JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Viola KRDTL, CNRT sei keixa Lú Olo ba Tribunal ■Xanana: FRETILIN nia interese PR la estuda

Viola KRDTL, CNRT sei keixa Lú Olo ba Tribunal ■Xanana: FRETILIN nia interese PR la estuda

Prezidente Partidu Kongresu Nasionál Rekonstrusaun Timorense (CNRT-sigla Portugés), Kay Rala Xanana Gusmão, hatete, CNRT sei halo keixa hasoru Prezidente Repúblika (PR), Francisco Guterres Lú Olo ba Tribunal, tanba konsidera viola Konstituisaun RDTL (KRDTL) durante impase polítiku hahú husi 2017 to’o agora.

Prezidente Kay Rala Xanana Gusmão hateten, liu hosi hato’o petisaun ba Tribunal hodi husu fiskalizasaun ne’e, hanesan dalan ida, atu jerasaun foun sira labele banati tuir aktu sira ne’ebé mak viola lei inan.

“Ita-nia sosiedade maioria jovens de’it, imi hotu (jornalistas) ami katuas ona, COVID-19 la mosu mós tinan ida rua tan ami kala Maromak haruka ona ba infernu. Maibe tenke haree ba imi (Jovens) oinsa mak kompriende estadu, no oinsa mak ikus mai imi bele ka’er nafatin ita-nia estadu, nu’udar estadu direitu demokrátiku. Ita iha hela krize institusional, enves ita asal bunyi maka ami hanoin katak CNRT iha nia dever boot ba estadu no povu ida ne’e, ba jerasaun foun, atu fó ba sira nia liman, para ikus fali mai, bele kaer metin estadu direitu demokrátiku ne’e, selae ita temi de’it estadu-estadu, maibe ita nia sentidu estadu ita firme hotu tiha, halo sentidu, depois estadu direitu demokrátiku lakon tiha nia valor. Depois de eleisaun antesipada iha 2018, antes tama eleisoens, partidu tolu mak halo aliansa pre-eleitoral, maibe iha klaúzula ida dehan katak, kuandu depois de posse Primeiru Ministru 30 diaz, aliansa ne’e mós  la vale ona, katak lakon. Ho ida ne’e mak iha ita temi karik mosu aliansa foun ida iha PN, PLP , KHUNTO, CNRT, UDT/FM, hodi reforsa maioria Parlamentár iha PN, ida ne’e mak tane hela VIII Governu, maibe karik lembra, iha Juñu 2018, atu toma posse ba VIII Governu, partidu tolu ko’alia ba malu, ida-idak fó nia ema, tau hamutuk tiha PM haruk lista ba PR, ami hakfodak tanba PM fila fali mai ami hodi dehan katak sira balun PR la fó, razaun iha kazu pendente iha Tribunal, no balun la tuir perfíl. Ami mós hakfodak no bolu malu, husu ba malu, iha kazu ruma karik, maibe atu serteza liu ami husu ba Tribunal, sertidaun kona-bá sira ida-idak, lakleur Tribunal fó hatene mai ami katak laiha buat ida, ho ida ne’e mak ami mós hakerek ba PR katak sira ne’ebé dehan iha kazu pendentes ami haruka mak ne’e, Tribunal dehan katak laiha kazus pendente, problema boot mak ida ne’e. Ami mós hakerek kona-bá prezunsaun ba inosensia, ne’ebé ita nia KRDTL temi, maibe laliga no lakohi, ida ne’e viola KRDTL, maibe PR iha juramentu katak atu kumpri KRDTL, no halo ema hotu kumpri KRDTL, ne’e jura.

Lee hotu :   PN la fó komentariu asuntu ConocoPhilips

Depois nu’udar PR, devia hatene katak iha órgaun soberanu estadu ninian, iha kompetensias ida-idak nian, ida seluk labele hadau, no labele ka’er. Karik sidadaun sira ne’e iha kaju iha Tribunal, ne’e kompete ba Tribunal mak julga, la’os mai fali halo juízu de kulpa, ne’e sala tiha ona, maibe prontu ami husik hela de’it to’o krize institusional mosu ho OJE 2020.”dehan Xanana Gusmão.

