Patrocinio lakohi komenta desizaun TR rejeita petisaun CNRT

Vise Xefe bankada CNRT, Patrocinio Fernandes, lakohi fó komentáriu ba Tribunál Rekursu (TR) nia desizaun rejeita (indefere) petisaun CNRT, ne’ebé husu TR atu apresia no halo fiskalizasaun abstrata, tanba konsidera PR viola konstituisaun RDTL.

Karta petisaun ne’e, partidu CNRT liu husi ninia advogadu Manuel Tilman ho Miguel Fária, iha loron 4, fulan ne’e. Maske TR indefere ona karta petisaun CNRT, maibé Patrocinio lakohi fó komentáriu no sujere ba jornalista sira atu halo entrevista direta ho mandatária ba karta petisaun.

“Kona-bá asuntu ne’e favor ida imi ba entrevista advogadu, tanba sasan hotu ami entrega hotu ba advogadu, ne’ebé sira mak hatene, ne’ebé bele halo entrevista ho sira”, Vise Xefe bankada CNRT ne’e ba jornalista iha Parlamentu Nasionál (PN), Tersa (12-05-2020).

Partidu CNRT  hatama karta petisaun  ba tribunál, iha loron 5, fulan ne’e,   hodi halo fiskalizasaun abstrata ba aktu PR, tanba CNRT konsidera desizaun PR viola konstituisaun RDTL. ety