JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Fó pose ba ekipa rekuperasaun ekonomia, PM Taur: Presiza normaliza fali ekonomia rai-laran

Fó pose ba ekipa rekuperasaun ekonomia, PM Taur: Presiza normaliza fali ekonomia rai-laran

Primeiru Ministru (PM), Taur Matan Ruak, Kinta (18/6/2020), fó pose ba membru Komisaun Elaborasaun Rekuperasaun Ekonomia. Tanba ne’e, nia husu ba komisaun ida ne’e bele servisu di’ak liu atu bele normaliza fila-fali ekonomia iha rai-laran.

Ekipa elaborasaun rekuperasaun ekonómika ne’e mak hanesan Prezidente Komisaun, Rui Augusto Gomes, Rui Maria de Araújo, Manuel Vong, Carlos da Silva Lopes Saky, no Berta Montalvão.

“Ha’u konvida prezidente komisaun no ekipa hodi prepara planu rekuperasaun ekonomia, kria komisaun ida ne’e hodi hetan, minimu konsensu posivel sosiedade, tamba ne’e situasaun ida espesial, COVID-19 la’os deit krize deit, maibe fó oportunidade ida ba ita hodi normaliza, ekonomia rai laran”, dehan Xefi Governu, Taur Matan Ruak iha Palasiu Governu, Kinta (18/06/2020).

Governante ne’e subliña, iha momentu ida ne’e hanesan oportunidade bele hetan minimu konsensu iha area sira importante, ba investimentu, defini prioridade klaru, ne’ebé hanoin katak nesesariu atu halo investimentu.

“Rekursu ituan ne’ebé ita iha, tenki brani investe se ita brani, normaliza fali ekonomia iha ita nia rai, ho objektivu hirak ne’e mak kria komisaun ida ne’e, ha’u nia orientasuan ba membru governu sira ami foka liu ba area importante, area ida mak mantein reforma sira ne’ebé planea iha 2019, bele abilita no posibilita governu ne’e mais efisienti posivel” tenik Taur

Nia esplika, Governu foka mos ba area produtividade no empregu, investimentu tinan barak, iha empregu liu-liu iha kapital dezenvolvimentu, espera ne’e oportunidade ida, atu halo investimentu, no reforsa kapasidade rezilensia.

Taur relata, hanesan foin lalais ho COVID-19, buka fatin ba kuarentena, ida ne’e hatudu katak, TL la preparadu ba krize, maibe iha area seluk mos, presiza reforsa atu nune’e aumenta, timoroan nia kapasidade iha tempu krize, maibe ekipa ida ne’e presiza halo diagnostika hodi haree agora TL to’o iha ne’ebé ona.

Lee hotu :   SEJT husu traballador illegal iha Korea fila mai TL

“Husi hau nia governu ami disponivel para apoiu, ekipa ida ne’e tuir posibilidade ne’ebé iha, espera katak, iha tempu badak ita bele hetan planu ida ne’e” afirma Taur.

Iha fatin hanesan, Prezidente Komisaun Elaborasaun Rekuperasaun Ekonomia, Rui Agostu Gomes, hateten, servisu ida ne’e kompleksu oituan, tamba planu ne’e enkaixa iha situasuan senáriu makro ekonomia mundial ida ne’ebé inserteza barak.

“Ita la hatene los kresimentu ekonomia iha nasaun seluk, tinan oin mai la’o oinsa, maibe ha’u hanoin buat ne’ebé afeta ita nia produtividade no impede kresimentu, no etika servisu ne’e presiza hadia, tamba laos fakar deit osan ba ekonomia, no ekonomia ne’e buras ona”, relata Rui.

Rui esplika, COVID-19 afeta maka’as ba ema nia rendimentu no empregu, maibe foka maka’as liu mak ba ema, oinsa mak proteje ema, asegura ema liu husi empregu, maibe laos empreegu ida ne’ebé vulneravel.

“Ohin ha’u servisu aban ema duni sai, maibe empregu ida ne’ebé produtivu, ho rendimentu no empregu mak kresimentu bele sae, tamba osan laiha ema laiha konsumu”, subliña Rui.

Eis Ministru Finansa ne’e salienta, rekuperasuan ida ne’e presiza hadia lai buat sira ne’ebé tinan barak nia laran, hanesan haluha tiha, agora mak foin hakfodak, se deperenti governu taka tia asesu ai han mai TL, sidadaun sira han saida, ida ne’e mak presiza hadia.

Planu ne’ebé mak ekipa ne’e iha, sei tau hotu iha relatoriu sei aprezenta ba iha konsellu ministru, no sei ba aprezenta iha PN ka lae, maibe iha laran ami sei sita hotu, elemplu: kona-ba apoiu seguransa ai han, ita presiza orsamentu hira husi governu, husi doador. Cin

Add to Comments Here!!!!

error: Content is protected.
Secured By miniOrange
You might also like:
KKFP husu PN ho Governu tenke kumpri rekezitus lei FP

Konsellu Konsultivu Fundu Petrolíferu (KKFP) husu...

Organizasaun ba ema ho defisiensia deklara sai husi ADTL

Organizasaun ema defisensia sira ne’e maka...

Lere: Ha’u nia mandatu atu remata Prezidente-Governu mak hatene

Xefe Estadu Maior Jeneral FALINTIL -...

Close