JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ameasa keixa CNRT ba MP, CNRT sadik tan Alkatiri lori Oceanic Exploration ba Tribunal

Ameasa keixa CNRT ba MP, CNRT sadik tan Alkatiri lori Oceanic Exploration ba Tribunal

Deputadu sira husi bankada CNRT, hetok sadik tan Sekretáriu Jerál partidu Fretilin, Marí Bim Amude Alkatiri, atu lori kompañia Oceanic Exploration ba Tribunal, tanba kompañia ne’e mak fó sai númeru konta bankaria kona-bá simu subornu ho ConocoPhillips.

“Bankada CNRT hakarak responde Sekretáriu-Jeral Partidu Fretilin, Mari Alkatiri, ne’ebé ikus-ikus ne’e hatudu ninia frustrasaun agravada ba asaun Karitativa ne’ebé Maun Boot Kay Rala Xanana Gusmão halo iha Díli no iha munisípius. Frustrasaun Mari Alkatiri nian ne’e soe iha facebook, hodi dezakredita no minimiza Maun Boot no Timor-oan lubuk ida ne’ebé hala’o asaun karitativa hodi ajuda populasoens sira ne’ebé sofre hela falta aihán iha sira-nia moris loro-loron, hanesan konsekuênsia husi Estadu Emerjênsia. Sekretáriu-Jeral Fretilin, iha ninia facebook, tenta soe lia ba públiku, ho intensaun atu dezakredita asaun karitativa ne’ebé maun boot Kay Rala Xanana Gusmão halo daudauk, ho akuzasaun katak asaun hirak ne’e atu subar-an husi korrupsaun. Deklarasaun Mari Alkatiri nian ne’e, hanesan insultu boot ida ba Igreja Katólika, Gabinete Prezidente Repúblika, Espoza husi Primeiru Ministru no grupu karidade Timor-oan sira, ne’ebé durante ne’e halo hela asaun hodi fó tulun ba komunidade sira ne’ebé afetada husi Estadu Emerjênsia”, dehan deputadu CNRT, Gabriel Soares.

“Tanba-ne’e, bankada CNRT iha Parlamentu Nasional hakarak aprezenta faktus balun ne’ebé iha relasaun ho korrupsaun lolós (simu suborno), ne’ebé komete husi Mari Alkatiri, kazus ne’ebé rejista iha United States District Court for the District of Columbia, núdar Tribunal ne’ebé simu keixa husi Oceanic Exploration.

Mari Alkatiri labele haluha katak Kompaña Oceanic Exploration hato’o keixa hasoru ConocoPhillips, tamba fó subornu ba nia, Marí Alkatiri, ho montante por volta de $5 milloens de dólares. Tribunal Distrital Columbia, iha Estadus Unidus, INDEFERE keixa ne’e, la’os tamba substânsia matéria, maibé tanba kestaun prosesual  ida ne’e hatudu katak alegasaun husi Oceanic Exploration, hasoru ConocoPhillips, kona-ba Mari Alkatiri pertinente duni. Marí Alkatiri fa’an tiha Povu nia riku so’in no Timor-Leste nia soberania ba Austrália no ConocoPhillips ba tinan 50, ho folin $5 milloens de dólares – afinal, ho deit $5 milloens de dólares, Marí Alkatiri fa’an tiha nia onra, dignidade no integridade.

Lee hotu :   PM Taur husu sidadaun hotu kontribui COVID-19 labele tama TL

Tanba subornu $5 milloens ne’e, Marí Alkatiri fó ordem ba Deputadus Fretilin nian atu vota kontra, hodi nega Povu-nia soberania no riku-soin, bainhira atu ratifika Tratadu Fronteira Marítima, iha Agostu 2019.

Ne’e mós tanba Bankada Fretilin, iha tempu ne’ebá (Novembro 2002), simu hotu osan subornu ne’e.

Osan ba subornu ne’e, ConocoPhillips transfere ba iha Marí Alkatiri no Ahmad Alkatiri sira-nia konta bankária iha Banku ANZ, iha Trower Road, Monterey House, Casuarina, no Westpac Bank, iha 7 Bradshaw Terrace, Casuarina, iha Darwin, Australia.

