JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Obriga hadau kadeira PPN, CNRT duni sai VPPN Angelina ■ Bankada tolu la konsege asalta meja PN

Obriga hadau kadeira PPN, CNRT duni sai VPPN Angelina  ■ Bankada tolu la konsege asalta meja PN

Deputadu sira iha Parlamentu Nasional husi bankada CNRT, trava interese husi bankada tolu hanesan FRETILIN, PLP no KHUNTO hodi duni sai Vise Prezidente Parlamentu Nasional, Maria Angelina Sarmento (husi PLP), tanba “nafsu” ba hadau  kadeira Prezidente Parlamentu Nasional (PPN), Arão Noe Amaral nian hodi lidera sesaun kona-ba pedidu destituisaun (troka) Prezidente PN.

Aktu ne’ebé Vise PPN Maria Angelina Sarmento halo ne’e viola konstituisaun RDTL no rejimentu PN, tanba Prezidente PN rasik la delega kompetensia ba nia atu bele realiza plenária ho deskuti destituisaun. Tanba ne’e iha loron dahuluk  bankada tolu hanesan FRETILIN, PLP, KHUNTO la konsege halo asaltu ba meja PN hodi troka PPN Arão Noe Amaral. Tuir informasaun ne’ebé jornalista hetan husi deputadu sira iha haktuir katak, bankada tolu sei tenta halo nafatin asaun asaltu ba meja PN ne’e iha tempu Estadu Emerjénsia ne’e, maske kontra konstituisaun no rejimentu PN. Tanba iha Estadu Emerjénsia ne’e, PR Francisco Guterres Lú Olo labele disolve PN.

Nune’e mos aktu ne’ebé Vise PPN, Maria Angelina Sarmento, halo ne’e nu’udar aktu ba dahuluk ne’ebé hakerek ona iha istória Timor-Leste nian katak, tanba poder polítiku hakarak hadau kargu PPN nian iha ne’ebé viola Konstituisaun RDTL Artigu 99 (3), Rejimentu Parlamentu  Nasional Artigu 17, 22, no LOFAP Artigu 7.

Tuir Kódigu Penál Timor-Leste nian Artigu 204, individu ne’ebe tenta atu obriga ka limita funsionamentu Orgaun Estadu nian ameasa ho pena prizaun tinan 3 to’o 10. VPPN Maria Angelina Sarmento obriga atu ajenda plenária maske Rejimentu Parlamentu Nasional (RPN) Artigu 17 la fó kompetensia ba nia.

Enkuantu individu ne’ebe de’it maka halo ameasa fízika no liberdade hasoru Arao Noe Amaral nu’udar Prezidente PN, bele hetan pena prizaun tinan 8 to’o 20. Pena ida ne’e bazeia ba Kódigu Penal artigu 203 kona-ba atentadu kontra reprezentante máxima orgaun soberania.

Tuir observasaun, deputadu no deputada sira husi bankada CNRT duni obrigatóriu Vise PPN Angelina Sarmento sai husi meza Parlamentu Nasionál nian no dudu malu to’o odamatan ba parte kuana ninian. Haree ba barulhu ne’e, deputadu sira husi bankada FRETILIN, CNRT, KHUNTO haksoit ba salva tan nune’e eskoltu sira mak salva tiha VPPN Angelina Sarmento husi barulhu ne’e. Maibe VPPN, Angelina konsege tama fali ba sala laran hodi kontinua diskuti malu ho deputadu seluk.

Lee hotu :   Evita Eleisaun Antesipada, PD sei submete karta ofisiál ba CNRT-FRETILIN

Entretantu membru Polísia Nasional Timor-Leste sira ne’ebé destakadu iha resintu PN, akompaña de’it situasaun ne’e hodi fó seguransa iha sala plenária ho razaun imunidade deputadu sira nian, no kontinuna matein atu ema seluk labele tama iha klaran hodi halo situasaun ne’e a’at liu tan.

Hafoin barulhu, situasaun  hahú hakmatek liu-liu deputadu sira ida-idak fahe malu, seluk kontinua mantein iha sala plenária, nune’e deputadu idade Joven husi bankada CNRT, José Virgílio Rodrigues Ferreira, asegura hela kadeira Prezidente Parlamentu Nasionál ni’an atu Vise Prezidente PN, Maria Angelina Sarmento ho Luis Roberto labele ba hadau.

Vise prezidente PN, Maria Angelina Sarmento, konsidera aktu deputadu CNRT ne’ebé salva hela kadeira PPN Arão Noe nian atu nia labele hadau ne’e la tama iha lójika, tanba ne’e sei prosesa tuir dalan legal.

“Deputadu sira tuur iha meja ne’ebé tuir loloos ba Prezidente ho vise Prezidente no sekretáriu meja sira, ne’e sira halo ona krime ida, tanba sira invade meja ne’ebé tuir loos la’os deputadu sira nia kompetensia atu tuur iha ne’ebá. PPN rasik impede funsionamentu normal PN nian, tanba tuir rejimentu artigu 16 nú b, kona-bá destituisaun PPN nian, ne’ebá dehan katak loron 5 obrigatóriu PPN tenke konvoka  ajenda ba plenária,  atu lori debate, ba ajenda ne’ebé mak maioria deputadu sira hato’o rekerimentu ba PPN nian, Maibe agora sira dehan katak vise PN sira labele lidera, tanba rejimentu la prevê no dehan katak Prezidente presiza delega kompetensia mak foin vise sira bele hala’o knár ida ne’e, Maibe iha rejimentu artigu 14 nú 04, ho artigu 22 nú 1 rua ne’e konjuga malu, katak iha rtigu 14 hateten dehan, bainhira PPN iha impedimentu ruma, sei subtitui husi vise sira, iha artigu 22 mós hateten katak, vise PN sira sei subtitui PPN rotativamente, bainhira PPN falta ou iha impedimentu ruma. Maibe sira (deputadu CNRT) ka’er fali ba artigu 22 nú 3 kompetensia PPN nian, ne’eb’e dehan katak, bainhira vise atu reprezenta  PN, presiza hetan delegasaun hosi PPN, Aliñea ida ne’e, nia signifikadu dirije ba, kuandu ami (vise sira) reprezenta PN sai ba liur, ne’ebé la’os reprezentasaun PPN, maibe ami representa PN, Entaun kuandu ami reprezenta PN sai ba liur, fora hosi órgaun soberanu ida, iha ne’ebá mak ami foin hetan delegasaun, la’os iha tempu ida ami atu prezide plenária ne’e, ami tenke hetan delegasaun la’e,”hateten Maria Angelina ba jornalista sira, Segunda (18/05/2020).

