Governu presiza rejista bens moveis-dívida naun finanseiru

Xefe bankada FRETILIN, Francisco Miranda Branco, hateten, presiza rejista bens moveis, inklui dívida naun finanseiru, tanba durante ne’e seidauk rejistu.

“Problema ne’ebé ita presiza rejista mak bens de moveis laiha rejista Governu anterior la halo servisu ida ne’e, ita-nia bens no moveis Estadu Timor-Leste ni’an laiha rejistu, ita bele halo kálkulu katak Estadu nia bens moveis osan ne’e mak ida ne’e. Ita seidauk bele no iha tan seluk dívida naun finanseiru presiza halo regulamentasaun”, Xefe bankada FRETILIN ne’e ba jornalista sira hafoin halo debate ho Governu kona-bá konta jerál Estadu tinan 2018 iha Parlamentu Nasionál (PN), Segunda (08-06-2020).

Francisco akresenta mós katak, durante ne’e Governu anterior sira la halo rejistu kona-bá bens no moveis no dívida naun finanseiru presiza mós halo regulamentu.

Entretantu debate konta jerál Estadu ne’e, partisisipa husi Ministru Finansas, Fernando Hanjam ho Vise Ministra Finansas hamutuk ho ninia ekipa tékniku no Ministru Asuntu Parlamentar no Komunikasaun. ety