JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kona-ba destituisaun meja PN, Jurista Avelino: PPN Arão bele haree tuir medelu husi eis PPN Aniceto

Kona-ba destituisaun meja PN, Jurista Avelino: PPN Arão bele haree tuir medelu husi eis PPN Aniceto

Jurista senior Avelino Coelho, hatete, Prezidente Parlamentu Nasional, Arão Noe Amaral, bele haree tuir ka aplika modelu desizaun husi eis Prezidente Parlamentu Nasional (FRETILIN), Aniceto Guterres ne’ebé la ajenda destiuisaun ba meja Parlamentu Nasional iha tinan hirak liu ba, nune’e to’o ikus mai Prezidente Repúblika, Francisco Guterres Lú Olo disolve Parlamentu Nasional hodi hakat ba eleisaun antesipada.

“Uluk iha presedente. Prezidente Parlamentu Nasional ida uluk Aniceto Guterres (Husi partidu FRETILIN), rejimentu koalia hanesan ne’e maibe Prezidente la ajenda rekerimentu destituisaun meja parlamentu iha 2017, prolonga ka dada, dada to’o Prezidente Repúblika disolve Parlamentu Nasional konvoka eleisaun antesipada, agora mos situasaun ne’e repete hela, bele mos repete”, dehan jurista Avelino Coelho iha GMN Bebora Díli, Tersa (5/5/2020).

Avelino haktuir, Prezidente Parlamentu Nasional atual  bele mos la’o tuir ain fatin Prezidente Parlamentu Nasional tinan lima liu ba ou tinan hirak liu ba ne’e. Tanba ne’e presedensia ida ne’ebé mak husik hela ona.

“Bele mos Prezidente Parlamentu atual la’o tuir Prezidente Parlamentu Nasional sira tinan lima liu ba ka tinan hirak liu ba ne’e”, dehan tan Avelino.

Tanba ne’e mak kestaun hirak hanesan ne’e labele repete iha sosiedade Timor-oan, iha Estadu Timor-Leste, mak Jurista Avelino, dehan, presiza pronunsiamentu husi orgaun ne’ebé mak iha kompeténsia.

“Ita presiza sauda deputadu sira husi CNRT. Inisiativa ne’e diak tanba lori jerasaun foun atu kompriende katak, aban-bairua iha diskusaun kona-ba konstituisaun, diferensia opiniaun kona-ba implementasaun dispozisaun kontitusionais, dalan atu klarifika ne’e mak ida neeba. Hot-hotu ba iha supremu tribunal neste kazu Tribunal rekursu. Portanto presedente ida diak teb-tebes. Sidadaun sira komesa kompriende ona saida mak Estadu de direitu? saida mak estadu demokrátiku? Oinsa mak atu bele klarifika ita-nia dúvida ho ita-nia preokupasaun ne’eb’e liga ho kumprimentu da dispozisoens konstitusionais”,haktuir Avelino.

Lee hotu :   Tane dignidade KAK, FRETILIN-CNRT tenki diálogu ■Prefere figura majistradu

Tuir planu deputadu sira husi bankada PLP, FRETILIN, ho KHUNTO sei halo destituisaun ba kompozisaun meja Parlamentu Nasional. Entretantu bankada CNRT mos hatete ona katak, depois mak sei haree destituisaun ne’ebé sira atu  aprezenta ne’e. GMN

 

 

Add to Comments Here!!!!

error: Content is protected.
Secured By miniOrange
You might also like:
Faustino Cardoso disponível asume kargu Ministru Administrasaun Estatal

Prezidente Komissaun Funsaun Públika, Faustino Cardoso,...

Vítima dezastre natural 229 ladauk hetan apoiu emerjénsia

Sekretáriu Estadu Protesaun Sivíl (SEPS), Alexandrino...

Okupante 41 husi Otél 4 fila ona ba uma

Diretór Nasional Politika Koperasaun Ministeriu Saúde,...

Close