“Tanba PN la aprova OJE, ho nune’e mak PR bolu partidus polítikus, konsellu estadu sosiedade sivil no lideres nasionál, depois PR fó rekomendasaun 3, ida EA nu’udar rekursu ikus, rekomedansaun segundu partidu sira atu buka malu, no terseiru rekomendasaun katak VIII governu kontinua nia funsaun ho atual PM to’o hetan governasaun foun mosu. Tanba orsamentu duodésimu, ne’e mak ami haktuir de’it rekomendasaun ida segundu ne’e, hodi buka malu, maibe la’os CNRT de’it mak buka, hotu-hotu buka malu, tanba ne’e mai buka malu tuir rekomendasaun segundu ne’e, UDT/FM, PUDD, PD, Khunto ho CNRT, halo aliansa foun, depois mai ami anunsia katak partidu 6 ne’e hamutuk tuir rekomendasaun PR nian no hateten ba PR katak ami disponibel, ami haruka karta ba PR hein-hein to’o deside bolu ami, iha 6 de Marsu, ami ba maibe hau mós hakfodak PR dehan atu forma koligasaun tenke liuhosi konferensia ka kongresu. Depois ami halo konferensia no kongresu, haruka ba PR dehan ami kumpri ona, depois ami diskute no indizita PM, sira husu hau mak ba, ami haruka ba PR ami hein hela, depois liu tiha loron hirak, ami husu tuir dehan katak sei estuda, estuda ne’e mak to’o fali agora de’it. Iha depois PM kala rona katak iha koligasau foun, iha dia 25 Marsu nia ba aprezenta nia demisaun. Maibe KRDTL dehan PR iha kompetensia atu disolve PN, kuandu lakonsege forma governu ou laiha aprovasaun OJE iha PN, liu loron 60, kuandu liu ona PR iha kompetensia atu disolve PN, maibe agora ne’e lahatene loos liu loron hira ona, depois demora-demora, liu tiha loron 40 PM ba husu fila fali nia pedidu demisaun ne’e.  Ida ne’e la’os atu kestiona Lú Olo, maibe tanba imi jerasaun foun, tenke buka kompriende didiak buat sira ne’e hotu, hodi defende ita nia estadu direitu demokrátiku, ”deklara Prezidente CNRT, Kay Rala Xanana Gusmão liu hosi konferensia imprensa iha sede nasionál bairro Grillos, Kinta (30/04/2020).

Lee hotu :   PN seidauk simu informasaun estudante kontinua selu propinas iha EE

Tuir Xanana, CNRT deside aprezenta petisaun refere ba Tribunal tanba  observa Xefe estadu Viola KRDTL, la’os tanba hakarak ukun. Eis PR Xanana Gusmão, mos furiozu ho atitude PR Lú Olo nian ne’ebé gosta buka problema ho Aliansa dezde uluk to’o agora ninian hodi dehan sei estuda hela deit.

“Aliansa foun nian indijita Primeiru Ministru, to’o agora nia sei estuda. Nia sei estuda,  eeeeehh sei estuda. Nia sei estuda, e Primeiru Ministru ba hatama sira nain neen ne’e FRETILIN nia ema tama, ne’e nia la estuda ida. Ne’ebé ida ne’e hotu violasaun klara e grave das obrigasoens konstitusionais Prezidente nian. Ami la reklama dehan, ami atu ba kaer Governu, laiha. Nia mak tenke fó ezemplu mai ami. Auziensia de desizaun husi PR ne’e naruk demais, tanba ne’e mak ami atu aprezenta karta ne’e, la’e ami la aprezenta ida, se la violasaun konstituisau. Maibe komu viola, tanba nia (PR) iha nia juramentu dehan Juro cumprir e fazer cumprir a Constituição, juramentu ne’e falsu. Agora atu forma governu foun ida ne’e, ne’e oin seluk, no kona-bá KHUNTO la’os atu hirus la’e, ami respeita. ”dehan Kay Rala Xanana.

Tuir eis komandante em Xefe FALINTIL Xanana Gusmão, katak, nia parte preokupadu ho PR Lú Olo nia asaun sira ne’e tanba jerasaun foun labele esplora ka halo tuir modelu polítika ka desizaun ne’ebé PR Lú Olo husik hela oras ne’e dadauk ne’ebé sala.

“Ami preokupadu ne’e tanba se ita husik hela hanesan ne’e, ikus fali mai imi mak baku malu, baku malu, no se mak atu kaer ita-nia estadu direitu demokrátiku sei harahun tiha. Hanesan iha rai G7+ barak la konsege tanba hot-hotu hakarak ba poder. Ha’u rona dehan, eiiiiiii ne’e Xanana mak hakarak sai Primeiru Ministru, kuitadu. 2015 ha’u sae ba Primeiru Ministru, 2018 mos ha’u la ba, ne’ebe kala tanba ida ne’e mak sira dehan, ha’u hamrook sai Primeiru Ministru. Mas la’os tanba problema ida ne’e (atu sai primeiru ministru ka la sai primeiru minitru)”,dehan tan Xanana.

Lee hotu :   PM Taur: Halakon rezolusaun, aplika lei ba GAM

Nune’e líder másimu partidu CNRT ne’e mós subliña tan, kona-bá pozisaun membru governu husi CNRT, Konsellu Polítika Nasionál CNRT sei diskute.

“Pozisaun membru Partidu nian ha’u labele dehan buat ruma, tanba CPN mak sei deside kona-bá ida ne’e, ”informa líder karismátiku ne’e.

Entertantu, petisaun husi CNRT hodi husu Tribunal halo fiskalizasaun ne’e, sei aprezenta Segunda-feira (04/05/2020).Say

Add to Comments Here!!!!

error: Content is protected.
Secured By miniOrange
You might also like:
Loron mundial liberdade imprensa, PM agradese servisu jornalista

Komemorasaun loron mundial Liberdade Imprensa ne’ebé...

TL laiha nesesidade estende EE, Eis MED: Autoridade presiza harii BDN

Estadu Timor-Leste (TL) laiha nesesidade estende...

Jurista Júlio Crispim: Laiha dalan legál mantein VIII Governu

Jurista Julio Crispim, deklara, laiha dalan...

Close