JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kuadru PD kontra deputadu na’in haat hili Aniceto ba PPN

Kuadru PD kontra deputadu na’in haat hili Aniceto ba PPN

Kuadru no militante Partidu Demokrátiku (PD) kontra desizaun parsial ne’ebé deputadu bankada PD na’in 4 hatudu iha Parlamentu Nasionál (PN) hodi partisipa votasaun a favor ba Prezidente Parlamentu Nasionál (PPN) foun, Aniceto Guterres Lopes, hodi subtitui Arão Noe Amaral, maske hatene hela kontra rejimentu no konstituisaun RDTL.

Iha eleisaun refere, deputadu sira CNRT ne’ebé lidera koligasaun foun, hamutuk ho PD, PUDD, UDT/FM la fó votu ba prezidente eleitu ne’ebé kontra rejimentu PN artigu 17 ho 22 no mos kontra konstituisaun RDTL artigu 99 alinea 3.

Tanba ne’e, kuadru no militante PD, ejize Prezidente PD, Mariano Assanami Sabino atu ho urjente konvoka reuniaun extraordináriu ida, hodi justifika loloos asaun ne’ebé hatudu ona iha PN.

“ Ho aktu polítiku ne’ebé hatudu hosi deputadu nain 4 iha PN, kuadru no militante PD la konkorda no la aseita asaun polítiku ne’ebé halo hosi deputadu PD iha PN, ne’ebé kontrariu ho desizaun koletivu ne’ebé deside iha konferensia nasionál, iha loron 20 fulan Fevreiru 2020. Aktu polítiku ne’e la reprezenta aspirasaun kuadru no militante PD tuir artigu 37 iha estatuto orgániku PD nian. Husu responsabilidade individual Prezidente PD ne’ebé fó orientasaun ba deputadu PD sira, atu kontra desizaun konferensia nasionál. PD mantein no firme ba desizaun koligasaun ne’ebé halo iha konferensia nasionál, bazeia ba artigu 55 rejimentu internu PD nian. Husu ba Prezidente PD atu konvoka urjentimente kongresu estraordináriu, tuir artigu 38 pontu 4 ne’ebé hateten katak: kongresu nasionál estraordináriu sei halo, wainhira iha razaun ne’ebé justifikadu no partidu hasoru situasaun polítika extraordináriu iha partidu laran no situasaun polítika nasionál estadu nian.”deklara komisariu polítika rejional, Queiros Umu-Chege, liu hosi konferensia da imprensa, iha sede nasional Kolmera, Kuarta (20/05/2020).

Alende ne’e, Prezidente juridiku PD, José Pedro Camões, afirma, bainhira Prezidente PD, Mariano Assanami Sabino, mak atu sai ba Fretilin, laiha problema, maibe PD sei kontinua metin ba futuru.

“Hakarak husu sira (deputadu PD) klarifika lai mai internalmente, depois iha konferensia extraordináriu, para atu define, liu-liu tanba ezekutivu PD nia servisu ne’e mós atu hotu ona. Realiza konferensia extraordináriu para define prinsipíu PD nian, se karik individu sira mai klarifika la loos, tenke husik PD, ou ami tenke metin nafatin iha PD, ho rejimentu internal ne’ebé la’o, ami uza mekanizmu internal ne’e hodi rezolve, karik iha buat ruma ne’ebé kontra leis, possivelmente depois sei halo. Maibe labele menghianati ita nia partidu, fó fatin nafatin atu kontribui partidu ne’e boot, se Assanami tenta halai sees ona, bele sai, ne’e mak liafuan loloos, se ema balu atu iha konferensia extraordináriu ne’e mak sei define, atu sai ou kontinua. Maibe agora ne’e ami sei nafatin sólidu, respeita malu nafatin, la fahe malu, ami internalmente sei rezolve, maibe se Assanami mak lakoi ona PD ida ne’e, no nia hakarak ba ona Fretilin, bele ba ona, PD metin, Kolmera metin, despois mak ami sei diskute destinu PD nian ba futuru.”tenik José Pedro.

