JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Tesi destinu destituisaun, PPN konsulta koligasaun AMP foun

Tesi destinu destituisaun, PPN konsulta koligasaun AMP foun

Prezidente Parlamentu Nasionál (PPN) realiza enkontru ho bankada sira koligasaun AMP foun, hodi halo konsulta polítika, antes foti desizaun ba destinu hosi pedidu destituisaun ne’ebé aprezenta hosi bankada FRETILIN, PLP ho KHUNTO.

Prezidente Parlamentu Nasionál, Arão Noe de Jesus da Costa Amaral, afirma, nia parte presiza estuda didi’ak, antes foti desizaun, tanba situasaun atual, hanesan mós situasaun ne’ebé akontese ona iha pasadu  tinan 2017,  mandatu kuarta lejislatura nian ne’ebé lidera husi Prezidente PN Aniceto Guterres atual deputadu bankada FRETILIN,  ne’ebé oras sai mos proponente ba karta destituisaun ne’e.

“ Sim, ami halo enkontru ida kona-bá rekerimentu ne’e, hodi haree oinsa para foti opsaun saída mak presiza, kona-bá rekerimentu ne’e, sei análiza hela. Seidauk iha desizaun, sei análiza, sei estuda hela, tanba ami seidauk iha desizaun ida, tuir rejimentu artigu 17 kompetensia Prezidente PN ninian. Uluk 2017, pedidu tama hela to’o fulan 6 laiha problema ida, katak ida ne’e mós hanesan, ita hein halo análiza, depois mak ita haree desizaun ne’ebé mak atu hola.”tenik PPN Arão ba jornalista sira hafoin enkontru, Sesta (09/04/2020).

Arão Noe haktuir, krize institusional mosu dezde proposta Orsamentu Jerál Estadu (OJE) 2020  xumbadu iha Parlamentu Nasionál.

“Krize institusional ne’e la’os foin mosu, maibe mosu kleur tiha ona, dezde OJE 2020 la aprova ne’e, ne’eduni falta desizaun de’it. Maibe konforme sira (FRETILIN, PLP ho KHUNTO) se rejimentu fó dalan bele halo, laiha buat ida, odamatan  Parlamentu nakloke hela, loke loron to’o kalan, se mak hakarak bele ba tur iha meza hodi prezide, halo favor de’it, se tuir lei no konstituisaun, Preizdente la sei haruka ema atu para. Tanba destituisaun ne’e sei iha hela faze análize, prosesu la’o hela, depois mak ita sei haree, sei ajenda ka la’e, depois mak ita sei deside,”afirma Arão Noe.

Lee hotu :   CNRT konsidera Alkatiri mak volante PR Lú Olo iha desizaun Estadu

Maske nune’e, porta-voz koligasaun Aliansa Maioria Parlamentar ka AMP foun, deputadu António da Conceição Kalohan, hateten, koligasaun foun ne’ebé lidera hosi CNRT ne’e, preparasaun ba nono governu, la’os ba VIII Governu, tanba ne’e, koligasaun refere sei nafatin no envole KHUNTO ba nono governu.

“Koligasaun foun hein katak, iha netik pronunsiamentu ida hosi PR, ami mós la dehan katak KHUNTO sai, tanba ami nia koligasaun ne’e atu ba nono governu. Agora dadauk sira (KHUNTO) sai ne’e sei apoia hela VIII Governu, ne’e duni laiha implikasaun ida ba ami-nia ezistensia koligasaun nian. Kuandu iha nono governu, KHUNTO bele ho koligasaun ida agora, tanba koligasaun ida halo ne’e ba nono governu, la’os atu mantein VIII Governu, ne’e maneira ida ba agora dadauk, KHUNTO nia pozisaun ne’e mós ami nafatin respeita, ami mós labele dehan katak KHUNTO ne’e laiha relasaun ona ho ami, tanba koligasaun ne’e ba nono governu ninian.”subliña Kalohan.

Pedidu destituisaun ne’ebé prezidente parlamentu nasionál estuda hela ne’e, aprezenta hosi deputadu sira bankada FRETILIN, PLP ho KHUNTO, iha loron lima fulan Maiu ne’e.

Antes ne’e, partidu KHUNTO deside retira hosi koligasaun foun AMP ne’ebé envolve partidu 6, hanesan CNRT/PD/PUDD/UDT-Frente mudansa inklui KHUNTO rasik.

Ho razaun atu fó apoiu ba VIII governu ne’ebé envolve nanis ona membru partidu KHUNTO nian, hosi rezultadu koligasaun pre-eleitoral eleisaun antesipada nian, hamutuk ho PLP, KHUNTO inklui CNRT rasik.

Maske nune’e, Partidu KHUNTO rasik deklara retira-an hosi koligasaun ne’e, liu hosi karta eskrita, maibe la’os desizaun liu hosi konferénsia ruma.Say

Add to Comments Here!!!!

error: Content is protected.
Secured By miniOrange
You might also like:
Rekoperadu COVID-19 sae ba 18  Nain 6 kontinua iha izolamentu

Dadus ne’ebé fó sai husi sala...

CNRT: FRETILIN “kán” ukun forma de’it IX Governu ■ Meza kinta lejislatura mudansa bainhira iha Governu foun

Vise xefe bankada CNRT, deputadu Patrocinio...

Situasaun Nasional Kazu COVID-19, dia 8 de Maiu 2020

Close