JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PLP, FRETILIN ho KHUNTO sei halo destituisaun ba meja PN ■CNRT:Depois mak ita haree

PLP, FRETILIN ho KHUNTO sei halo destituisaun ba meja PN ■CNRT:Depois mak ita haree

Vise xefe bankada Partidu Libertasaun Popular (PLP), Francisco de Vasconçelhos, deklara, posibilidade semana ne’e, bankada PLP, FRETILIN ho Kmanek Haburas Unidade Nasionál Timor Oan (KHUNTO) sei aprezenta mosaun destituisaun ba meja Parlamentu Nasionál (PN).

Tanba konjuntura ka konsertasaun polítika foun mak ezije tebes mudansa ba meja refere.

“Sei ba iha ne’ebá, hodi hatán ba postura polítika, no para fó apoiu ba governu, ne’e tenke iha mudansa iha PN. Semana ida ne’e aprezenta ona mosaun destituisaun ba meza PN, ne’e hodi hatán ba postura polítika ka konjuntura polítika ne’e, hanesan uluk mós sira halo ona. Tuir rejimentu reprezentante na’in 10 tenke iha asinatura, ba mosaun destituisaun meja PN ne’e. Ezijensia polítika obriga tenke halo destituisaun, rejimentu hateten katak nia (PPN) bele renunsia, husi nia kargu no ida fali mak bele aprezenta mosaun destituisaun ba meza PN, ”informa vise xefe banakda PLP ne’e ba jornalista sira iha PN, Segunda(04/05/2020).

Vasconçelhos afirma tan, konjuntura polítika foun sei nafatin mantein VIII Governu, tanba xefe estadu mak kontinua fó konfiansa ba líder governasaun refere. Tanba ne’e, governu da-ualu ne’e sei aprezenta hikas proposta Orsamentu Jerál Estadu (OJE) ba tinan 2021 iha fulan Outubru tinan 2020 ne’e.

“Oitavu Governu PR sei konfiansa nafatin ba PM, retira tiha pedidu demisaun, signifika sei mantein ho VIII Governu. Karik mandatu governu remata, bainhira PR simu pedidu demisaun husi PM, nune’e eleisaun ba lejislatura foun. Maibé governasaun ida ne’e, insidensia Parlamentár, bele mosu iha ne’e, konsertasaun polítika foun, importante mak ita asegura, tanba ita Timor nia kazu agora ne’e, modelu saida de’it ita bele opta, importante mak asegura ita nia funsionamentu órgaun estadu ne’e, liu-liu mak orsamentu tenke iha, para sustenta ba ita nia dezenvolvimentu. La’os ida mai dehan konferensia ida ne’eba mak loos, ida mai dehan ne’e mak loos, maibé ohin loron ba ami PLP konkluzaun katak, koligasaun ne’e laiha sentidu ida,  ita bele forma maioria absoluta ka maioria kualifikadu, laiha sentidu hotu, maibé vontade de’it mak determinante loos.  Setembru, 15 de Outubru ami aprezenta ona,ne’edunui labele monu ba jurista sira nia lian.Tenke aprezenta fali, liu-liu iha 15 Outubru. Tuir loos governasaun ida di’akliu mak partidu ida manan mesak, maibé kaju ita nia ne’e laiha partidu ida manan mesak, maibé konserta hanoin hotu iha PN, hodi apoia de’it kualker governu nia inisiativa.”akresenta deputadu PLP ne’e.

Lee hotu :   PR Lú Olo rekoñese mak AMP ■ AMP insiste ho bankada 3 iha PN

Tuir polítiku ne’e, polítika konjuntura foun entre PLP Fretilin ho Khunto ne’e, seila iha impedimentu iha líder bankada, tanba desizaun iha plenária, tanba plenária mak kompetensia órgaun soberanu liu. “ Líder bankada ne’e apresia de’it ajenda molok tama iha plenária, maibé labele foti desizaun. Labele konta ema bankada ida kadeira ida, depois tau hamutuk bankada 5 hasoru bankada 3, hodi haree de’it promenor númeru ne’e liu, ne’e la’e, haree mós reprezentasaun proporsionalidade.

Aktu ne’ebé durante ne’e halo ezemplu : bankada 3 ka 4 la konkorda, ezemplu ne’e maioria ona, ne’e rekere mai iha plenária ona, tanba maioria ne’e iha plenária ne’e, maibé iha líder bankada ne’e apresiasaun de’it, desizaun hotu-hotu ne’e mai iha plenária nu’udar órgaun soberanu,”dehan membru PN ne’e.