Lee hotu :   ONU husu Xanana kontinua promove paz-rekonsiliasaun

Alende ne’e, deputada FRETILIN, Josefa Âlvares Pereira, reforsa, FRETILIN la’os atu haksoit moru hodi sai ai-tonka ba koligasaun AMP nia ukun, maibe ho sentidu estadu atu kontinua asegura governasaun da-ualu ne’e to’o termina mandatu.

“Ami la haksoit moru ida, ami sempre iha sentidu do estadu, ami nunka haksoit moru, se agora imi haree naran iha lista kandidatu governu, tanba konvidadu, konvida para atu hadiak, la’os haksoit moru. Fila fali ba sentidu estadu nian, governu ida sira mak harí rasik ho partidu tolu, maibe to’o iha dalan klaran sira rasik mak hatun malu, situasuan ida ne’e atu ba oin ka kotuk, ne’e tenke ba oin, entaun ita tenke iha sentidu estadu, hodi asegura nafatin para mandatu ne’e governu ne’e to’o iha rohan, ita prontu, ita labele husik buat ida hanesan ne’e,”dehan Josefa.

Nune’e, Prezidente PN, Arão Noe Amaral, deklara, nia parte laiha autorizasaun ba ajenda plenária semana ne’e nian, nune’e konsidera plenária ne’e ilegal.

“Tuir PPN nia observasaun katak laiha ajenda plenária ne’ebé fiksa, aprova ba loron ohin nian, se iha ajenda ruma tentativa ne’ebé halo, ne’e fora hosi responsabilidade hau nian, ”dehan PPN.

Iha situasaun ne’e, deputadu sira bankada CNRT, hako’ak metin kadeira prezidente nian, no kuaze deputadu CNRT hotu hamriik iha kadeira nia kotuk, hodi kontinua defende, pozisaun Prezidente nian, no argumenta katak, laiha dalan ba bankada tolu atu hadau de’it kadeira Prezidente Parlamentu, maibé tenke liuhosi disolusaun no hahoris governu foun no parlamentu foun.

Konstituisaun RDTL

Iha konstituisaun RDTL Artigo 99.º (Legislatura) 1. A legislatura compreende cinco sessões legislativas e cada sessão legislativa tem a duração de um ano. 2. O período normal de funcionamento do Parlamento Nacional é definido pelo Regimento. 3. O Parlamento Nacional reúne-se ordinariamente por convocação do seu Presidente. 4. O Parlamento Nacional reúne extraordinariamente sempre que assim for deliberado pela Comissão Permanente, requerido por um terço dos Deputados ou convocado pelo Presidente da República para tratar de assuntos específicos. 5. No caso de dissolução, o Parlamento Nacional eleito inicia nova legislatura, cuja duração é acrescida do tempo necessário para se completar o período correspondente à sessão legislativa em curso à data da eleição.

Lee hotu :   Alfándega sujere MTCI kria lei regula importasaun OB

Kódigu Penal Timor-Leste

Entretantu tuir Kódigu Penal Timor-Leste nian ne’ebé haktuir ho lian Portugés, iha Artigo 203º Atentado contra representante máximo de órgão de soberania 117 1. Quem atentar contra a vida, integridade física ou a liberdade de representante máximo de órgão de soberania ou de quem constitucionalmente o substituir ou de quem tenha sido eleito ou nomeado para o cargo, mesmo antes de tomar posse, é punido com pena de prisão de 8 a 20 anos. 2. Em caso de consumação de crime contra a vida, a integridade física ou a liberdade, o agente é punido com pena de prisão de 12 a 25 anos. 3. São correspondentemente aplicáveis as penas previstas nos números anteriores, sempre que os factos aí descritos forem praticados contra pessoa estrangeira que esteja na situação referida no número 1, embaixadores e titulares de órgãos dirigentes de organizações internacionais, quando se encontrem em Timor-Leste.

Nune’e mos iha Kódigu Penál Timor-Leste nian hatete iha artigu 204º Coacção contra órgãos constitucionais 1. Quem, por violência ou ameaça de violência, impedir ou constranger o livre exercício das funções de órgão de soberania é punido com pena de prisão de 3 a 10 anos. 2. Se os factos descritos no número anterior forem praticados contra órgãos de poder distrital ou local a pena é de 2 a 6 anos de prisão. 3. Se os factos referidos descritos no número 1 forem praticados contra membros daqueles órgãos as penas referidas no número 1 e 2 são reduzidas a metade dos seus limites. Say

Add to Comments Here!!!!

error: Content is protected.
Secured By miniOrange
You might also like:
Dadus COVID-19 iha TL, 18 Maiu 2020

Dadus Kazu COVID-19 iha TL, 17 Maiu 2020

Sidadaun Indonézia 149 repatria husi Timor-Leste

Embaixada Repúblika Indonézia fasilita hodi repatria...

Close