JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PM Taur: Povu hamlaha, Governu mak sala ■ Lei taka dalan ba Governu ezekuta fundu COVID-19

PM Taur: Povu hamlaha, Governu mak sala ■ Lei taka dalan ba Governu ezekuta fundu COVID-19

Primeiru Ministru, Taur Matan Ruak, husu ba povu atu labele hein deit subsídiu USD 100.00 ne’ebé Governu promete ona hodi fó sala hela de’it ba Governu.

Xefe governu ne’e dehan, populasaun labele hanoin demais bainhira mak subsídiu dolar 100 mai, tanba dalaruma subsídiu ne’e governu fó derepente deit.

“Ha’u hanoin povu la los. Tanba povu hamlaha, governu mak sala. Povu servisu laiha, governu mak sala. Povu mate, governu mak sala, entaun povu sala laiha no sira anju hotu. Tanba ne’e hau la promete loron ba sira maibé subsídiu ne’e sei to’o ho nune’e sira pasiensia oituan”.dehan PM Taur ba Jornalista sira iha Dili, Kuarta (27/5/2020).

Primeiru Ministru, Taur Matan Ruak, hatete governu iha fallansu tékniku no fallansu prosesuais administrative konaba lei, maibé governu esforsu hela hodi hadia, nune’e bele implementa distribuisaun subsídiu dolar 100 ba kada família.

“Ida ne’ebé kompetensia governu nian atu bele hadia, governu halo dau-daun, maibé ida ne’ebé labele governu sei husu apoiu ba iha Parlamentu Nasionál. Agora buat ida ha’u hakarak hatete, medidas sira ne’e sei implementa tanba ne’e promete ona iha ona planu iha orsamentu sei implementa”.

Lei taka dalan ba Governu ezekuta osan fundu COVID-19

Entretantu iha loron hanesan, fatin Parlamentu Nasional, Vise Xefe Bankada FRETILIN, Deputadu Francisco Miranda Branco, hatete lei autorizasaun levantamentu númeru 2/2020 6 de Abril, taka dalan no kesi governu atu halo ezekusaun ba orsamentu fundu COVID-19.

“Ami nia observasaun no avalia katak, lei númeru 2/2020  6 de Abril mak taka dalan no kesi tiha governu atu halo lalais implementasaun ezekusaun orsamentu fundu covid-19,” dehan Vise Xefe Bankada FRETILIN, Francisco Miranda Branco ba GMN iha Parlamentu Nasionál.

Lee hotu :   Xanana hakerek karta ba PR Lú Olo •Husu fo rekonhesimentu ba advogadu ne’ebe defende TL

Deptadu Bankada FRETILIN, haktuir lei ne’e fó ona autorizasaun  ba governu atu foti osan hosi fundu COVID-19, maibé atu ezekuta orsamentu ne’e hodi halo distribuisaun subsídiu dolar 100 ba kada família, lei ne’e taka dalan.

“Ami haree katak, presiza halo alterasaun ba lei ida ne’e, nune’e bele fó espasu ba governu hodi ezekuta diak no lalais tuir regras osan fundu covid-19, nune’e bele implementa hodi distribui ona osan subsidiu  100 dolar ba kada família”.

Nia hatutan, prosesu subsidiu 100 dolar tama ona iha etapa ikus hodi hein halo ezekusaun, maibé komforme  ita rona hosi governu atu responde .

 “Lei númeru 2/2020  6 de Abril, autorizasaun hosi Parlamentu konaba levantamentu osan fundu covid-19 ba tinan 2020 ho montante 250 milloens iha lapso, no lapso ne’e mak sai fukun hodi la fasilita ezekusaun orsamentu ida ne’e” sublina Branco.

Deputadu ne’e, realsa  Parlamentu presiza hare hodi revê fila-fali lei refere ho urgensia, atu nune’e fasilita governu hodi ezekuta orsamentu covid-19 nian, tanba iha lei refere limita governu atu movimenta, tanba kria fali Konselhu fundu covid-19 no alende ne’e kria tan Sekretariadu ita ketak, ida komplika ba implementasaun  no ezekusaun

 “Tuir lolos nia prinisipiu ne’ebé ami hare, la presiza kria fundu ne’e depois Konselhu fundu tan no iha tan Sekretáriadu ida, ida nee hanesan kria administrasaun ida atu empata fali ezekusaun orsamentu ida ne’e atende situasaun emerjénsia ida”.

Nune’e mós Deputadu, Bankaka CNRT, Oscar de Araujo, hatete efeitus negativu hosi lockdown povu barak hamlaha hein atu Governu buka rezolve, maske Governu loron-loron mai ho promesa mamuk ba subsidiu $100 dolares.

Lee hotu :   Maioria deputadu ba Oecusse, meja PN kansela reuniaun plenária

“ Ohin EE atu tama tán ona iha terceiro-períodu, tama ba fulan-tolu sem prezensa Estadu iha Povu nia leet, povu falta hahan, joven barak lakon nia servisu nune’e mós setór negosiu informal barak mak taka” dehan Deputadu, Bankaka CNRT.

Oscar de Araujo, akresenta povu tomak hatene, levatamentu Fundo Petrolíferu ho urjénsia tuir pedidu Governu  mai iha Parlamentu Nasionál, ami halo ona ami-nia dever, maibé fulan-rua ona, Governu la halo pagamentu ba povu. Sé laiha regras, signifika Governu mai husu osan iha PN sem Planu.

“Tanba-ne’e mak to’o ohin loron Governu seidauk bele ezekuta. Ami hare’e katak, Governu mai bei-beik ho mudansa númeru uma-kain. Ida ne’e hatudu momoos katak, Governu ida-ne’e laiha duni kapasidade atu rezolve Povu nia moris”.

 Nune’e mós, akizasaun ekipamentus ne’ebé Governu halo liu hosi UNDP ho montante osan hamutuk $5 milhões de dolares lao tarde liu, to’o ohin loron seidauk to’o mai maske Governu selu hotu ona. Ita hatene katak, pandemia Covid-19 reduz ba bei-beik no agora dadauk laiha pasiente Covid-19. Ida-ne’e hatudu katak, ekipamentus ne’ebé Governu sosa ho osan bo’ot ne’e, “karik” sei to’o iha Timor-Leste, depois rai deit ona iha armajen tanba la uza.Fel

 

Add to Comments Here!!!!

error: Content is protected.
Secured By miniOrange
You might also like:
DEKLARASAUN POLÍTIKA BANCADA CNRT HO NIA ALIADU SIRA

Hamutuk ita Hametin Estado de direito...

Hakotu dezorden polítika, Evanjellu mak matadalan interpreta konstituisaun

Arsebispu Metropolitana Díli, Dom Virgílio do...

Prevene COVID-19, Xina apoia ekipamentu saúde ba TL

Apoiu ne’e to’o Timor–Leste(TL), iha loron...

Close