Lee hotu :   20 Jullu, Governu aprezenta OJE 2020 ba PN

Iha sorin seluk, Prezidente Partidu Demokrátiku, Mariano Assanami Sabino, deklara, iha tempu badak sei konvoka reuniaun extraordináriu, hodi halo justifikasaun ba aktu ne’ebé hatudu ona iha PN.

Ho nune’e, nia parte lakohi fó argumentu ruma ba públiku, antes fó justifikasaun ba partidu rasik.

Maibe tuir polítiku ne’e, asaun ne’ebé iha, la’os sinál atu fahe malu, maibe sei metin no sólidu nafatin, tanba demokrasia tenke iha diferensia.

“ Partidu demokrátiku ne’e partidu ida ne’ebé demokrátiku duni, tanba ne’e mak diferensia ideia no diferensia hanoin ne’e normal iha PD,

Votus ne’ebé mak deputadu nain 5 iha PN, sei mai ko’alia no klarifika razaun iha partidu, tanba sa mak fó votus ne’e, ida kona-bá fó votus no ida halo walk out, wainhira la fó votus ba iha destituisaun meza PPN ne’e,

Tanba ho hanoin katak, prosesu destituisaun meza tenke tuir rejimentu no KRDTL, tuir dalan loos ne’ebé mak tenke la’o iha ne’ebá.

Ida seluk eleisaun ba meza PPN, maibe babain kuandu deputadu sira vota ne’e ho responsabilidade, tanba ne’e sei mai ko’alia iha partidu.

Ita nia partidu dalan nakloke, sempre iha diferensia ideia oioin, ne’e hatudu pertencia ita hotu-hotu nian, hosi partidu ida ne’e, ita hotu na’in ba partidu ida ne’e,  ne’eduni ita hotu bele ko’alia livre iha ita nia partidu, tempu ida ita sei buka atu klarifika iha enkontru alargadu tuir mai.”dehan Assanami ba jornalista sira iha nia rezidensia.

Assanami argumenta,  maske hanesan Prezidente partidu, maibe tanba pozisaun hanesan deputadu mós, tanba ne’e nia parte iha dever atu fó klarifikasaun ba desizaun ne’eb’e foti iha PN ba nia partidu rasik.

Lee hotu :   SERVE hetan krítika husi públiku

“ Hau rasik nu’udar Prezidente, maibe aumezmu tempu nu’udar deputadu mós, maibe nu’udar deputadu tenke klarifika votus hotu-hotu ne’ebé nia fó iha PN mai iha enkontru partidu nian,

Ne’eduni buat hotu-hotu ne’e orientadu no responsabilidade, laiha votus ida ne’ebé mak buka de’it oportunidade ou tanba tauk mak vota laiha, votus hotu iha responsabilidade ba partidu,

Votus hotu ne’ebé durante ne’e PD halo, iha ida rua ne’ebé sempre fó livre ba deputadu sira hanoin no defende saída mak povu ne’e hanoin, no saída mak nia haree iha terrenu, maibe restu tenke orientadu no tenke hanoin katak labele kontrariu partidu nia prinsipiu.

Partidu sente katak ho situasaun loron rua iha PN ne’e, afeita tebes ba ita nia prosesu konstrusaun estadu, dívia labele akontese situasaun ida ne’e, prosesu ne’e iha ona, ita hakarak foti lisaun ida para aprende, para tempu ikus mai labele iha fali labele akontese tan hanesan ne’e.

