JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PD husu ba ukun na’in sira respeita konstituisaun ■Apoia ba kualker Governu

PD husu ba ukun na’in sira respeita konstituisaun ■Apoia ba kualker Governu

Prezidente Partidu Demokrátiku (PD), Mariano Asanami Sabino, hatete PD dezde prinsípiu apoia kualker partidu ne’ebé mak ba ukun, maibe husu nafatin ba ukun na’in sira hanesan Prezidente Repúblika, Primeiru Ministru no mos Parlamentu Nasional atu respeita konstituisaun.

“PD prontu apoia Governu ne’ebé de’it mak atu la’o ba oin, e husu ba ita hot-hotu para ita tenke mantein mos repeitu ita-nia lei, ita-nia konstituisaun, e respeitu nafatin prinsípiu konstrusaun Estadu direitu demokrátiku”,dehan Prezidente PD, Mariano Asanami Sabino liu husi konferénsia ba imprensa Kinta (8/5/2020), iha sede PD, Kolmera, Díli.

Asanami haktuir, ukun ne’e la’os atu hadau deit, tanba ukun ne’e povu nian. Tanba ne’e diálogu tenke la’o. “Laiha ditadura minoritária iha Parlamentu Nasional, presiza fó hanoin ne’ebé di’ak para buat hotu bele la’o ba oin”,afirma Asanami.

Prezidente  Partidu Demokrátiku (PD), Mariano Asanami Sabino deklara, pozisaun PD iha situasaun atúal, hakarak fó apoiu ba kualker governu, inklui VIII Governu ne’ebé sei hala’o hela funsaun, nune’e PD reafirma tan katak, dalan di’ak liu atu hakotu ona impasse polítiku ne’e mak díalogu.

“ PD kontinua hakarak husu nafatin díalogu entre líder sira, PD mós foti aas nafatin, líder boot sira, hanesan Kay Rala Xanana Gusmão,  Marí Akatiri, Ramos Horta, Lú Olo, Taur Matan Ruak no Lere Anan Timur, no husu nafatin nai líder sira ne’ebé hanesan aset  ba estadu ne’e, husu nafatin atu komunikasaun ka díalogu. Tanba díalogu ho komunikasaun ne’e la’os de’it intende malu para atu ba ka’er ukun, maibe ne’e faze ida husi ita nia kultura ne’ebé mak ita tenke halo komunikasaun duni, nune’e presiza díalogu, se de’it mak ba ukun, ukun atu serví povu no serví ita nia rain. Ho ida ne’e PD husu dala ida tan, ita bele aselera lalais ona governu ida ne’ebé mak estável para bele la’o ba oin, iha mós OJE ida ne’ebé bele hakotu ona ita nia impasse ne’e, hadi’ak ita nia ekonomia, liu-liu rekoopera ita nia ekonomia, fortalese fila fali komunikasaun polítiku, kria ligasuan di’ak entre órgaun hotu-hotu, para bele kria estadu ida ne’ebé forte, atu serví nia povu no rai ida ne’e, nune’e povu bele hakmatek no hala’o moris ho livre. Ohin lideransa PD hotu iha ne’e, hamutuk para reforsa governu ne’ebé de’it mak mosu ami prontu fó apoiu, para governu ne’e bele la’o di’ak, estável, atu bele hadi’a ita nia ekonomia, hadi’a ita nia polítika rai laran. Husu mós kuadrus militantes partidu demokrátiku hotu, atu bele sólidu nafatin servisu maka’as, tanba PD sempre iha debate no sempre iha diferente, tanba tau kakutak hamutuk nu’udar Demokrátiku, maibe PD ne’e sempre sólidu, no partidu ne’e sempre hamutuk para atu hakat ba oin,”deklara Asanami liuhosi konferensia da imprensa iha sede nasionál Kolmera, Kinta (07/05/2020).

Lee hotu :   Timor-oan protesta Embaixada Portugal

Tuir líder PD ne’e, kualker governu ne’ebé sei ba ukun PD sei fó apoiu, nune’e kontribui hodi aselera dezenvolvimentu rai laran.

“ Governu ida ne’ebé de’it mak ba oin, ba interesse estadu PD fó apoiu nafatin, tanba povu ida ne’e, tanba ne’e PD hakruuk ba rai ida ne’e, durante VIII Governu ne’e mós PD kontinua fó apoiu,  vota afavór ba programa, tanba ho hanoin katak ho situasaun ne’ebé povu hamlaha ne’e, ekonomia la la’o, impasse polítiku, laiha dalan ba PD atu halo opozisaun ba situasaun hanesan ne’e,

Ami hakarak fó kontribuisaun, ideia no hanoin hotu, para bele aselera ba ita nia dezenvolvimentu rai laran nian.

PD prontu para apoiu governu ne’e to’o iha ne’ebé de’it, governu atual, ba oin PD sei fó apoiu, katak ita tenke mantein mós respeitu ita nia lei, no respeitu nafatin prinsipiu estadu direitu demokrátiku, ”afirma Mariano.

Antes ne’e, Partidu Demokrátiku rasik envolve iha koligasaun AMP foun ne’ebé dirije husi partidu CNRT, hamutuk ho KHUNTO, PUDD, UDT no Frente mudansa, maibe koligasaun refere rahun, bainhira aliadu koligasaun, KHUNTO deklara retira husi koligasaun refere, hodi kontinua fó apoiu ba governu da-ualu ne’ebé hahoris rasik husi CNRT, PLP ho KHUNTO, liu hosi koligasuan pre-eleitoral iha eleisaun antesipada, tinan 2018.

Tuir lei bainhira partidu ida halo koligasaun tiha ho partidu seluk, no dada-an husi koligasaun ida hodi ba apoia fali partidu seluk, ne’e tenke halo konferensia la’os ba tama deit. Entretantu Prezidente CNRT, Kay Rala Xanana Gusmão, husu ona ba KHUNTO atu halo konferensia tanba nia sai ona husi koligasaun hodi ba hamutuk fali ho FRETILIN, PLP.Say

Lee hotu :   Pertamina Internasional Timor apoia tanke be’e rua ba SIJK

 

 

Add to Comments Here!!!!

error: Content is protected.
Secured By miniOrange
You might also like:
PM Taur aprezenta lista membru Governu ba PR Lú Olo

Primeiru Ministru (PM), Taur Matan Ruak...

PPN Arão: Uluk PPN Aniceto la ajenda karta destituisaun mos la viola lei

Prezidente Parlamentu Nasional (PPN), Arão Noe...

Timor-oan ida mate iha UK tanba COVID-19, Dionísio: Presiza dokumentu komprovativu

Ministru Negósiu Estranjeiru no Kooperasaun, Dionísio...

Close