Marí Alkatiri, iha ninia facebook, ameasa atu bolu ninia advogadu hodi hatama kazu ne’e ba Ministériu Públiku.

Husu boot Mari Alkatiri lori kazu ne’e ba Tribunal hasoru Oceanic Exploration, tanba Oceanic Exploration maka fó sai hotu númerú konta bankária,  hanesan 0164955606-24866 no mós 0159015376-18038.”dehan deputadu CNRT, Gabriel Soares.

Deputadu CNRT hirak ne’e afirma katak, asaun karitativa ne’ebé líder Karismátiku Kay Rala Xanana Gusmão halo ne’e, hanesan domin ida ne’ebé parte igreja ho Timor-oan barak halo ba povu kbiit la’ek sira ne’ebé presiza duni tulun iha Estadu Emerjénsia ne’e.

“Marí Alkatiri mós labele haluha katak Auditoria husi Câmara de Contas, iha RAEOA, ba tinan 2014-2015, hatudu katak, Estadu hetan prejuízu to’o $30 milloens de dólares no iha indísiu ba krime iha ezekusaun orsamental liu $300 milloens de dólares – faktus ne’e akontese durante tempu ne’ebé Marí Alkatiri sai hanesan Prezidente RAEOA-ZEESM.

Marí Alkatiri labele haluha mós katak ro-ahi HAKSOLOK, ne’ebé selu tiha ona ho osan liu ona $20 milloens de dólares, to’o agora seidauk mai Timor-Leste no Marí Alkatiri lohi Dom Carlos Filipe Belo no Madre Guilhermina Marçal hodi fó bensaun no sai madriña ba besi mamuk ida, ida-ne’e mós hanesan insultu ida ba Igreja Katólika no ba Povu Timor-Leste tomak.

Lee hotu :   Eis Frente Klandestina lamenta maneira entrevista CH

Piór liu, kona-ba Ro Haksolok, Mari Alkatiri buka lohi Primeiru Ministru atu simu tiha todan ne’e, hodi fó tán $14 milloens ba Luis Pité ho nia kroni sira, hodi kontinua bosok katak hadia Ro Haksolok, ne’ebé tinta mós monu hotu no ekipamentus sira afinal át hotu.

Tanba-ne’e, Bankada CNRT konsidera katak Marí Alkatiri nia akuzasaun korrupsaun hasoru entidades, organizasoens no individuos, inklui Maun Boot Xanana, ne’ebé halo asaun karidade, akuzasaun ne’e laiha liu fundamentu no apenas hatudu Marí Alkatiri ninia Paranóia ba popularidade Prezidente CNRT nian ne’ebé kontinua sa’e iha povu simples nia matan.

Mari Alkatiri ninia deklarasoens iha facebook, durante ne’e, sai hanesan esforsu ka tentativa atu subar ninia aktus korruptus ne’ebé Câmara de Contas deskobre, durante halo auditoria iha RAEOA-ZEESM. Mari Alkatiri halo FRETILIN sai ninia abrigu, atu sukit tun sukit sa’e, hodi expresa ninia frustrasaun kona-ba ninia an-rasik.”dehan deputadu CNRT, Gabriel Soares ba jornalista sira, Kuarta (24/6/2020), liu husi konferensia imprensa iha Parlamentu Nasionál.

Kona-bá akuzasaun husi CNRT ne’e, antes ne’e Sekretáriu Jerál Fretilin, Marí Alkatiri halo ona publikasaun iha media sosial katak, iha tempu badak nia advogadu sira sei keixa ba Ministériu Públiku (MP), tanba konsidera informasaun ne’e laloos.

Relasiona asuntu ne’e, GMN tenta konfirma mós ho xefe bankada Fretilin, deputadu Francisco Miranda Branco, maibe nia parte lakohi fó komentáriu.Say

Add to Comments Here!!!!

error: Content is protected.
Secured By miniOrange
You might also like:
Regula ema kaben sedu, tenke halo revizaun kódigu sivíl

Sekretáriu Estadu ba Igualdade no Inkluzaun...

SEII reativa programa inisiativa Spotlight

Sekretáriu Estadu ba Igualdade no Inkluzaun...

UE kontinua fortifika kooperasaun ho TL

Embaixadór Uniaun Europeia iha Timor-Leste, Andrew...

Close