Maibe lisaun ida ne’e mós ba líder hotu-hotu, líder partidu sira, labele husik jerasaun foun sira ne’ebé iha PN bele ataka malu no bele violência iha PN, hodi prejudika futuru,

Tanba ne’e líder sira tenke buka malu ona, tur hamutuk la’os halo kompromisiu ba ukun, maibe ko’alia ba malu ne’e haree se mak iha direitu liu para ba ukun, no se mak iha opozisaun, maibe importante mak tenke ko’alia ba malu.

komponente órgaun soberanu hanesan PN, Governu, PR no Tribunal atu responsabiliza situasaun hanesan ne’e, presiza tebes sira, labele halo tauk bebeik povu ne’e, labele husik povu ne’e tauk no halai, povu ne’e la hakmatek,

ida ne’e la presiza hasai osan millaun para atu sosa, maibe presiza de’it mak vontade polítiku hotu nian, para halo povu ne’e hakmatek, diferensia iha partidu laran ne’e ita iha dalan, fatin iha, KRDT fó dalan, média iha hodi formula hanoin sira ne’e, di’ak ba povu no estadu ida ne’e.

Lee hotu :   Solusiona impase polítiku, FRETILIN-CNRT responde ona PD nia karta ofisiál

 Prosesu juridiku no legal ne’e sei la’o iha ida-idak nia fatin, elementu ida-ida sei interpreta situasaun ne’e, Tribunal mak ikus para haree katak buat sira ne’e la’o loos ka lae ne’e Tribunal,

Maibe nu’udar polítiku ne’e halo asaun polítiku, atuasaun legal ka juridiku, ita ko’alia no hatudu, maibe ikus liu mak Tribunal mak sei deside, ita hotu respeitu, nasaun ne’e tenke kontinua nafatin firme iha konstrusaun estadu nian,

Iha momentu ida tenke halo asaun juridiku, no iha momentu ida tenke iha asaun juridiku, buat rua bele kompleta malu, bele iha diferensia.

Razaun fundamental, hau tenke hamutuk ho deputadu haat seluk, para epslika iha partidu, se hau esplika tiha ona média ne’e, sira la presiza tan esplika iha partidu.

Militantes no kuadrus tenke fiar mak ne’e, kongresu fó fiar ba prezidente no fó konfiansa, Prezidente ida labele estraga nia partidu, tenke konsistente nafatin.

Buat ida ne’ebé konferensia mai deside halo koligasaun ho objetivu atu hakotu impasse polítiku, no hamosu fortalese fila falli hodi normnaliza ekonomia no komunikasaun polítika, infelizmente Khunto mak sai hosi koligasaun ne’e, la’os PD, koligasaun mantein iha ne’ebá atu rona resposta hosi PR, maibe la priense ona kriteria maioria Parlamentár, ne’e situasaun ne’ebé ita iha, tanba ne’e Prezidente partidu ne’e tenke servisu nafatin tuir estatutu,

Maibe tenke komprende katak PD ne’e tenke iha diferensia ideia oi-oin, ne’e la signifika atu konflitu, maske to’os oituan, maibe evita mak labele tolok malu,  la’os ko’alia at malu no la’os falta respeitu.”akresenta Sabino.

Iha plenária Tersa-feira semana ne’e, deputadu sira iha Parlamentu Nasionál, konsege aprova pedidu destituisaun ba Prezidente Arão Noe Amaral, ho votus afavor 36 hosi deputadu Khunto 5, Fretilin 23 inklui PLP 8, maibe CNRT, PUDD,UDT bara Frente-mudansa,  inklui PD rasik la vota.

Maske nune’e,  deputadu PD nain haat mak partisipa iha votasaun ba prezidente Parlamentu foun,  hodi subtitui Arão Noe de Jesus da Costa Amaral, hamutuk ho bankada Fretilin deputadu 23,  PLP 8 ho Khunto 5, ne’ebé rezulta votus maioria afavor 40 hodi eleitu Aniceto Guterres Lopes ba Prezidente Parlamentu foun.Say

 

Add to Comments Here!!!!

error: Content is protected.
Secured By miniOrange
You might also like:
Xanana: Hadau malu kadeira ne’e problema bo’ot

Eis Prezidente Repúblika, ne’ebé koñesidu ho...

Bankada 3 hili Aniceto ba PPN ho ilegál, CNRT sei keixa ba TR ■ Publika ona iha Jornal da República

Deputadu sira bankada FRETILIN, PLP ho...

Dadus COVID-19 iha TL, 20 Maiu 2020

Close