JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN aprova estensaun EE ba daruak Bankada hat: Instrumentu polítiku ba poder

PN aprova estensaun EE ba daruak Bankada hat: Instrumentu polítiku ba poder

Parlamentu Nasionál (PN) aprova ona  estensaun Estadu Emerjénsia (EE) ba faze datoluk ho votus a favor 40, kontra  ida no abstensaun zero.

Votus a favor mai husi deputadu sira bankada FRETILIN, PLP, KHUNTO no apoiu husi PD  na’in  tolu (3), maibé deputadu António da Conceição fó votus kontra no estensaun EE ne’e aprova liu husi votasaun nominál.

Vise Xefe bankada  FRETILIN, Francisco Miranda Branco, hateten, maske Timor-Leste manan batalla dahaluk, maibé luta ba kontra Corona Virus Disease (COVID-19) seidauk remata, tanba ne’e, presiza nafatin kontribui hodi luta.

“Timor-Leste agora dau-daun tama ba lista COVID-19 hanesan rai ida nebe’e laiha kazu pozitivu. Ida ne’e hanesan batalla ida nebe’e ita konsege manan ho susesu boot, maibe ita labele hanoin katak funu ne’e hotu ona. Ita hare iha rai barak, liu-liu ita-nia viziñu sira, kazu pozitivu aumenta ba bei-beik, ho kontamisaun iha sira nia komunidade ona. Ita nia viziñu Indonézia ne’ebé ita partilla hela fronteira terrestre mós hasoru hela batalla boot ho kazu ne’ebé aumenta maka’as loro-loron. Husi espriensia mós ne’ebé ita haree iha média relasiona ho rai barak ne’ebé manan primeira batalla, maibé agora komesa hasoru fali batalla foun kontra virus ida ne’e, fó hanoin ita katak, ita presiza tau nafatin atensaun ba medida prevensaun iha ita-nia rai doben Timor-Leste”, Vise Xefe bankada  FRETILIN ne’e liu husi deklisaun politiku iha plenaria ,Kuarta (27-5-2020)

Ho nune’e, bankada FRETILIN konkorda no iha nesesidade estende tan EE,  tanba sei presiza nafatin implementa medida balun ne’ebé nesesáriu atu garante seguransa ba populasaun sira.

Nune’e mós deputadu husi bankada PLP, Noe da Silva, hateten, iha duni posibilidade Governu atu estende EE, ho razaun Timor-Leste ligasaun direta ba nasaun afetadu sira hanesan Indonézia.

Lee hotu :   Mari Alkatiri: Estadu laiha informasaun Xanana fila

“Ita seidauk iha aimoruk atu kura moras ida ne’e, ita prevene di’ak liu do que ita kura, ho razaun hirak ne’e, iha razaun ne’ebé estende ba EE, maibé PLP propoin ba Governu proposta ne’ebé mak promete ona ba povu osan USSD100. Tanba bainhira estensaun ba EE, signifika komunidade sira hela iha uma, enfrenta tan hanesan implementa iha faze primeiru no segunda, tanba durante fulan komunidade enfrenta situausan difísil tenke lakon servisu no hela de’it iha uma”, nia dehan.

Bankada hat: Instrumentu polítiku ba poder

Nune’e mós bankada CNRT iha uma fukun Parlamentu Nasioná (PN) hamutuk ho ninia aliadu PUDD, UDT/FM, konsidera prolongamentu Estadu  Emerjénsia (EE) ba faze datoluk ne’e hanesan instrumentu polítiku, hodi hametin  garantia poder.

“Tanba ne’e bankada CNRT ho ninia aliadu sira la partisipa iha plenária ne’ebé prezide husi Prezidente Parlamentu Nasionál (PN) illegal ba estensaun EE ba datoluk. Ami kontinua enkoraja povu tomak atu kuidadu saúde, fase liman bei-beik no kumpre distánsia sosiál tuir orientasaun saúde públiku”, Deputada CNRT, Oscar de Araújo liu husi konferénsia imprensa iha bankada CNRT, Kuarta  (27-05-2020).

Tuir reprezentante povu  ne’e, laiha razaun fundamenta estende EE, bele halo de’it medida emerjénsia atu prevene transmisaun COVID-19 ba  komunidade sira.

Tanba ne’e,  bankada  FRETILIN hetan apoiu husi deputadu sira bankada PLP no KHUNTO, hodi viabiliza VIII Governu ne’ebé mak monu ona. Sira konsientemente uza EE COVID-19 hodi halo manobra polítika oi-oin, inklui ohin mai husu tan renovasaun EE ba datoluk hodi estende EE ba fulan-tolu. Intensaun klaru, ho estensaun EE ida-ne’e sira hakarak atu hametin sira-nia poder ne’ebé hetan hosi dalan illegal no inkonstitusionál.

Lee hotu :   La liga Portugés, FRETILIN konsidera deputadu viola rejimentu PN

“Asaltu poder ida-ne’e viola konstituisaun RDTL, lei no rejimentu PN, ami hein hela tribunál atu pronúnsia actos sira ne’e ho la-lais no justu. Ho nune’e bankada CNRT ho nia-aliadu sira la partisipa iha plenária PN, maibé manifesta nia pozisaun relasaun ho estensaun  EE. Pandémia  COVID-19 importadu, laiha transmisaun lokál, desizaun taka fronteira, aeroportu no portu hatudu ona redusaun kazu suspeitu COVID-19 loron-loron. Timor-Leste halo ona esforsu hotu-hotu, lokalizasaun suspeitu iha kuarentena no izolamentu. Tanba-ne’e, iha loron 2, fulan Abril, PN aprova fundu propriu USD150 milhões ba polítika prevensaun hodi sulan povu tomak iha de’it uma, halo “lockdown” ba teritóriu tomak, objetivu mak pandémia ne’e labele da’et ba ema seluk, labele da’et ba família no komunidade sira”, tenik nia.

Presidente Repúblika propoin primeira estensaun ba EE, CNRT ho ninia aliadu ami vota kontra ho razaun katak, la presiza estende, maibé promove de’it lei ida hodi taka de’it fronteira no halo restrisaun limitadu ba movimentu populasaun, atu nune’e labele lori konsekuensia negativu  barak ba povu. ety

Add to Comments Here!!!!

error: Content is protected.
Secured By miniOrange
You might also like:
Padre Maubere: Impase polítiku atuál falun ho interese partidária

Padre Domingos Maubere, konsidera, situasaun polítika...

Lere:Governu tenke hatur regra regula artemarsiál

Xefe Estadu Maior Jeneral  FALINTIL-Forsa Defeza...

Membru Governu CNRT ne’ebé hatama karta rezignasaun hein desizaun husi PR

Membru Governu husi partidu CNRT, ne’ebé...

Close