JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Komemora aniversariu ba 46, UDT kontinua metin no hakru’uk ba K-RDTL

Komemora aniversariu ba 46, UDT kontinua metin no hakru’uk ba K-RDTL

Partidu Uniaun Demokrátika Timorense (UDT), ne’ebé hari’i iha loron (11/05/1974),selebra aniversariu ba 46 ho nia tema UDT Passado, UDT Prezente no UDT Milênio, hakruuk ba Konstituisaun Repúblika Demokratika Timor-Leste (K-RDTL).

Aproveita komemorasau loron moris UDT nian tinan ida ne’e, konsello superior polítiku UDT ho estrutura tomak hato’o parabéns ba udetista hotu, ne’ebé namkari iha territoriu Timor-Leste laran tomak no diáspora, no simpatizantes tomak.

“Nudar partidu polítiku ne’ebé hamrik primeiru iha Timor-Leste, hato’o ba públiku katak UDT uluk, UDT agora, UDT bá futuru, metin nafatin, hakru’uk ba Konstituisaun-RDTL, ho baze nafatin bá prinsípiu demókrasiano Estadu de direitu, sei kontinua fó ónra ba hérois da pátria sira, respeita veteranu sira, lideransa Estadu no lider nasional sira,  Falinti- Forsa Defeza Timor Leste no PNTL no fo esforsu tomak ba povu nia independênsia ba moris di’ak”, deklara,  Prezidente Exercício UDT, Rudolfo Henrique Aparicio, liu husi konferensia ba imprensa iha sede UDT Palapaso-Dili, Segunda (11/05/2020).

Rudolfo husu ba udetista tomak ne’ebé namkari ia teritoriu Timor-Leste, atu tau prinsípiu hirak ne’e iha neon, hahalok, no dezempeño moris. Hadook-an husi tentativas atu hamonu udetista sira ba polítiku nakukun, ne’ebé atu kontra Konstituisaun-RDTL.

Tamba UDT maka partidu dahuluk ne’ebé hakarak lori Timor ba ukun rasik-an, partidu siviladu, partidu ne’ebé hakru’uk ba istória no kultura Timor-Leste, no partidu ne’ebé sei mós husi mál-administrasaun no korupsaun tamba seidauk kaer Governu durante Timor-Leste ukun a’an, no partidu ne’ebé hakru’uk ba Konstituisaun-RDTL, demokrásia no Estadu direitu.

Rudolfo mos kontinua husu ba kompañeiru UDT tomak, labele tauk, hakfodak, labele subar-an, tamba UDT mós nudar partidu dahuluk ne’ebé hamrik ba prinsípiu fundamental ukun rasik-an husi kolonializmu sira no invazor sira.

Lee hotu :   Governu aprova karta kompeténsia

Iha selebrasaun loron aniversariu UDT ba dala-46, konselo superior polítiku UDT ho nia estrutura tomak mos hakarak fo’o homenajen no onra ba vítima da guerra 1974-1999 ba oan kiak no feto faluk udetista sira namkari iha teritoriu laran tomak no diáspora.

“Ho selebrasaun loron UDT ba dala-46 ne’e ita hametin ita nia prinsípiu nudar udetista tamba istória hatudu katak UDT defende prinsípiu demokrásia, unidade, independênsia no anti-komunízmu iha Timor-Leste, ne’ebé uluk iha 1975 UDT funu ba atu Timor sai país soberano ida, independente, demókratiku, ne’ebé UDT hamosu iha movimentu para unidade e Independência de Timor-Dili, MUITD, iha loron 13 de agostu 1975,” haktuir, Rudolfo.

Iha selebrasaun aniversariu ne’e mós, Konsello superior polítiku UDT no nia estrutura tomak to’o iha nivel aldeia, hato’o ba públiku katak ho ezistensia UDT tinan 46 ona, afirma katak UDT kontinua metin nafatin no metin maka’as liu tan hanesan partidu polítiku dahuluk iha istória Timor-Leste, defende konstituisaun-RDTL, tamba hakarak hamutuk ho partidu sira seluk iha âmbitu pluralizmu partidária hodi lori povu Timor-Leste ba moris di’ak.

“Tempu to’o ona atu ita mós envolve a’an hamutuk ho partidu sira seluk iha dezenvolvimentu nasional hodi hadia povu nia moris di’ak, nune’e povu bele sai husi ki’ak no mukit”, hatete, Rudolfo.

Hafoin remata komferensia ba imprensa estrutura partidu UDT kontinua liu ba semiteriu públiku Becussi hodi kari ai-funan iha kruz bo’ot no mos iha matebian Gilman Exposto nia rate.Luc

Add to Comments Here!!!!

error: Content is protected.
Secured By miniOrange
You might also like:
Regra autorizasaun transporte públiku durante EE daruak “la konsta número serto” ba pasajeiru

Ministru Transporte no Telekomunikasaun, José Agostinho...

CNRT retira husi VIII Governu, Governante ne’ebé mantein sei lakon relasaun ho partidu

Partidu CNRT lideradu Kay Rala Xanana...

ParPol lahetan asentu PN alerta ba PR hasai kamiza FRETILIN disolve PN dekreta EA

Partidu polítiku (ParPol) ne’ebé lahetan asentu...

Close