JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kuadru CNRT rezigna-an husi VIII Governu

Kuadru CNRT rezigna-an husi VIII Governu

Reprezentante kuadru CNRT, Dionísio Babo Soares, deklara, Segunda (25/5/2020), sira hotu entrega ona karta rezignasaun ba Primeiru Ministru (PM), Taur Matan Ruak, hodi kumpre desizaun  husi Partidu CNRT katak kuadru CNRT tenki sai ona husi VIII Governu hodi prepara ba eleisaun parlamentar 2023.

“Ita bo’ot sira hatene katak dinamika polítika iha rai laran, i ne’e prosesu demokrátiku ida, akontese partidu CNRT desidi tiha ona retira husi Governu daualu, ho respeitu tomak ohin dadersan ami mai hasoru Primeiru Ministru, atu fo hatene desizaun partidu nian ne’e katak, membru Partidu CNRT liu-liu kuadru prinsipais hanesan ha’u, hato’o ami-nia rezignasaun ohin (horiseik) ba Primeiru Ministru, liu-liu ha’u ne’ebé kaer pasta nu’udar relasoens externa, Ministériu Negósiu Estranjeiru no Kooperasaun”,dehan membru CNRT Dionísio Babo ba Jornalista sira, hafoin remata enkontru Konsellu Ministru, ba Jornalista sira iha Palásiu Governu.

Dionísio salienta, Primeiru Ministru lamenta tebes, tanba polítika mak hanesan ne’e, demokrasia mak hanesan ne’e, maibe sira mos hatete katak, lalaok polítika ida ne’e hanesan membru governu no hanesan mos membru partidu sira respeita desizaun ida ne’e, no Primeiru Ministru husu katak tuir konstituisaun, depois hatama karta rezignasaun, atu demite klaru ké Xefe Governu sei halo despaixu, para sira hetan ezonerasaun formal tuir konstituisaun.

“Desizaun partidu nian membru governu Partidu CNRT hotu kedas, no sira ne’ebé mak indijitadu ou indikadu husi partidu CNRT, maibe hato’o rezignasaun ne’e ida idak nian, ha’u la bele koalia ba Ministru ida seluk nia naran, ha’u koalia ba ha’u nia aan, no desizaun ba desizaun koletiva” tenik Dionísio.

Nia akresenta, mezmu Primeiru Ministru lamenta, maibe tanba polítika demokrátika mak la’o hanesan ne’e, klaru tenke fuan bo’ot tanba governu no Estadu ne’e  Timor-oan nian tomak, tenke halo de forma ida digna hodi membru foun mai karik, halo fali servisu ne’ebé kontinua halo tiha ona, tanba iha polítika governu ida tama govenru ida sai, importante mak tenki fo kontinuidade, tanba hotu hotu mai servi povu, no laos servi aan.

Lee hotu :   Programa sumba iha PN, Governu la merese ona lori ba konsulta ho povu

Alende ne’e, Vise Ministra Finansa, Sara Lobo Brites, ne’ebé hetan pasta hodi asumu knaar nu’udar membru governu daualu, deside kontinua servisu hodi garante téknika operasional iha Ministériu ne’ebé nia kaer ba.

“Ha’u servisu nafatin, tanba hanesan Víse Ministra Finansa, ha’u nia traballu ne’e mais tékniku operasional, ne’ebé ha’u desidi mantein servisu nafatin”,hakotu Sara Lobo Brites.Oly  

Add to Comments Here!!!!

error: Content is protected.
Secured By miniOrange
You might also like:
Governu deside husu ba PR estende EE ba datoluk ■ Promete sei iha flexibilidade ba régra sira

Reuniaun Konsellu Ministru (KM) Segunda (25-05),...

Dadus Kazu COVID-19 iha TL, 25 Maiu 2020

Impase polítiku sai ameasa ba roda ekonomia

Camara Comercio Industria Timor-Leste (CCI-TL) konsidera,...

Close