Kona-bá ajenda plenária ba semana ne’e laiha, nia parte konsidera Prezidente PN hahu hatudu dadauk sinal ladi’ak ba konjuntura foun.

“Ohin plenária laiha, ajenda laiha, ne’e hatudu katak sinál ida ladi’ak, dirijente la tau ona ajenda ne’e, PN ne’e tenke funsiona halo di’ak. Semana kotuk iha reuniaun líder bankada, maibé kansela fali, tanba Prezidente PN mak kansela tiha.”subliña vise Prezidente PLP.

Aleinde ne’e, vise xefe bankada CNRT, deputadu Patrocino Fernandes, konsidera, informasaun ba destituisaun meja ne’e hanesan rumores deit, tanba seidauk realiza.

Nune’e kona-bá ajenda plenária, deputadu CNRT ne’e hateten, ida ne’e nu’udar polítika husi PLP ho FRETILIN inklui KHUNTO nian, tanba hakarak estende estadu emerjensia. “ CNRT rasik partisipa iha konferénsia líder bankada, ne’e desizaun líder bankada hotu nian, inklui PLP rasik. Tanba ita iha situasaun ida COVID-19 ne’ebé atu halo prevensaun, ne’ebé deside ona katak bainhira laiha ordem do dia, laiha mós plenária, ne’e desizaun líder bankada nian. Ida ne’e la fó impaktu ba funsionamentu PN nian, tanba estensaun Estadu Emerjénsia ne’e, maibé pozisaun CNRT nia vota kontra, tanba hakarak funsionamentu sira iha instituisaun estadu nian ne’e la’o nafatin, maibé maioria deside hakarak estende Estadu Emerjénsia. Ne’e ita kumpri Estadu Emerjénsia, la’os povu de’it atu kumpri, ita ba sulan hotu povu iha uma, depois ita kontinua servisu hela para manan osan, ita kumpri ba ida ne’e Estadu Emerjénsia ne’e. Kona-bá destituisaun, ha’u hanoin ne’e buat ida ne’ebé mak isu-isu de’it, tanba ne’e ha’u lakohi komentariu ba ida ne’e, depois mak ita haree de’it. Maibé buat ida sei foin mak isu-siu de’it ne’e ha’u lakohi fó komentáriu barak ba ida ne’e.”hatán Patrocino ba jornalista sira.

Lee hotu :   PD: Inkonsisténsia líder AMP afeta ba dezenvolvimentu nasionál

Relasiona ho ajenda plenária asuntu hirak ne’e, GMN tenta konfirma ho Prezidente Parlamentu Nasionál, Arão Noe de Jesus da Costa Amaral, maibé nia parte lakohi fó komentáriu ba mídia sira.

Iha Kinta-feira semana kotuk, partidu KHUNTO ne’ebé hola parte iha koligasaun Aliansa Maioria Parlamentár ka AMP foun, hamutuk ho CNRT, PD/ PUDD, UDT/FRENTE-MUDANSA ne’e, deklara retira husi koligasaun, ho razaun atu apoia hikas governasaun da-ualu ne’ebé lidera husi Primeiru Ministru Taur Matan Ruak, tanba bankada opozisaun Fretilin rasik deside fó apoiu atu asegura mandatu governu da-ualu to’o remata.

Ho nune’e, partidu CNRT, deklara lori petisaun ida ba Tribunal, hodi husu Tribunal halo fiskalizasaun, ba pozisaun Prezidente Repúblika Francisco Guterres Lú Olo nia desizaun durante ne’e.

Prezidente Partidu CNRT, Kay Rala Xanana Gusmão, mos lia tun ona katak, KHUNTO sai ona ba hamutuk ho PLP, FRETILIN, ne’e nia opsaun polítika. Maibe tenke liu husi konferénsia ka kongresu partidu nian, la’os sai deit ba tama ona, tanba ne’e la eduka povu no haksoit liu kontituisaun.Say

 

Add to Comments Here!!!!

error: Content is protected.
Secured By miniOrange
You might also like:
Tiru joven ida iha Maubara, TDD aplika medida prizaun preventiva ba arguidu JAD

Tribunál Distritál Díli (TDD), iha Domingu,...

FRETILIN-PD tama lista membru governu foun, PM Taur: Ha’u la hasai CNRT maibe depende sira

Primeiru Ministru (PM), Taur Matan Ruak,...

Xanana Gusmão: KHUNTO retira liu hosi karta seidauk sufisiente

Prezidente Partidu CNRT, Kay Rala Xanana...

Close