JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PLP sei obriga Vise PPN dijiri meja PN ■CNRT: Ne’e asalta poder ba orgaun soberania

PLP sei obriga Vise PPN dijiri meja PN ■CNRT: Ne’e asalta poder ba orgaun soberania

Vise Xefe bankada PLP, Francisco de Vasconcelhos, informa, semana oin Vise Parlamentu Nasionál (PN) na’in rua hanesan Maria Angelina Sarmento no Luis Roberto obrigatóriu sei realiza plenária bainhira ajenda atu realiza plenária tuir rejimentu PN, iha Segunda no Tersa kada semana.

Maske deputadu sira husi bankada FRETILIN, PLP no KHUNTO hato’o ona karta destituisaun ba Prezidente PN, Arão Noe, maibé hetan rejeisaun husi Prezidente PN, tanba konsidera laiha baze fundamentu.

Maske Prezidente PN rejeita karta destituisaun, maibé deputadu bankada tolu (4) refere iha loron 11, fulan ne’e, haruka kedas karta insisti ba Prezidente PN.

“Sé bainhira Prezidente PN la halo ajenda hodi halo  plenária, Vise na’in rua obrigadu tenke dirije meja hodi realiza plenária kona-bá bainhira mak atu realiza, ita hein ajenda plenária, tanba rejimentu fó dalan iha artigu 14, maske Prezidente la delega no aujente, nia iha impedimentu ruma, nia labale tuur nono’ok”, Vise bankada PLP ne’e ba jornalista sira iha PN, Tersa (12-05-2020).

Tuir Francisco, PN sei la depende ba ema ida no PN depende ba plenária, sé de’it mak sai Prezidente PN tenke asume ninia responsabilidade.

“Maske la liu husi enkontru líder bankada, maibé rejimentu PN ko’alia plenária tenke delivera husi konferénsia líder bankada, maibé plenária  Segunda ho iha Tersa feira ne’e tuir rejimentu PN. Hanesan ohin ne’e  rejimentu ida ne’e Prezidente sala tiha ona, maske Prezidente la autoriza ne’e la’ós hadau poder, tanba poder ne’e plenária mak iha poder, Prezidente PN laiha poder, maibé jere de’it lala’ok PN, poder soberanu iha  plenária no plenu poder iha maioria”, tenik Vise bankada PLP ne’e.

Lee hotu :   Vizita bebeik Munisípiu, CNRT konsidera Alkatiri sosializa programa FRETILIN

Husi sorin seluk, Vise Xefe bankada CNRT, Patrocinio Fernandes, hateten,  maske bankada sira halo presaun ba Vise na’in rua, maibé CNRT fiar katak Vise sira sei la diriji meza, hodi realiza plenária bainhira laiha autorizasaun husi Prezidente PN.

“Ha’u nia hanoin Vise na’in 2 sei la halo buat ne’ebé maka kontra lei, maske bankada sira halo presaun ba Vise na’in 2 la halo ne’e, tanba rejimentu la fó dalan bainhira Prezidente PN mak delega servisu ba sira. CNRT fiar Vise na’in 2 sei la monu ba lasu tenta sira ne’ebé atu dudu dau-dauk Vise na’in 2 ba fatin klo’ot, tanba laiha dalan, nein artigu atu fó kompeténsia Vise diriji meza bainhira la hetan autorizasaun husi  Prezidente PN. Sé Vise na’in 2 diriji duni, ne’e signifika akontese asalta poder, depois mak ita haree, ha’u labele antesipa kedas seidauk akontese, iha imajina de’it, hau fiar katak ida ne’e sei la akontese”, tenik Patrocinio.

Enkuantu deputadu sira husi bankada 3 aprezenta karta destituisaun  bazeia ba rejimentu PN artigu 16 no artigu 17 fó kompeténsia ba Prezidente PN atu ajenda no organiza sesaun plenária,” klarifika.

Antes ne’e, Prezidente PN, Arão Noe, hateten, nia parte lakohi interfere  wainhira Vise sira hakarak lidera plenária sein autorizasaun husi nia (Prezidente PN). ety

Add to Comments Here!!!!

error: Content is protected.
Secured By miniOrange
You might also like:
La priense rekezitu, TR rejeita petisaun CNRT ■Iha loron 10 sei aprezenta fali rekursu

Tribunál Supremu Justísa ou Tribunál Rekursu...

( SECOMS )- DADUS SITUASAUN NASIONAL KAZU COVID19, 12 DE MAIU 2020

Secretaria do Estado Para a Comunicação...

CNRT la hakfodak ho lista membru Governu ne’ebé PM aprezenta

Vise Prezidente  partidu CNRT,  Virgílio  Smith,...

Close