 fulan Febreiru tinan ne’e, liuhosi asina akta koligasaun hamutuk ho partidu CNRT, PD, PUDD, UDT bara Frente-mudansa, inklui Khunto rasik.Say

 

Add to Comments Here!!!!

error: Content is protected.
Secured By miniOrange
You might also like:
João Gonçalves: Governu tau atensaun ekonomia rai laran

Eis Ministru Ekonomia Timor-Leste, João Goncalves,...

Timor-oan na’in 10 livre husi COVID-19

Sidadaun Timor-oan hirak ne’e, kompostu husi...

Governu kontinua suspende atividade fronteira terréstre

Porta  Voz Sentru Integradu Jestaun Krize(SIJK),...

Close